JEREMIAH 34:9 - LEKHARABU INTHENG (BSI)

⁹ an-Hebrew sōk-hei, nuhmei leh pasehei masōna sik, tûte inkhatbek inum Israel mi inkhat kha sōk a anei makna sik inhnōmtō hei.

JEREMIAH 34:9 ပူးပေါင်းရင်းမြစ်များ

A’NPHUTNA 14:13

Rehmun a ahei katlânsōt mi inkhat in Amor mi Mamre intipa thingkung intheng hnenga aleika-om Hebrew mi Abram hnenga ṭong rakip kha avahri pek jo. Khava lai khan Mamre leh asōpuipa Eshkol leh Aner hei kha Abram leh alei inthōsap hei kae.

A’NPHUTNA 40:15

Ajârchu kei hi Hebrew ram a inphut anta heimarûk eng kae, khana hiva Egypt ram a hinum kurkhum a omna sik ṭōnse katlona heite om mak,” ati.

SŌKSŌT 2:6

Reng sanu khan amahlanga pase naitedông kha ahmu jo. Naite kha kaṭapsōt jo khana ama sik a reng sanu kha amalung inrim jo. “Hivahi Hebrew naite hei kâra inkhat kae,” ati.

SŌKSŌT 3:18

“Kami he’n anhnenga nahri pek hei ṭong kha anrangei sik. Khava sō leh nang Israel hlamkakeihei leh Egypt rengpa hneng se una hing’hin vahri ruh, ‘Rōngpu Hebrewhei Pathen kha kanhnenga hong inlâr jo. Tûn ni 3 hlam a nêrdi ramhânga Rōngpu kan-Pathen hneng inthoina katlo sik a ahnōm pek roh,’ vati ruh.

JEREMIAH 25:14

Ke’n Babylonhei kha antlona kara kha kapek male sik hei kae, khana jât-hei leh rengkalen he’n ansōk anmanchang sik jo hei.’”

JEREMIAH 27:7

Jât rakip in ama anrazen sik, ama khet jât-hei nammathlûkna pha kha ahong tlung mak kârseng, anmani’n asahei khana atu hei katlunga anrazen sik hei. Khava sō leh ratha kaneitak jât-hei khana reng kalentak hei kha ama jât he’n anrazen nôk sik hei.

JEREMIAH 30:8

Chunghnung Rōngpu’n ati, “Khava kanihei kha ahong pha leh, ke’n anhrak a rîngke kha kasuk mathlek pek sik hei, khana ankhōpna thîrhrui hei kha kalosōtpek sik hei, khana anmani ram hlop mihei sōk changmak jo hei ning.

JEREMIAH 34:10

Mi rakip leh anhlam kakei he’n ansōk hei ning leh hnōma masōna sik, avea sōk manchang nôk makna sik a kahnōm jo hei. Anmani’n anmasō jo hei,

CORINTHIANHEI INKHATNA 6:8

Khachu changlo jo cheia, nangni khat leh khat chunga ṭhena nantloa inruna jo chei, nansōpuihei chung tak um khanga nantlo joa kae!

CORINTHIANHEI INHNINA 11:22

Anmani Hebrewhei mo? Ke’m kae eng. Anmani Israel sahei mo? Ke’m kae eng. Anmani Abraham sōnhei mo? Ke’m kae eng.

DÂNRABU INHNINA 15:12

“Nan-Israel changpui pase achangmak leh nuhmei sōk inkhat sik a abinga nanhnenga a’njōr inchu, kum 6 nanṭōn atlosō pha nangni’n ama nantamasō sik kae. Kum 7 ahongtluk jo pha, ama aning ahnōma nantamasō nger sik kae.

PHILIPPIANHEI 3:5

Ka’ntet a inphut kani vekhat kahongtluk pha, kavun antan eng kae. Kei Hebrew thisen inthengtak, Benjamin phung, Israel mi inkhat eng kae. Jehudihei dân juitinga niti’nchu Pharisee inkhat eng kae,

SAMUEL INKHATNA 14:11

Khava jâra Philisti he’n anheihmuna sik heia antlo jo, khana Philisti he’n anti, “Enruh! Hebrew ṭhahrep an-intûpna khur kōk heia inphut heikasōk jo hei!”

SAMUEL INKHATNA 4:6

Philisti he’n anka-ông kha antheia anti, “Hebrew rephōra aka-ông heirakip so rangei ruh! Heijo mo kae? Hebrewhei rephōra Rōngpu Intepna Bôm kha heikatlung jo ti anmanhret pha,

SAMUEL INKHATNA 4:9

Philistihei, re tloa kahrâng song ruh! Pase kasōk a re tuk ruh, achangmak inchu, anmani eini sōk aleikachang hei kapōa, Hebrewhei sōk akachang sik me kae. Khava jâra pase kasōk a re tuk ruh!”