JEREMIAH 34:2 - LEKHARABU INTHENG (BSI)

² Rōngpu, Israel Pathen khan Judah Reng Zedekiah hnenga sea ṭong vahrina sik a amanthei eng, “Rōngpu ke’n hiva khōpui hi Babylon rengpa kut chunga kapek sōt sik, khana ama’n aro khum sik kae.

JEREMIAH 34:2 ပူးပေါင်းရင်းမြစ်များ

RENGHEI INHNINA 25:1

Zedekiah in Babylon rengpa Nebuchadnezzar dōina re aleitlo; khava jâra Zedekiah vairônna kum 9 tlukna thla 10 a ni 10 tluk ning Babylon rengpa Nebuchadnezzar in aremi rakip leh Jerusalema re aleitlo. Anmani’n khōpui vângting rephōr ansak a khōpui kekhumna akimvea bang ansak a kae,

RENGHEI INHNINA 25:9

Ama’n Bek-inn, reng-innpui, khana Jerusalem apui karôn mihei inn akhenga hmeia arosō hei,

JEREMIAH 21:10

Ke’n hiva khōpui hi hukmak sik, tâk-kha suk manhmang sik a intluk jo eng. Hivahi Babylon rengpa hneng kapek sōt sik jo, khana ama’n aro manvâm pet sik jo. Rōngpu, ke’n kahri jo.”

JEREMIAH 21:4

Israel Pathen Rōngpu’n Zedekiah hnenga antahri pek sik kha hinga ati, “Zedekiah, Babylon rengpa leh aremihei chunga re katuk sik naremihei kha hmaimôk kapek sik hei. Khōpui alaiṭima nanremihei re hmangchâk-hei kha kabuk mansip sik.

JEREMIAH 27:22

Anmani kha Babylona anchoi sik hei, ke’n khavahei sik a kamalung kapek mak kârseng khana khan ka-om sik hei. Khava sō leh hiva hmun a kahei choi nôk heia kada sik hei. Rōngpu ke’n kahri jo kae.”

JEREMIAH 32:3

Reng Zedekiah’n khava hmun a aleikhum eng khana Rōngpu ṭonghri kha ke’n kaphôngsōt jâra ama’n themmô aleipek eng, khachu, “Ke’n Babylon rengpa kha hiva khōpui hi kamanhlō sik,

JEREMIAH 34:22

Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”

JEREMIAH 38:23

Khava pha ke’n kahrisa, “Nannupui hei seng leh naipanghei ankhenga Babylon ting anṭhōisōt sik hei, khana nangkhet um anmani kut a inphut tlânsōt tor mak tin che. Nang Babylon reng in khum mi inkhat a akei sik che, khana khōpui hi ro manvâma ka-om sik.”

JEREMIAH 39:8

Khava lai khan Babylon mihe’n reng-innpuihei leh mipuihei innhei kha hmeia anro heia Jerusalem kurpui banghei kha ansuk manchim jo hei.