JEREMIAH 33:12 - LEKHARABU INTHENG (BSI)

¹² Chunghnung Rōngpu’n ahri, “Hiva ram, nêrdiram kapō, mi leh sha om makna hmun a hin, kemōng kakhem he’n ankemōng khemna sik ramhâng alaka-om sik kae.

JEREMIAH 33:12 ပူးပေါင်းရင်းမြစ်များ

ISAIAH 65:10

Anmani’n kei ankamuk sik eng khana ankemōnghei leh anranhei kha tlaitlâk ting Sharon Phaichama khana nisōting Bōina Phaichama ankhem sik hei.

JEREMIAH 51:62

Khava sōa hinga derna nei roh, ‘Rōngpu, nang in hiva hmun hin, mihringhei leh ranhei achanga heite akahringa a-om makna sik a, khana ahei tik a ram kachi akachang sik a nasuk manset sik tia naleihri joa kae.’

JEREMIAH 36:29

Rōngpu’n rengpa hnenga hri sik a amanthei eng, “Nang in lekha inze kha naro manvâm jo, khana Jeremiah’n heisa mo Babylon rengpa kha kahong sik a kha hiva ram hi asuk manset sik khana amihei leh ranhei athatna sik hei kha amazet, tia ahnenga nader.

JEREMIAH 31:24

Mihei kha Judah ram a leh ankhōpui heia ka-om sik hei, khana khan hlei kathlōhei, khana kemōng kakhem he’n ankemōnghei leh ka-om sik hei.

JEREMIAH 17:26

Jerusalem kimvea khōhei leh Judah ram a khōpui heia mihei kahong sik hei; anmani Benjamin ramṭhen a, hmebung kea leh tlâng chunga inphut khana thlâng intong Judah ram a inphut kahong sik hei. Anmani’n ka-Bek-inna ro-inthoina leh ran tōk sik hei, hmuchi leh marim katui khana inpâkman tōksōt sik hei kha anheichoi sik hei.

HLAHEI HLA 1:7

Eh kalungsetpa, amanthei roh, Nakemōnghei kha khova hmun a mo phi kasâk naṭhōi sik hei? Sûnṭima kani kaluma inphut khon mo châm namanhngat sik hei? Kemōng kakhem ralak-hei kemōng rup hei kâra heisik a mo kava jong sik che?

JEREMIAH 31:12

Anmani kahong sik hei Zion tlâng chunga inpâkna hla ansak sik, kakutchoi pek hei chunga anmani katlâi sik hei sâng, ju, olive thai, kemōnghei leh sehei seng chunga. Anmani tui kaṭhatak a a’nchap rahōn kapō inkhat kachang sik hei; anmani’n antamadu rakip annei sik.

JEREMIAH 32:15

Chunghnung Rōngpu, Israel Pathen khan ahri khachu, hiva ram a innhei, hleihei, khana vomhrui rahōnhei hi rachôk male alakachang sik hei kae.”

JEREMIAH 50:6

“Kamihei kha kemōng kakhempa’n ram thōia amanhmang kemōng kapō hei kae. Anmani hlam invai heia hmebung inkhat a inphut inkhat a kalôn vaithâm hei, khana an-inn omna anmahngi joa kae.

HAGGAI 1:4

“Kamihei, kabek-inn chu katlek a a-omlai hin heisik a mo nangni’n inn kahōi tatak a aka-om sik chei?

EZEKIEL 36:35

Hiva ram, ramhânga aleika-om hi heikhonga mo Eden rahōn kapōa ahong kae jo, khōpui akakōisō jo, chomsō jo, suksetsōa aka-om jo hei hi tûnchu mi ka-om heia, rekur anmankur pet jo hei, tia mi rakip in anhri sik.