JEREMIAH 32:40 - LEKHARABU INTHENG (BSI)

⁴⁰ Ke’n anmani leh kumsôt a intepna inkhat kasyem sik. Ke’n anmani ṭhatchômna sik a ṭōn kaṭha tlo bâng hêrmak ning, khana kahnenga inphut an-inhesōt nôk makna sik, anmalung akhenga anṭitna sik eng kasyem sik hei.

JEREMIAH 32:40 ပူးပေါင်းရင်းမြစ်များ

SAMUEL INHNINA 23:4

sumtuk kaimakna jîngkâr kani tajōngsat ka-ang, khōsûrsō lim a kani tajōngsat phi kadi rik-rak kapō kae.”

HLAHEI 80:19

Aṭhōi male roh, Chunghnung Rōngpu Pathen! Nalungsetna kha amanhmu roh, khan chu huksōt kachang sik ung.

ISAIAH 24:5

Mihring he’n Pathen dânhei ansukkhōia khana ahei tik a aka-om sik intepna anjuimak jâra raleichung anmannim jo.

ISAIAH 55:3

“Tûn rangei ruh, kamihei, kahnenga hong ruh; kahnenga hong ruh, nangni’n hringna nanchen sik! Ke’n nangni leh intepna kahnettak kasyem sik, khana David hnenga kaṭongkam mahâmṭhatna kha kapek sik chei.

ISAIAH 61:8

Rōngpu’n ahri, “Ke’n ṭongdik kamadu khana mi suk manrimna leh dân kaler kamater. Ke’n kamihei kha taksentak a inpâkman kapek sik hei. Khana ahei tik a sik anmani leh ṭong intepna inkhat kasyem sik.

JEREMIAH 24:7

Anmani’n kei hi Rōngpu eng kae tia manhret hnōmna malung kha kamannei sik hei. Khana anmani kami kachang sik hei, khana kei anmani Pathen kachang sik eng, ajârchu anmani’n anmalung pumpuia kahnenga hong inle sik jo heia kae.

JEREMIAH 31:34

Anmani tûte’num akhō-aven inkhat hnenga Rōngpu kha amanhretna sik a manthei mak jo ning, ajârchu akasina inphut akalen katlunga kei anmanhret pet sik jo eng. Ke’n ansetna karangei mandam sik hei, khana anṭhena hei mandon mak jo hei ning. Rōngpu ke’n kahri jo kae.”

JEREMIAH 50:5

Anmani’n Zion jōnna hlam ander sik a kha khava kajōna kase sik hei. Anmani’n ahei tik a sukkhōi hêrmak sik intepna kei leh annei sik khana sukkhōi hêrmak jo hei ning.

EZEKIEL 36:26

Malung ther, mandonna ther kapek sik chei. Nangni hlung kapōa akasak nanmalung kha kalosōt sik khana ṭongpek juina malung kapek sik chei.

EZEKIEL 36:27

Nanshunga kei ratha kada sik khana nangni’n kei dân nanjuia ke’n kapek chei ṭongpek rakip nannit ti kha ka-en sik.

EZEKIEL 37:26

Anmani ahei tik a inhukna kapek sik a intepna inkhat anmani leh kanei sik. Ke’n kasyemsōt sik hei khana anja kamanpung sik hei, khana anrama kabek-inn kada sik, khana khan ahei tik a ka-om sik jo hei.

EZEKIEL 39:29

Ke’n kami Israelhei chunga karathla kabun mathla sik khana anhnenga inphut inhesōt hêrmak ning. Chunghnung Rōngpu ke’n kahri jo.”

MICAH 4:5

Jât rakip in ama ama pathen ankamuk a anjui, tâk-kha keini chu Rōngpu kan-Pathen kha are-rea sik kanjui sik khana kankamuk sik jo.

DÂNRABU INHNINA 31:6

Intluk ruh khana inhlamrin ruh. Nan-Pathen Rōngpu khet khan athlop sik chei. Masō mak chei ning, dahlon mak chei ning.”

DÂNRABU INHNINA 31:8

Rōngpu khet in aṭhōi sik che khana a-ompui sik che. Ama’n masō mak che ning, dahlon mak che ning, achang jâra malung mathlak mak roh khana ṭitmak roh.”

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

HEBREWHEI 4:1

Tûnchu aleihri châmhngatna kha nichen theina sik ṭongtep kha apek jo me. Khana nangni tûte inkhat in khava ṭongtepsa châmhngatna kha hlut loa a-om makna sik insing thei rih.

HEBREWHEI 7:24

Tâk-kha Jesu khachu ahei tik a kahring ṭhak, khana thempu ṭōn kha milak inkhat kut a pek sōt mak.

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

PETER INKHATNA 1:5

Khahei kha, pha inchai ning malâr sik a a’ntluk hukmanhringna kha akachen sik a Pathen rathla’n nantaksenna jâra ahrunga ada jo chei nangnihei sik a kae.