JEREMIAH 32:39 - LEKHARABU INTHENG (BSI)

³⁹ Ke’n anmani hringkhō mantlukna inkhat kapek sik hei: anmani leh ansōn anpârhei ṭhatchômna sik a, pha rakip a kei kajana atanei sik eng hi kae.

JEREMIAH 32:39 ပူးပေါင်းရင်းမြစ်များ

A’NPHUTNA 17:7

“Ke’n nahnenga ka’ntepna hi nang leh natu-nasahei hnunga khang katlunga ahei tik chen a intepna inkhat a kajui sik. Kei hi nang leh natu-nasahei Pathen kachang sik eng.

A’NPHUTNA 18:19

Asahei leh asōn apâr he’n kaṭong anjuina sik, akadik leh akaṭha antlona sik, amansena sik hei tia ama hi kakadeisōt jo kae. Anmani’n khanga antlo’nchu ke’n ahnenga kalei intepna hei seng kha ama sik a katlo pek sik.”

A’NPHUTNA 22:12

Ama’n ati, “Naipangpa kha tônthei mak tin, heite tlothei mak tin. Tûnchu nang in Pathen nakaja, aṭong najui ti kamanhret jo; ajârchu nasapa inkhat rōk nanei kapha’m ahnenga maner mak che.”

THUHMINGHEI INHNINA 30:12

Pathen inum Judah shunga ṭōn aheitloa khana mipuihei kha rengpa leh aṭōn karônhei ṭongpek anjuia Pathen lungdo tlona sik an-intlukna chunga khan inchuntheina amannei heia kae.

HLAHEI 112:1

Rōngpu kha choi ka-ân ruh! Rōngpu kajana kapek hei kha mikahōihei kae; aṭongpek juia akatlâi hei kha kahōihei.

HLAHEI 128:6

Natu-nasahei akahmu theia hring hi roh! Israel chunga mōngna om rasoh!

HLAHEI 86:11

Rōngpu, nang in namantlo hnōm eng kha amanthei roh, khana ke’n hlamrintak a naṭong kajui sik; pui katluktak a nang razenna sik amanthei roh.

ṬONGCHÎK-HEI 23:17

Mikaset-hei chunga nathang manset mak roh; Rōngpu kaja sik kha nahringkhō ṭōn manchang roh.

ISAIAH 35:8

Khava hmun kha hlampui hongkachang sik “Hlamlen Intheng”, anti sik. Mikaset in khava hlamlena khan hrothei hêrmak ning; mikamohei khan khava hlam a kase hei kha hōn mathla tor mak hei ning.

ISAIAH 52:8

Khōpui repa kahngâk-hei khan ka-ông hei, inpâk a khōtlâng an-ônsap! Rōngpu’n Ziona ahong inle kha, anhmit khet in anhmu tor a kae!

ISAIAH 65:23

Anṭōn tlona hme ansō sik, khana ansa he’n insuksetna chenmak hei ning. Ke’n anmani leh ansōn anpârhei kha pha rakip a mahâmṭhat kapek sik jo hei.

JEREMIAH 24:7

Anmani’n kei hi Rōngpu eng kae tia manhret hnōmna malung kha kamannei sik hei. Khana anmani kami kachang sik hei, khana kei anmani Pathen kachang sik eng, ajârchu anmani’n anmalung pumpuia kahnenga hong inle sik jo heia kae.

JEREMIAH 31:33

Israel mihei leh intepna ther kaneipui sik jo hei khachu hi kae: Kadân kha anshunga kada sik khana anmalunga kamazet sik. Kei an-Pathen kachang sik eng, khana anmani kami kachang sik hei.

JEREMIAH 32:40

Ke’n anmani leh kumsôt a intepna inkhat kasyem sik. Ke’n anmani ṭhatchômna sik a ṭōn kaṭha tlo bâng hêrmak ning, khana kahnenga inphut an-inhesōt nôk makna sik, anmalung akhenga anṭitna sik eng kasyem sik hei.

JEREMIAH 6:16

Rōngpu’n amihei hneng ahri, “Hlam inbâkna hmun a ngir una enruh. Hlam kaṭhapen, hlam marō kha inder ruh. Khana khan se ruh, nangni kamōnga ka-om sik chei.” Tâk-kha anmani’n anhri, “Dâng, keini semak ning.”

EZEKIEL 36:26

Malung ther, mandonna ther kapek sik chei. Nangni hlung kapōa akasak nanmalung kha kalosōt sik khana ṭongpek juina malung kapek sik chei.

EZEKIEL 37:22

Ke’n anmani kha ram shunga, Israel tlâng chunga inpunkhôma kada sik hei. Reng inkhat rōk annei sik jo. Anmani jât inhnia a-emak leh ram inhnia inṭhen mak jo hei ning.

EZEKIEL 37:24

Kasōkpa David kapō inkhat in anreng kachang sik. Anmani vaikarôn inkhat thōia inchun sik jo hei khana taksentak a kaṭong anjui sik jo.

EZEKIEL 37:25

Kasōkpa Jacob hnenga kapeksa, anpu anpahei leiomna ram a ka-om sik hei. Ahei tik a khan ka-om sik hei, khana khan ansōn anpârhei ka-om sik hei. Kasōk David kapō inkhat in ahei tik a vai arôn sik hei.

JOHN 14:6

Jesu’n amasôn, “Kei hlam leh akadik khana hringna eng kha kae; keia tei loa tûte Pa hneng semak.

JOHN 17:21

Anmani ankhenga pumkhat anchangna sik a kader che. O, Apa, nanga kei ka-om enga, keia nang na-om kapōa anmani einia pumkhat a an-oma, nang in najōngtir eng hi vânhnōi in anmanhretna sik a kader che.

ṬŌNTLOHEI 2:39

Ajârchu hivahi Rōngpu ni-Pathen in ama sik a abeksōt nangni leh nansahei khana hmun kahlatak a alaka-om hei hnenga Pathen ṭong intepna kha kae.”

ṬŌNTLOHEI 3:26

Nanṭhat makna inphut nanhe’n hea, nankhenga mahâmṭhat abukna sik chei, Pathen in asōkpa hi akadeia ahma inkeipena nanhnenga ahei tir jo kae.”

ṬŌNTLOHEI 4:32

Takkasen rup-hei kha mandonna leh malunga inkhat rōk leikachang hei. Tûte inkhat inum anei kha atâ rōk sik kae tia leihri mak hei. Tâk-kha antanei rakip kha khat leh khat le’nsem sōm hei.

ṬŌNTLOHEI 9:31

Khang’khan Judea, Galilee khana Samaria pumpuia bekrup-hei chunga mōngna leikaleng. Rōngpu kajana’n vai arôn leh inṭhōia Rathla Intheng inthōpuina jâra anratha leikahrat khana anja um leikapung jo.

ROMANHEI 11:16

Hmakakei buhlom har kha Pathen hneng a’npe achang inchu, ahlom pumpui kha’m ama ta kae; khana thing rajunghei kha Pathen hneng tōksōt achang inchu, abâk-hei kha’m ama ta jo hei kae.

CORINTHIANHEI INKHATNA 7:14

Ajârchu akataksenmak puise kha anuhmei leh an-omsap jâra Pathen hnōm pekna achen, khana akataksenmak nuhmei kha apuise leh an-omsap jâra Pathen hnōm pekna achen a kae. Kha alei changmak inchu ansahei kha Pathen ka-ôimak hei sa ka-ang sik hei; tâk hinga akachang ansahei khachu Pathen talothei kachang hei.

CORINTHIANHEI INHNINA 13:11

Khana tûnchu sōpuihei, chibei kapek chei! Pui tlukna sik tak intlo ruh; kahri hi rangei ruh; inkhat leh inkhat intōk ruh; khan chu malung kamōnga om ruh. Khana Pathen lungsetna leh lung mōngna khan ompui chei rasoh.

DÂNRABU INHNINA 5:29

Hiva kapōa ahei tik a anmandon ṭhak inchu nu! Anmani leh ansōnhei sik ahei tik a akaṭha achangna sik a ankaja ṭhak enga kaṭong pek rakip anjui inchu anmani leh ansōn anpârhei sik a kaṭha sik.

DÂNRABU INHNINA 6:2

Khava ram a khan pha kasôttak nan-om theina sik a, nangni leh nansōn he’n kapek chei dân rakip hei hi nantajui sik khana Rōngpu nan-Pathen kha nantakaja sik kae.

DÂNRABU INHNINA 6:24

Khava sōa Rōngpu ni-Pathen khan hiva dânhei seng hi juina sik leh ama kajana sik a ṭong aleipek ung. Eini’n khanga nitlo’nchu nijât chunga a-ensui ṭhak sik me khana amanhao ṭhak sik me.

HEBREWHEI 10:20

Ama’n pinden kha akhōiṭhena, hlamther, hringna hlam inkhat, ama khet taksa inphut eini sik amahlâng pek jo me.