JEREMIAH 32:30 - LEKHARABU INTHENG (BSI)

³⁰ Judah mihei leh Israel mihe’n anmani thuhming a’nphutbia inphut anṭōn tlona khan kamalung manhōi mak hei khana kahnuk anmannat a kae.

JEREMIAH 32:30 ပူးပေါင်းရင်းမြစ်များ

A’NPHUTNA 8:21

Inthoina marim khan Rōngpu malung kha katlâi joa abinga, “Mihringhei tloset jâra avea ralei hi hâksêr mak jo ning; ansinlaia inphut anmandonna hei kha ṭhaphung mak ti hi kamanhret. Ke’n tuna katlo kapōa ahei tik a’m akahring hei hi suk manram mak jo ning.

ISAIAH 63:10

tâk-kha anmani’n an-indōipui khana ama rathla intheng kha amalung anmanchâm pek. Khava jâra Rōngpu kha ankadōi hong kachanga anchunga re ajōng tloa kae.

JEREMIAH 11:17

Chunghnung Rōngpu ke’n, Israel leh Judah hi kaphun jo hei kae; tâk-kha tûnchu, khōdeng theina vânga maṭhitna kanei jo hei. Anmani’n akadik mak antlo jâra hivahi anbinga anta’nrôn sōt kae; anmani’n Baal hneng inthoina antōk jâra kahnuk antamannat kae.”

JEREMIAH 2:7

Neinâk kaṭha ralak leh theikara kahōia ansâkna sik a, ram thai omna hmun a anmani kahong ṭhōi hei. Tâk anmani’n karam kha anmanhmang jo, kapek hei ram kha anmanbōk jo.

JEREMIAH 22:21

Nangni’n nanhōilai Rōngpu’n nanhnenga aleihri jo, tâk-kha nangni’n leirangei mak chei. Nanhringkhō seia nanṭōn tlo kha khavakha kae; nangni’n ahei tik a’m Rōngpu ṭong kha juimak jo tin chei.

JEREMIAH 25:6

Anmani’n pathen ralak nankamuk makna sik leh nanrazen makna sik a khana nankut a nantasyem limhei kha nankamuk pha Rōngpu kha ahnuk nanmannat makna sik a anmanthei chei.

JEREMIAH 25:7

Tâk-kha Rōngpu khet in, nangni’n aṭong rangei hnōm mak chei ati. Khava kanek a, nanlimhei khan anhnuk nanmannat pek a, nanbing chunga karâkna kha nantamathlung kae ati.

JEREMIAH 3:25

Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 30:14

Nan-inlungset he’n anmahngi jo chei, anmani’n adonmak jo hei. Ke’n nangni inrepuihei kapōa kabuhlu chei; nankarâkna kha inhnak ajârchu nansetnahei katam hranghra khana nanṭhat makna kalen hêr.

JEREMIAH 36:2

“Lekha inze inkhat lo roh, khana ke’n Judah leh Israel khana jât-hei chungchânga kahri rakip mazet manhlut roh. Josiah reng achang laia inphut tûn katlung, nahnenga ṭonghri kaphut laia kamanthei seng rakip kha mazet hei roh.

JEREMIAH 44:3

ajârchu anmi he’n ṭōnse antloa kahnuk anmannat a kae. Anmani’num, nangni’num khana nanpa-nanpu he’num anta leikamuk phungmak pathen ralak-hei hneng inthoina antōk a anrazen jo heia kae.

JEREMIAH 44:8

Nangni’n nan-omna sik a nanta heijōn Egypt a limhei nankamuk a pathen ralak hnenga inthoina nantōk a heisik a mo kahnuk nanta mannat? Raleichunga jât he’n sem manlonâ sik chei leh nanrahming kha inhâksêrna anhmangna sik chei, nanbibinga insuk inhmangna sik a hivahi nantatlo mo kae?

JEREMIAH 8:19

Rangei roh! Ram shung rakip a, kamihei ṭa rasa kha kathei, “Rōngpu kha Ziona om mak jo mo? Zion rengpa kha khan om mak jo mo?” anti. Rōngpu anrengpa khan ahei masôn hei, “Heisa mo nanlim kamuk a kahnuk nanta mannat khana hnemna kase ram hlop pathenhei hneng a’nkun chei.”

EZEKIEL 20:28

Ke’n anmani pek sik a kalei intepna ram a khan kaheiṭhōi hei. Anmani’n bung inshâng leh thingkung ka-êm anhmu pha, khahei rakip hnenga inthoina antōk a kae. Anmani inthoina tōkna leh inthoina sik a anju heichoi khan kahnuk anmannat a kae.

EZEKIEL 20:8

Tâk-kha anmani’n kei dōina kangir hei khana ṭong rangei hnōm mak hei. Anmani’n anlim mater ka-om hei kha hlonsōt mak hei khana Egypt hei pathen inmuk bângmak hei. Egypt ram a kahnuk natna inhnaktak kha anmanhretna sik ṭōn tlo sik a kei le’ntluk eng.

EZEKIEL 23:3

Anmani nuhngâk anchang lai, Egypt ram a ka-om hei, annuhngâk inthengna kha inhmang jo hei, noti hongkachang jo hei.