JEREMIAH 32:23 - LEKHARABU INTHENG (BSI)

²³ Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 32:23 ပူးပေါင်းရင်းမြစ်များ

EZRA 9:7

Kanpu kanpa heia inphut tûn katlunga, nami keini kaset hêr jo ung. Kanṭhena jâra kanrenghei, kanthempu hei miram renghei kut a leikatla jo hei, keini anleithasōt ung, anleichom ung, khana rehringa anleisur jo ung. Khana tuna kanka-om kapōa hin inzakna katluk set a kanleichen jo.

NEHEMIAH 9:15

“Anvon aṭâm pha, marvâna inphut buhlom napek hei, khana antui ahre pha hlungpuia inphut tui namansōk pek hei. Nang in anhnenga pek sik a na’ntepna ram kha an-inkimna sik a namanthei hei.

HLAHEI 78:10

Pathen leh anṭong intepna kha leijui mak hei; ama dân jui sik kha leihnōm mak hei.

JEREMIAH 2:7

Neinâk kaṭha ralak leh theikara kahōia ansâkna sik a, ram thai omna hmun a anmani kahong ṭhōi hei. Tâk anmani’n karam kha anmanhmang jo, kapek hei ram kha anmanbōk jo.

JEREMIAH 26:4

Mihei hnenga kahri sik kha Rōngpu’n amanthei eng, “Rōngpu ke’n kahri jo kha kae ti chu, nanhnenga kapek chei mantheina seng kha nantajuia,

JEREMIAH 44:10

Tâk-kha tuning kapha nangni la’nsinsak mak chei. Nangni’n kei akaja mak chei, khan chu nanpu sōnhei leh nangni kapek jo chei dânhei dungjuia om mak chei.

JEREMIAH 7:26

Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

ṬAJAISUINA 1:18

“Tâk-kha Rōngpu chu akadik kae, ke’n aṭong kajuimak jâra kae. Hmuntina mihei kaṭong hi rangei ruh; kei inreng hi enruh, Kami rether leh nuhngâk-hei rehringa anṭhōi jo hei.

ṬAJAISUINA 1:8

Amanu kajana om mak jo; amanu akarōk a ka-om khana nōisetak a ansur jo. Amanu inkōia inhnaktak a ahmai amakhu jo. Jerusalem in ṭit ka-om tak setna vânga abibinga hnemna kase inchang jo.

EZEKIEL 20:18

Khava kanek a, ankâra khangdônghei hneng gîkna kapek hei: nanpu-nanpahei dân syem juimak ruh; anmani chôndân juimak ruh a-emak leh anmani limsyem vânga nanbinga inbōkna syem mak ruh kati hei.

EZEKIEL 20:21

“Tâk-kha khava khangther he’num kei andōi jo eng. Akajui rakip hnenga hringna kapek sik kei dân kha anvōkkhōi khana kaṭong pek nitmak hei. Anmani’n Châmhngat kani anmanbōk. Khava nêrdiram a kei hnuknat inhnak kha anmanhretna sik leh thatpetna sik heia ṭōn tlo sik a kei le’ntluk eng.

EZEKIEL 20:8

Tâk-kha anmani’n kei dōina kangir hei khana ṭong rangei hnōm mak hei. Anmani’n anlim mater ka-om hei kha hlonsōt mak hei khana Egypt hei pathen inmuk bângmak hei. Egypt ram a kahnuk natna inhnaktak kha anmanhretna sik ṭōn tlo sik a kei le’ntluk eng.

LUKE 17:10

Kha leh nangni in-anghrep chei; tlo sik a manthei seng kha nantlosō leh, ‘Eini hi angaia sōk-hrep loi me kha kae; tlo sik hrep kha nitlosōt kae,’ ti ruh.”

JOHN 15:14

Nangni’n kaṭong pek chei nanjuia achang inchu, nangni kaṭhōn chei kha kae.

GALATIANHEI 3:10

Dân juina chunga a’nngam hei kha hâksêrna thōia akahring hei kae. Ajârchu ṭong intheng in, “Tu achang inum dânrabu shunga a’nzet rakip kha ahei tik a ajuimak inchu, hâksêr thōia aka-om kae!” ati.

JAMES 2:10

Ajârchu tu achang inum ṭongpek inkhat kasuk khōi khan akhenga asuk khōia aṭhe jo kae.

JOSHUA 21:43

Achang jâra Rōngpu’n anpu sōnhei hneng pek sik a kalûrtak a ale’ntepna ram rakip kha apek hei, anmani’n ram anhlō pha khana khan khō katla jo hei.

JOSHUA 23:16

Nangni tajui sik a Rōngpu nan-Pathen in ṭong apek chei intepna kha nanjuimak inchu khana pathen ralak nanrazena nankamuk inchu, ahnuknat a akarâk sik chei, khana hiva apek chei ram kaṭha shunga inrangtak a nangni tûte om mak tin chei.”