JEREMIAH 32:21 - LEKHARABU INTHENG (BSI)

²¹ Ṭōn-inlak leh det-hla ka-om tlona vâng khan kan-indōipuihei khan ṭit leh inpirna annei, nang in Egypt a inphut namihei heiṭhōisōtna sik a narathahrat leh natorna kha nahmang heia kae.

JEREMIAH 32:21 ပူးပေါင်းရင်းမြစ်များ

SAMUEL INHNINA 7:23

Israel jât kapōa nami manchang sik a ansōk changna inphut nalei huksōt raleichunga phunglak om mak. Anmani sik a ṭōn kalen leh ṭōn-inlak naleitlo pek hei, raleichung pumpuia narahming inthang. Nang in nahnong sōt hei khan vânhnōi raleia narahming anmanthang. Nami sik a Egypt a inphut namasōsōt hei khan hmating anhei jōn pha, jât-hlop hei leh an-pathenhei kha nahnong sōt pek ri hei.

THUHMINGHEI INKHATNA 17:21

Israel kapō, nami manchangna sik a ansōk changa inphut nahuksōt nôk jât hi vânhnōia om mak. Anmani sik a ṭōn kalen leh ṭōn-inlak natlona khan narahming vânhnōia inthangsō. Egypt a inphut namihei nahuksōt hei khana nami he’n re hma anheisong pha, nang in jât ralak-hei kha nahnong sōt pek hei.

HLAHEI 105:37

Khava sōa Israelhei kha aṭhōisōt jo hei; anmani’n sana leh dangka hingja an-inrôn khana ankhenga kadam hei khana kahrat hei.

HLAHEI 105:43

Khava jâra akadeisōt mipuihei kha aleiṭhōisōt jo hei, khana anmani’n kahōi leh inpâk a hla anleisak jo.

SŌKSŌT 13:14

Hnunga, nansa inkhat in hiva nitna intlo hi heitina mo tia ander chei inchu, ‘Rōngpu’n rathahrat ahmanga keini Egypt a sōk kanchangna inphut ahong ṭhōisōt ung kae,’ tia nanta manthei sik kae.

SŌKSŌT 13:9

Hiva nitna hi mandonsōtna sik a kae, nankut bânna a-emak leh nanmachea heikhat a’nkhit kapō jo kha kae; khava khan Rōngpu dân teina leh inthemchûk ṭhakna sik mandonsōtna amannei sik chei, ajârchu Rōngpu’n arathahrat vâng Egypt a inphut ahong ṭhōisōt chei.

SŌKSŌT 3:20

Tâk-kha Ke’n katlo torna kahmang sik khana ram a khan ṭit ka-om tak omchen katlosōt sik a kha Egypt kha karâkna kapek sik. Khava sō tōa nangni amansesōt sik chei.

SŌKSŌT 6:1

Khava sōa Rōngpu’n Moses hneng, “Tûnchu rengpa hneng heimo katlo ti kha nang in nahmu sik jo. Kamihei aman sesōtna sik hei ke’n ama rumhrat a katlo sik kae. Kadiktak a ama’n aram shunga inphut anmani ahnong sōtna sik hei rumhrat a katlo sik,” ati.

SŌKSŌT 6:6

Achang jâra kaṭong hi Israelhei hneng hripek heiroh, “Kei hi Rōngpu eng kae; ke’n nangni kahuk sik chei, Egypt hei hneng nansōk changna inphut ning leh hnōma kamasō sik chei. Ke’n kabân rathahrat kakalânga anchunga ṭit ka-om tak karâkna kapek sik hei, khana ke’n nangni kahuk sik chei.

ISAIAH 63:12

Aratha neina vânga Moses inphut ṭōn kalen katlo, tui-ôngpui kasuṭhen, amihei tui inthûk shunga akaṭhōisōt, ahei tik a rahming inthang chenna kanei Rōngpu kha khon mo aka-om?” Rōngpu’n aching heia anmani kha ram shakor kapōa kethon inchak hei, khana tluhêr mak hei.

DÂNRABU INHNINA 11:3

khana aṭōn inlak-hei kha nangni’n nanhmu. Ama’n Egypt reng leh aram shunga ṭōn khaseng atlosōt kha nanhmu.

DÂNRABU INHNINA 26:8

Aratha neina leh aratha hratna vâng khan Egypt a inphut ahuksōt me. Det-hla ka-om leh ṭōn-inlak tatak aleitlo khana ṭit-inpirna amasō hei.

DÂNRABU INHNINA 4:34

Egypt ram a Rōngpu nan-Pathen in atlo kapōa, mipui inkhat kha jât-hlop inkhat heia inphut akalosōt sik leh ami khet manchangna sik a akase hnōm kha tu pathen inmo atlo jo? Nanhmai kung khet a ama ratha hratna leh atorna aleihmang jo; ama’n hrise leh re alei mansōk, mêrchîkna leh det-hla ka-om, khana ṭit ka-om tak alei mansōk hei.

DÂNRABU INHNINA 7:19

Nangni masōsōtna sik a aratha hratna leh atorna vâng khana nanhmit khet a nantalei hmu jo ṭit ka-om tak hrise, ṭōn-inlak leh det-hlana hei kha mandonsōt ruh. Egypt hei asuk manhmang hei kapōa, tûn nangni taṭit, hiva mi rakip hei hi asuk manhmang sik jo hei.