JEREMIAH 32:17 - LEKHARABU INTHENG (BSI)

¹⁷ “Chunghnung, Rōngpu, naratha neina leh nahratna vâng ralei leh marvân nasyem hei; nang sik a heite a’ntak om mak.

JEREMIAH 32:17 ပူးပေါင်းရင်းမြစ်များ

A’NPHUTNA 18:14

Rōngpu sik a a’ntak heimo aka-om? Ke’n kahri kapōa khan tuna inphut thla 9 tlukna kei hong inle sik eng khana Sarah’n sapase inkhat amatet sik kae,” ati.

RENGHEI INHNINA 19:15

derna anei, “O Rōngpu, Israelhei Pathen, ranhring mathla kaneihei chunga reng in-ongna kaneipa, nang rōk vânhnōi rengram rakip chunga vaikarôn Pathen che kae. Nang in ralei leh marvân nasyema kae.

RENGHEI INHNINA 3:18

Elisha’n ahri manjōm a, “Rōngpu sik a chu hiva tlo sik hi kabei hêr, ama’n Moab-hei kha torna amannei sik chei.

NEHEMIAH 9:6

Khava sōa Israel mipui he’n hiva derna hi anleider: “Rōngpu nang, nang rōk Rōngpu che; marvâna ârsihei leh nang in marvânhei khana bōirōk a ârsihei nasyem hei. Nang in ralei leh tuipui khana ashunga aka-om rakip nasyem hei; nang in ankhenga hringna kha napek hei. Marvân ratha kanei he’n inkun heia nang ankamuk che.

JOB LEKHARABU 42:2

Rōngpu nang ratha kaneipen che kae, namadu rakip natlo tor ti hi kamanhret.

HLAHEI 102:25

tenlai khan ralei hi naleisyem. khana nakutkhet in marvânhei kha naleisyem hei.

HLAHEI 136:12

akut rathahrat vâng leh abân rathahrat vânga aheiṭhōi hei; alungsetna kha kumleikōa kae.

SŌKSŌT 20:11

Ni 6 shunga Rōngpu Ke’n raleichung, bōirōk, tuipui, khana anshunga ka-om rakip kaleisyem hei, tâk ni 7 ning khan chu châm le’nhngat eng. Khava jâra Rōngpu ke’n Châmhngat kani kha mahâmṭhat kapek khana a’nthenga kasyem jo kae.

ISAIAH 42:5

Pathen in marvânhei hi asyema amazersōt hei; ama’n ralei leh achunga ka-om seng kha amanret hei; ama’n hringna apek hei khana aka-om rakip hneng kaphuk apek hei. Khana tûnchu Rōngpu Pathen in asōk hnenga ahri,

ISAIAH 44:24

“Kei nankahuk inhring Rōngpu eng kha kae; Nankasyem kha kei eng kae. Heirakip kasyem, Rōngpu eng kha kae. Kei rōk in marvânhei kamazersōt hei kae; Ralei hi kasyemlai tûte’n abômmak hei.

ISAIAH 45:12

Raleichung kasyem kha kei eng kae, khana khan aka-om sik mihringhei kasyem eng kha kae. Karatha neina vâng marvân hi kamanzer; Kani, thla, khana ârsihei ke’n ka-ensui hei.

ISAIAH 59:1

Rōngpu kha nangni hukna sik a akatlasam hêr kae tia lomak ruh a-emak leh inṭangpuina sik nanbekna akatheimak sik a akōr kaset hêr tia mandon mak ruh!

JEREMIAH 1:6

Ke’n kamasôn, “Chunghnung Rōngpu, heikhonga mo ṭonghri sik kei lamanhret mak eng; naipangtek lakachang eng.”

JEREMIAH 14:13

Khava pha ke’n kahri, “Chunghnung Rōngpu, sânkathem he’n mihei hneng re leh vonṭâm om mak ning, ajârchu nang in ṭongtepna nanei jo kae anti, khana kanram shunga mōngna rōk ka-om sik anti.”

JEREMIAH 21:2

“Lungsettak a Rōngpu hneng keini sik a ahri pek roh, ajârchu Babylon rengpa Nebuchadnezzar leh aremi he’n kankhōpui anvakimve tlit joa kae. Rōngpu’n keini sik a ṭōn-inlak inkhat atlopek unga Nebuchadnezzar kha rumhrat a aramting amanle theia kae.”

JEREMIAH 27:5

“Karatha inhnak leh kahratna vânga khan ke’n vânhnōi ralei, mihring, khana raleichunga aka-om ranhring rakip kasyema kae; khana ke’n kakadei mihei hneng khavahei kha kapek hei.

JEREMIAH 32:27

“Kei hi mi rakip Pathen, Rōngpu eng kae. Kei sik a a’ntak hêr heite om mak.

JEREMIAH 33:3

“Kei eibe roh, ke’n kamasôn sik che; namanhret hêrmak a’nlak tatak kahri pek sik che.

JEREMIAH 4:10

Khava sōa ke’n kati, “Chunghnung Rōngpu, nang in Jerusalema mipuihei kha pui katluk a nahōn jo hei! Nang in mōngna ka-om sik naleiti, tâk-kha anrehrok a chemjâm khan ahngâk jo hei.”

JEREMIAH 51:15

Pathen in arathahrat vâng ralei hi asyem; ama singna vâng vânhnōi asyem, khana marvân amazer hei.

JEREMIAH 51:19

Jacob Pathen khachu, anmani kapō changmak; ama chu heirakip kasyempa kae, khana Israelhei hi ama mikhet sik a akadei jo hei kae. Chunghnung Rōngpu kha arahming kae.

EZEKIEL 11:13

Ke’n ṭong kasânsōt lai khan, Pelatiah kha kathihlon jo. Kei kabinga kahmai raleiting kamakhup a ka-ông eng, “Changmak, Chunghnung Rōngpu! Israel shunga a’nhlei alakahring hei hi nathatsō sik hei mo?”

EZEKIEL 9:8

Mi anthatna shunga khan kabing rōk a leika-om eng. Kahmai raleia kamakhup a ka-ông eng, “Chunghnung Rōngpu, Jerusalem chunga nahnuk akana hêr mo, Israel a’nhleia alakahring rakip that sik nati mo?”

DANIEL 2:22

Ama’n ṭong inri leh in-ip aphôngsōt; inthima a’nthup kha amanhret, ama khet kha vâr in akatōmbit a kae.

DANIEL 6:20

Ama’n khava hmun atlung pha, malung inrimtak a a-ôn, “Akahring ṭhak Pathen sōk Daniel! Khang hrep a kajatak a narazen na-Pathen in shabakkai heia inphut ahuksōt tornâk che mo?”

ZECHARIAH 12:1

Thangvân inlârsōt, ralei kasyem khana mihringhei hringna kape Rōngpu hnenga inphut Israelhei chunga ṭong ajongpek kha hivahi kae. Ama’n ati,

ZECHARIAH 8:6

“Tûnna dahlona ka-om jât-hei sik a akae theimak a inhmu sik, tâk kei hneng chu akae theimak changmak.

MIJAHEI 11:23

Rōngpu’n amasôn, “Karatha neina hi, abângna aka-om mo? Ke’n heimo kaleihri kha asōk leh asōk mak nahmu bei sik jo.”

MATTHEW 19:26

Khava pha Jesu’n kasang kanga a-en heia amasôn hei, “Mihring sik a chu kha chang tor mak, tâk Pathen sik a chu heirakip kachang tor,” ati.

MARK 10:27

Jesu’n anmani a-enkang heia amasôn hei, “Hivahi mihring sik a chu e-tor mak, tâk Pathen sik a chu akaehla om mak; Pathen sik a chu heirakip kaethei.”

LUKE 1:37

Ajârchu Pathen tatlohla heite om mak.”

LUKE 18:27

Jesu’n amasôn hei, “Mihring sik a akae tor mak kha Pathen sik a tlohla heite om mak.”

ṬŌNTLOHEI 14:15

“Heisik a mo hivahi nantatlo? Keini’m nangni kapōa mihring inkhat-hrep ung kae! Keini hi marvân, ralei, tui-ôngpui leh ashunga ka-om rakip kasyempa, akahring ṭhak Pathen sik a, hnemna kase neinâk heia inphut nan-inhesōtna sik a, Ṭong kaṭha kaphôngsōt sik a hiva hmun a akahong ung kae.

ṬŌNTLOHEI 15:18

Hmalaia inphut manhretna anikapek Rōngpu’n hinga ati.’

ṬŌNTLOHEI 17:24

Vânhnōi leh heirakip kasyem Pathen hi marvân leh ralei Rōngpu kae, khana ama chu mihring kutsyem Bek-inna om mak.

ṬONGPHÔNG 4:11

“Kan-Rōngpu leh kan-Pathen! Lûrna leh kajana, khana ratha hratna kachen sik a narahōi kae. Ajârchu nang in heirakip nasyem, khana nalungdoa hringna leh hringkhō napek heia kae,” anti.