JEREMIAH 31:8 - LEKHARABU INTHENG (BSI)

⁸ Ke’n anmani sak tinga inphut kaheiṭhōi sik hei ralei inchaina heia inphut kamantûp sik hei. Hmitkacho leh ke katlek hei leh kahongsap sik hei, chung kahrik hei leh nai kanei sik jo he’m kahong sik hei. Anmani jât kalentak inkhat a he’nle sik hei.

JEREMIAH 31:8 ပူးပေါင်းရင်းမြစ်များ

HLAHEI 107:3

nisō tlaitlâk, sak leh thlang, miram a inphut aheiṭhōi male jo chei.

HLAHEI 65:5

Kanderna masônna khachu, retorna kha napek ung; khana keini hukna sik ṭōn-inlak natlosōt hei. Raleichung pumpui leh tui-ôngpui rekhat a mihe’n antaksen che.

HLAHEI 98:3

Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

ISAIAH 42:16

“Ke’n kami hmitkachohei kha antahro phung hêrmakna hlamdung heia kaṭhōi sik hei. Ke’n ankhō inthim kha vâr kamanchang pek sik hei khana anram kaphok hei kha anhmai kunga kamannejap pek sik hei. Hihei hi kei intepna kae, khana ke’n sôilo jen a katlo mathluk sik hei kae.

ISAIAH 43:6

Anmani anhei manhongna sik a ke’n sak intong hneng kahri sik khana kamihei ankhâm makna sik thlâng hnenga kahri sik. Ram kahlatak heia inphut kamihei he’nle hei rasoh, ralei rakir rakip a inphut he’nle hei rasoh.

ISAIAH 45:22

“Tûn kahnenga he’nle una inhuksōt ruh, raleichung pumpuia mi rakip hei! Hinahin Pathen inkhat rōk kha kei eng kae.

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

JEREMIAH 16:15

Khava kanek a, sak ting ram a inphut a leh kalei kathek manchaina ram rakip heia inphut Israel mipuihei anhei kaṭhōisōt akahring Pathen, kei panna anmani ṭong intep sik jo hei. Ke’n anpu anpahei kaleipek jo anrama hin kaheiṭhōi male nôk sik hei. Rōngpu ke’n kahri jo kae.”

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 23:8

Khava kanek a, anmani’n sak ting ram a leh kalei manchek chaina ram ralak rakip a inphut Israel mihei anhei kaṭhōisōt akahring Pathen tia karahminga intep sik jo hei. Khava sō leh anmani’n anrama ka-om sik jo hei.”

JEREMIAH 29:14

Ôk, ke’n kahri kae, nangni’n nanhmu sik eng, khana ke’n nanrama kaman om nôk sik chei. Ke’n kahnong manchekna chei ram leh hmun rakip a inphut kakhôm manchun sik chei, khana ke’n nangni katirsōtna ramheia inphut kaheiṭhōi male nôk sik chei. Rōngpu, ke’n kahri jo kae.’

JEREMIAH 3:12

Israel hneng vasea ṭong vahrina sik a amanthei eng, “Taksenthei kachangmak Israel, kahnenga hong inle roh. Kei lungset kathem eng, kahnuknatmak ning. Nachunga kahnuk mannat ṭhak mak ning.

JEREMIAH 3:18

Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

EZEKIEL 20:34

Ke’n nankhenga kamantûp cheia nan-inchai kathekna ram rakip a inphut kaheiṭhōi male chei pha karathahrat leh kahnuk natna kha kamanhmu sik chei.

EZEKIEL 20:41

Nangni inchek a nan-omna ram rakip a inphut kaheiṭhōi chei sōa, khana kamanchun chei sōa, nangni ro-inthoinahei kha karahlâng sik, khana jât he’n kei intheng eng ti kha anhmu sik jo eng.

EZEKIEL 34:12

Kemōng kakhem hin ankemōng an-ensui heia a’nchek hei kha amantûp nôk hei kapōa katlo sik. Khava inthimna leh inrengna anlei inchai kathek hmun heia inphut kaheiṭhōi male sik hei.

EZEKIEL 34:13

Mihei ram a inphut kaheiṭhōisōt sik hei, kamantûp sik hei, anrama kaheiṭhōi male nôk sik hei. Israel tlânghei leh kavadung heia kaheiṭhōi male sik hei khana ramhânga kavei mankhop sik hei.

EZEKIEL 34:16

“A’nhmanghei kha kajongsōt sik hei, akalôn lele hei kha kaheiṭhōi male sik hei, an-intônbi hei kha kakatōm pek sik hei, akanahei kha kaman dam sik hei; tâk-kha khava akathai leh ratha kaneihei kha kamanhmang sik hei, ajârchu kei akadik katlo kemōng kakhem eng kae.

MICAH 4:6

Rōngpu’n ahri, “Ke’n karâkna kapek mipuihei, rehring surna inrengna kathok hei mantûpna sik pha kha kahong jo.”

ZEPHANIAH 3:19

Apha kha kahong jo! Nang inrimna kapek hei kha karâkna kapek sik hei! Ke katlek seng kahuk sik hei, khana rehringa antasur mihei kha inna kaheithōi male sik hei. An-inzakna kha kajana kamanchang pek sik hei, vânhnōi in anmani anmanpâk sik jo hei.

ZECHARIAH 2:6

Rōngpu’n amihei hneng ṭong amanthei hei, “Ke’n ram rakip a kachai kathek jo hei. Tâk-kha tûnchu, nangni rehringa anta heisur hei, Babylona inphut heitlânsōt jo ruh, Jerusalema he’nle jo ruh.

MATTHEW 12:20

Mahre inkun inkhat ama’n sukthlek mak ning, khana thaihmei kathi de-de sêmthat mak ning. Dikna khan re amantor mak kârseng ama’n athōk sik,

JOHN 21:15

Anmani’n ansâksō pha, Jesu’n Simon Peter hneng, “John sapa Simon, hihei lungsetna eng kanek a nang in nalungset chet eng mo?” ati. Ama’n amasôn, “Ôk, Rōngpu, kamalungset che nang in namanhret.” Jesu’n ahnenga, “Kakemōngtehei hrung hei roh,” ati.

CORINTHIANHEI INKHATNA 8:10

Ajârchu, nang “manhretna” inti kaneipa, limsyem bek-inn shunga thlai nasâk kha mandonna akatlasam inkhat in ahmu che’nchu, ama kha limsyem thlai sâkna sik a namathok changmak ning mo?

DÂNRABU INHNINA 30:4

Ralei rakir kahla pena khan aleikathek jo chei inum, Rōngpu nan-Pathen in amanchun nôk sik chei, aheiṭhōi male sik chei,

THESSALONIANHEI INKHATNA 5:14

Sōpuihei, akatlasam kha inthōpui ruh, ṭit kase kha amalung manngam pek ruh, ratha kase kha manse ruh, mi rakip sik a dehrat ruh, tia kanta heimathok chei kae.

HEBREWHEI 12:12

Nankut kazeng hei kha kalâng ruh, khana nanmarkhup innok kha manngar ruh!

HEBREWHEI 4:15

Ni-Thempu Kalen hi eini tlâksamna chunga lungset inhret mak changmak. Tâk-kha, eini kapōa ahlam rakip a mathlemna aratō jo, tâk setna heite katlomak Thempu Kalen kha eini’n ninei.