JEREMIAH 31:16 - LEKHARABU INTHENG (BSI)

¹⁶ Naṭapna bâng roh, nahmit rathli hni roh. Nasahei sik a natlona rakip kha tloman kase emak ning; anmani indōipuihei ram a inphut hong inle sik hei.

JEREMIAH 31:16 ပူးပေါင်းရင်းမြစ်များ

A’NPHUTNA 43:31

Ahmit ahmai aheiphet sōa inkhimthei tak a, heikasōk a thlaithleng anta heidôn sik a ṭong apek hei.

A’NPHUTNA 45:1

Joseph in asōk-hei hmaikunga amalung injôrna kha inṭîm tor mak jo, khava jâra asōk-hei seng innden shung kha andahlonna sik ṭong apek jo hei. Joseph in a-uhei hneng tu a-ena ahri pek lai hei khan mihlop tûte leiom mak hei.

THUHMINGHEI INHNINA 15:7

Tâk-kha nangni chu akangar sik chei kae khana malung tlâkna nantanei mak sik kae. Nanṭōn tlo kha tloman a’npek sik kae.”

HLAHEI 126:5

Ṭappuma akavor, akara kha inpâk pum a inlōk hei rasoh!

HLAHEI 30:5

Ama hnuknat chu pha bongkhat rōk kae, khana aṭhatna khachu hringkhō katlung bit sik a kae. Jân pha leh hmit-rathli sōkthei um aja, tâk jîngkâr pha leh ningṭhatna kha kahong.

MI INTHEIPA 9:7

Hmating song inna se roh – nabu kha sâk inna inpâk roh, naju in-ina kahōia om roh. Hivahi Pathena akadik kha kae.

ISAIAH 25:8

Chunghnung Rōngpu’n thina kha ahei tik a sik a asuk manhmang sik jo! Mi rakip hmit-rathli ahni manhi pek sik hei, khana raleichung pumpuia amihei inzakna kha alosōt pek sik jo hei. Rōngpu ama khet in ahri jo kae!

ISAIAH 30:19

Jerusalema ka-om nangni ṭap nôk hêrmak jo tin. Rōngpu hi lungset kathem kae, ahnenga inṭangpuina sik nanṭap pha, ama’n amasôn sik chei.

ISAIAH 40:10

Chunghnung Rōngpu kha ratha kaneitak a vaikarôn sik a kajōng jo, ama’n ahuksōt jo mipuihei kha leh inṭhōia kajōng.

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 29:14

Ôk, ke’n kahri kae, nangni’n nanhmu sik eng, khana ke’n nanrama kaman om nôk sik chei. Ke’n kahnong manchekna chei ram leh hmun rakip a inphut kakhôm manchun sik chei, khana ke’n nangni katirsōtna ramheia inphut kaheiṭhōi male nôk sik chei. Rōngpu, ke’n kahri jo kae.’

JEREMIAH 30:18

Rōngpu’n ahri, “Kamihei kha anrama kaman om nôk sik hei, innshung rakip kalungset sik hei; Jerusalem sakmanther nôk sik kae, areng-innpui matung nôk sik kae.

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 33:11

inpâkna leh hōina ông rasa khana hmōiṭhōi revei mahring rasa hei. Mipui he’n ka-Bek-inna inpâkna tōkna anheichoi pha hla antasak kha nanthei sik; anmani’n hinga anti sik, ‘Chunghnung Rōngpu hneng manpâkna pek ruh. ajârchu ama akaṭha kae, alungsetna kha kumleikōa kae.’ Ke’n hiva ram hi hma kapōa kamanhao nôk sik. Rōngpu ke’n kahri jo kae.

JEREMIAH 33:7

Ke’n Judah leh Israel kamanhao sik hei, hmalaia kapōa kalasyemsōt sik hei.

EZEKIEL 37:21

Khana Chunghnung Rōngpu ke’n Israelhei kha jât rakip kâra anleiomna inphut kalosōt sik hei, kamantûp sik hei khana anrama kaheiṭhōi male sik hei tia anhnenga manthei hei roh.

HOSEA 1:11

Judah mi leh Israel mi lahong inchun sik hei. Anmani’n anhlam kakei sik inkhat anla kadei sik, khana vōi khat anmani’n anram shunga lahong kakhang sik hei khana lakahao sik heia kae. Kadik, Jezreel kani kha kani kalentak lahong kachang sik!

THESSALONIANHEI INKHATNA 4:14

Jesu kha kathi khana kathōi nôk ti hi eini’n nitaksen, khava jâra ama kataksen akathihei kha Jesu leh inṭhōia Pathen in aṭhōi sik hei ti hi nitaksena kae.

HEBREWHEI 11:6

Taksen kasea tûte’n Pathen mantlai tor mak, ajârchu tu enum Pathen hneng akahong khan Pathen hi kahring ṭhak, ama kajong hei kha tloman apek sik hei, ti hi antataksen nger sik kae.

HEBREWHEI 6:10

Pathen kha akadik katlomak changmak. Ama’n nanṭontlo leh nan-Christian changpui hei tûn katlunga nanpek heia, nanbôm heia, ama sik a lungsetna nantamalâr hei kha mahngi mak ning.

RUTH 2:12

Naṭōntlo jâra Rōngpu’n vâng pek che rasoh. Ahrungna sik chea nahonghnai, Israelhei Rōngpu Pathena inphut pui katluk tloman nahmu chang rasoh!”