JEREMIAH 31:12 - LEKHARABU INTHENG (BSI)

¹² Anmani kahong sik hei Zion tlâng chunga inpâkna hla ansak sik, kakutchoi pek hei chunga anmani katlâi sik hei sâng, ju, olive thai, kemōnghei leh sehei seng chunga. Anmani tui kaṭhatak a a’nchap rahōn kapō inkhat kachang sik hei; anmani’n antamadu rakip annei sik.

JEREMIAH 31:12 ပူးပေါင်းရင်းမြစ်များ

HLAHEI 130:4

Tâk-kha nang kaṭit a kan-om theina sik kansetna hei kha arangei mandam roh.

ISAIAH 1:30

Nangni hi tûte’n tui achep mak, thi rong kati sasōkung kapōa kachâr sik chei.

ISAIAH 35:10

Anmani Jerusalema inpâktak a katlung sik hei, Inpâk pum a hla ansak a ka-ông sik hei. Anmani ahei tik a kahōi sik jo hei, ahei tik chenna malung inrengna leh Khōdeng theina inphut masōsōt akachang jo hei kae.

ISAIAH 51:11

Nang in nahuksōt jo hei khan ningṭhat pum a Jerusalem katlung sik hei, inpâk a hla ansak a ka-ông sik hei. Anmani ahei tik a inpâk sik jo hei. Inrengna leh lung dongna inphut ahei tik a masōsōt kachang sik jo hei.

ISAIAH 52:8

Khōpui repa kahngâk-hei khan ka-ông hei, inpâk a khōtlâng an-ônsap! Rōngpu’n Ziona ahong inle kha, anhmit khet in anhmu tor a kae!

ISAIAH 58:11

Khana ke’n ahei tik a hlamkakei sik jo chei khana akaṭha neinâk vânga kamantlai sik jo chei. Ke’n nangni kamanhrat sik chei khana kamanhōi sik chei. Nangni tui katamtak omna, akakang hêrmak tuiripût ka-ang sik jo chei.

ISAIAH 60:20

Nakhōdeng theina kani kha inchai sik jo. Rōngpu kei hi are-rea navâr kachang sik eng, Kani leh thla kanek a ka-omsôt sik eng.

ISAIAH 65:19

Kei khet um Jerusalem leh amihei jâra inpâk na’n kasip sik eng. Khana khan ṭapna om mak jo ning khana inthōpuina sik bekna om mak jo ning.

JEREMIAH 3:14

“Taksenthei kachangmak mihei, hong inle ruh; nangni kami chei kae. Khōpui rakip a mi inkhat ṭim, khana phung rakip a mi 2 ṭim kakadei sik chei, khana ke’n Zion Tlânga kaheiṭhōi male sik chei.

JEREMIAH 31:24

Mihei kha Judah ram a leh ankhōpui heia ka-om sik hei, khana khan hlei kathlōhei, khana kemōng kakhem he’n ankemōnghei leh ka-om sik hei.

JEREMIAH 31:25

Ke’n akaṭōiber hei kha kamanngar sik hei khana vonṭâma akatlasam hei kha kamankhop sik hei.

JEREMIAH 31:4

Ave nôk a kasyemther sik chei kae. Avea khōng nansuk a inpâktak a lakalâm nôk sik chei.

JEREMIAH 31:6

Ôk, mi ka-en inthlip he’n Ephraim tlânga hinga anhei ôngna sik pha kha heikatlung jo, ‘Zion Tlânga, Rōngpu ni-Pathen hneng se rih.’”

JEREMIAH 31:7

Rōngpu’n ahri, “Jât-hei kâra akalenpen, Israel sik a inpâkna hla sak ruh. Nanmanpâkna hla kha, ‘Rōngpu’n amihei ahuk jo hei; ama’n dahlona ka-om hei seng kha asansōt jo hei,’ tia sak ruh.

JEREMIAH 32:15

Chunghnung Rōngpu, Israel Pathen khan ahri khachu, hiva ram a innhei, hleihei, khana vomhrui rahōnhei hi rachôk male alakachang sik hei kae.”

JEREMIAH 33:12

Chunghnung Rōngpu’n ahri, “Hiva ram, nêrdiram kapō, mi leh sha om makna hmun a hin, kemōng kakhem he’n ankemōng khemna sik ramhâng alaka-om sik kae.

JEREMIAH 33:13

Hmebung chunga khōpui heia, hmebung kunga, Judah thlang intonga, Benjamin ram shunga, Jerusalem kimvea khōheia, Judah khōpui heia, kemōng kakhem he’n ankemōng aja anlatei nôk sik heia kae. Rōngpu ke’n kahri jo kae.”

EZEKIEL 17:23

Israel tlâng inshângpen chunga. Hivahi abâk adôn sik khana kara ahongnei sik cedar thing kalentak hong inchang sik. Va rakip khava chunga ka-om sik hei adaihlim hnōia in-ungna annei sik.

EZEKIEL 20:40

Sova ram a son, kei tlâng intheng, Israel tlâng inshâng chunga nangni Israel mi rakip in nantakamuk sik eng kae. Kei nanchunga katlai sik eng, akaṭhapen nantōkna hei kha leh a’ntheng nankutchoi hei, nan-inthoina kahnenga nata heichoi sik a kamadu sik.

EZEKIEL 34:14

Tlâng leh phaicham heia khana Israel ram a phidông omna hmun rakip a kakhem sik hei.

EZEKIEL 36:30

Nanthing kung leh nanhlei kara kamanpung sik, jât-hei kâra nuisō nanchen makna sik a vonṭâm dena om nôk mak ning.

HOSEA 3:5

Tâk-kha Israel mihe’n Rōngpu an-Pathen hneng, anrengpa David sōn hnenga avea anhei inhena pha kha anlanei sik. Khava pha Rōngpu kha anṭit sik jo,

JOEL 3:18

“Khava pha tlânghei kha vomhrui hlei in amakhusō sik; hmebung rakip a ran kasip sik hei; Judah hei kavadung rakip tui kasip sik. Rōngpu Bek-inna inphut kavadung katlân sik, khava khan Acacia phaichama tui apek sik.

HAGGAI 2:19

“Hmuchi aleiom mak jo tâk inum, khana vomhrui thei, theipōng kung, kapothei, khana olive thei ala’nra mak inum, tuna inphut ke’n vâng kapek sik chei kae.”

ZECHARIAH 8:12

Malung kamōnga anhmuchi bechi anvor sik jo. Anvomhrui thei inra sik; ralei in kara amanpung sik jo, khana pui katluk a khō kasûr sik jo. Hiva mahâmṭhatna rakip hi alakahring kamihei chunga kapek sik jo hei.

JOHN 16:22

Khang’khan nangni’m kati sik cheia kae: tûn nangni inrim chei, tâk ke’n nangni ka’nhmupui nôk sik chei, khana nanmalung shunga inpâkna kasip sik, nangnia inphut tûte’n antalosōt tor mak sik jo inpâkna kae.

ROMANHEI 2:4

Achangmak leh alungsetna akalen, amandona leh ade hratna hi heitea nasakmak leikachang thei. Pathen hi lungset kathem kae ti hi nang in inchêna namanhret ajârchu ama’n namalung thlengtheina sik a hlam akeitheina sik che ajonga kae.

ṬONGPHÔNG 21:4

Ama’n anhmit rathli rakip ahni manhi pek sik hei. Thina om nôk mak jo ning, khan chu malung inrimna, natna leh ṭana om nôk mak jo ning. Neinâk marō rakip inhmu mak jo.”

ṬONGPHÔNG 7:17

ajârchu len in-ongna laiṭim a ka-om kemōngte kha, ankakhem akachang sik jo kae, khana ama’n tui kahring lōngna hmun a aṭhōi sik hei. Khana Pathen in anhmit rathli ahni manhi pek sik jo hei kae.”