JEREMIAH 31:11 - LEKHARABU INTHENG (BSI)

¹¹ Ke’n Israelhei anning anhnōma kamasō hei, ratha kahrat jât-heia inphut kahuksōt heia kae.

JEREMIAH 31:11 ပူးပေါင်းရင်းမြစ်များ

HLAHEI 142:6

Na’nṭang pui sik a kaṭapna arangei pek roh, ajârchu malung kōina khan akachûm jo eng. Kei inrepui heia inphut eihuk roh; anmani kha kei sik a chu kahrat hêr hei.

SŌKSŌT 15:16

Ṭitna leh lungdongna’n akabuksi jo hei. O Rōngpu, narathahrat kha anhmua, atloje omloa ṭitpum a kangir jo hei, namipui he’n hmating ansesōt mak hma seng– sōk changna a inphut namasōsōt mipuihei kha.

ISAIAH 44:23

Marvân nangni, inpâk a ông ruh! Ralei hmun inthûk hei, ông ruh! Tlânghei leh ratu ramhânga thingkung rakip, inpâk a ông ruh! Rōngpu’n ami Israelhei ahuk manhring heia alenna kha amalâr jo.

ISAIAH 48:20

Babylona inphut sōksōt ruh, ning leh hnōma om ruh! Inpâktak a ṭong kha ông manthang ruh; hmun rakip a manthei hei ruh: “Rōngpu’n asōk Israel kha ahuk jo!” ti ruh.

ISAIAH 49:24

Nang in remihei neichom kha nakasut tor mo? Nang in mi-êng kase kut a inphut khum mihei kha nahuksōt tor mo?

ISAIAH 49:25

Rōngpu’n amasôn, “Khavakha ahong kasōk khet sik kha kae. Sepeihei khum mihei kha losōt sik hei kae, khana êngkase nei kachom hei kha sur sik hei kae. Nang kadōi rakip hei kha ke’n kadōi sik hei, khana nasahei kha kahuksōt sik hei.’

ISAIAH 51:11

Nang in nahuksōt jo hei khan ningṭhat pum a Jerusalem katlung sik hei, inpâk a hla ansak a ka-ông sik hei. Anmani ahei tik a inpâk sik jo hei. Inrengna leh lung dongna inphut ahei tik a masōsōt kachang sik jo hei.

JEREMIAH 15:21

Mikaṭhamak-hei ratha neina leh mi inphin heia inphut kahuk sik che. Rōngpu ke’n kahri jo kae.”

JEREMIAH 50:33

Chunghnung Rōngpu’n ahri, “Israel leh Judah mihei kha anvōk rachi jo hei. Ankasur hei seng khan anhnengtak a anhrung hei, vânga mansesōt tor mak hei.

JEREMIAH 50:34

Tâk-kha anmani kahuk sik inkhat kha aratha kangar, ama rahming kha Chunghnung Rōngpu kae. Amatak in an-inrengna kha ajōngsōt sik khana raleichunga chamna ajōng rôn manhlut sik, tâk Babylon mihei sik a chu khōdeng theina ahei rôn sik.”

ṬAJAISUINA 3:58

“Rōngpu, kei kahuk sik a kahong chea kahringkhō nahuk enga kae.

HOSEA 13:14

Thina raleia inphut hiva mihei hi hukmak hei ning, khana thina ratha hratna inphut hukmak hei ning. Eh thina, nang hrise thina kha heimathlung jo roh. Nang suksetna, thina raleichung kha heimathlung jo roh! Hiva mihei chunga lungset rôn hêrmak hei ning.

ZECHARIAH 9:16

Khava kani kha ahong pha Rōngpu’n amihei ahuksōt sik hei, kemōng kakhempa’n akemōng thina theia inphut ahuksōt hei kapōa. Lukhua kakop sana mukta kapōa, aram shunga anmani hong kavâr sik jo hei.

MATTHEW 12:29

“Tûte inkhat in mikahrat inkhat kha ahma inkeia khit loa a-inna hlut tor mak khana anei chom tor mak; akhitsō leh rōk a-innshung kha achom tor sik.

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MATTHEW 22:29

Jesu’n amasôn hei, “Heituk a nantaṭhe jo mo! Hivahi Ṭong intheng a-emak leh Pathen ratha hratna kha nanmanhret mak jâra kae.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.