JEREMIAH 31:10 - LEKHARABU INTHENG (BSI)

¹⁰ Rōngpu’n ahri, “Jât-hei, kaṭong hri hi rangei ruh khana kaṭonghei hi akahlatak tui-ôngpui pang heia vahri manthang ruh. Ke’n kamihei kaleichai kathek hei, tâk-kha ke’n kamantûp nôk sik hei, kemōng kakhem inkhat in ankemōnghei akhem kapōa kakhem sik hei.

JEREMIAH 31:10 ပူးပေါင်းရင်းမြစ်များ

A’NPHUTNA 10:5

anmani hei hi tuipanga leh tuikekhuma aleika-om mipuihei pusōnhei kae. Hihei hi phung leh ram khana ṭong hlop-hlop kajôm Japheth sōn leh pârhei kha kae.

HLAHEI 147:2

Rōngpu’n Jerusalem kha aphun ther nôk; hnongsōt a leika-om hei kha aheiṭhōi male nôk hei.

HLAHEI 23:1

Rōngpu kha kakakhempa kae; ke’n karangei rakip kahmu.

HLAHEI 72:10

Spain ram leh tuikekâk a renghei khan kutchoi anhongpek sik, Sheba leh Seba reng he’n kutchoi anhongpek sik.

ṬONGCHÎK-HEI 27:23

Nator chenna nakemōng leh nake kha ching kaṭhahei roh.

ISAIAH 24:14

Khava khana akahring hei khan inpâk hla ansak sik. Tlaitlâk tinga ka-om he’n Rōngpu kha heituk-hrep a akalen mo ti kha anhrisōt sik,

ISAIAH 27:12

Khava kani ning khan, Euphrates tuidunga inphut Egypt ramri katlunga, Rōngpu’n amipuihei, inkha-khat a, sarahmu leh sarasi ṭhen kapōa aṭhen mantûp sik hei.

ISAIAH 40:1

Ni-Pathen in ati, “Kamihei kamōnga da hei ruh. Manmōng hei ruh!

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

ISAIAH 41:1

Pathen in ati, “Kadai hngera om ina kahri rangei ruh, nangni ram kahla hei! Nanṭong sōk kha ṭongtan hmun a hrisōtna sik a intlukdek ruh! Nangni ṭong hrina sik pha kaṭha nanchen sik. Eini intluk et me sona tu mo akadik ṭong mathlâkna nei rih.

ISAIAH 42:10

Rōngpu hneng hlather inkhat sak ruh; ama manpâkna hla raleichung rakip in sak ruh! Tuipuia rakōng katôrhei ama kha manpâk ruh! Tuipui chunga ranhring rakip in ama manpâk ruh! Ram kahla hei leh ashunga ka-om seng in hla sak ruh!

ISAIAH 42:4

Ama inhōrna leh inngamna inhmang mak ning; ama’n raleichunga akadik kha aphunsōt sik. Ram kahla he’n ama mantheina kha rangei hnōmtak a anhngâk a kae.”

ISAIAH 48:20

Babylona inphut sōksōt ruh, ning leh hnōma om ruh! Inpâktak a ṭong kha ông manthang ruh; hmun rakip a manthei hei ruh: “Rōngpu’n asōk Israel kha ahuk jo!” ti ruh.

ISAIAH 54:7

“Pha bongkhat sik a ke’n nang kaleidahlon jo che; maritna inritak a kaṭhōi male nôk sik che.

ISAIAH 60:9

Sohei so ram kahlatak a inphut akahong rakōnghei kae, Pathen mihei innlangting anta heiṭhōi hei kae. Anmani’n Israel Pathen intheng, Amihei kha jât rakip takaja sik a ankasyempa Rōngpu rahming kha kajana sik a, Anmani’n sana, dangka anhei rônsa a kae.

ISAIAH 66:19

khana anmani karâkna ankapek kha kei eng kae tia anmanhret sik jo. “Tâk-kha anmani ṭhahrep kaṭhen sik hei khana jât-hlop hei leh ram kahlatak a kei rahming inthang alakathei mak hei, kalûrna leh kalenna alakahmu mak hei hneng katir sik hei: Spain, Libya khana Lidya leh anthe kakâp kathemhei hneng khana Tubal leh Greek ramheia. Hiva jât-hei kâra kei lenna kha anphông sik a kae.

JEREMIAH 23:4

Anmani ka-ensui sik vaikarôn kakadei pek sik hei. Kamihei kha ṭit leh inpirna neimak jo hei ning, khana avea karâkna pemak jo hei ning. Rōngpu ke’n kahri jo kae.”

JEREMIAH 3:15

Kaṭong kajui vaikarôn kapek sik chei, khana anmani’n themna leh singna vânga vai anrôna ankei sik chei.

JEREMIAH 50:17

Rōngpu’n ahri, “Israel mihei kha, shabakkai in ahnong kachek kemōng kapō hei kae. Hmapena, Assyria rengkalen in abuhlu hei, khava sōa Babylon Reng Nebuchadnezzar in anru asekhōi pek hei.

JEREMIAH 50:19

Ke’n Israelhei anram kamanhlō nôk sik hei. Anmani’n Carmel Tlânga kakek, khana Bashan tinga bu leh thlai ansâk sik khana Ephraim leh Gilead ram a akakek sachi hmuchi rakip antamadu chen a ansâk sik.

EZEKIEL 11:16

“Tûnchu nasap rehringa antasur mihei hneng manthei hei roh. Hmun kahlatak a ka-om jât-hei hnenga ankatirsōt leh ram hlop a a’nchai kathek kha kei eng kae. Kha’num, pha khat sik a anleisena ramheia khan ka-ompui sik hei.

EZEKIEL 20:34

Ke’n nankhenga kamantûp cheia nan-inchai kathekna ram rakip a inphut kaheiṭhōi male chei pha karathahrat leh kahnuk natna kha kamanhmu sik chei.

EZEKIEL 34:12

Kemōng kakhem hin ankemōng an-ensui heia a’nchek hei kha amantûp nôk hei kapōa katlo sik. Khava inthimna leh inrengna anlei inchai kathek hmun heia inphut kaheiṭhōi male sik hei.

EZEKIEL 37:24

Kasōkpa David kapō inkhat in anreng kachang sik. Anmani vaikarôn inkhat thōia inchun sik jo hei khana taksentak a kaṭong anjui sik jo.

EZEKIEL 5:10

Khava tlona kara khachu, Jerusalema nu leh pa he’n ansahei ansâk sik hei khana ansa he’n nu leh pa ansâk sik hei. Ke’n kakarâk sik chei khana alakahringa aka-om hei kha kachai kathek sik hei.

EZEKIEL 5:2

Khava ṭhen thuma inkhat kha khōpui kekhum kha a’nchaisō leh khōpui shunga ro roh. Ṭhen inkhat nôk kha lo ina nang in khōpuia inphut vânga nasōk pha nachemjâm vâng khan tuk kachep roh. A’nhlei ahlop ṭhen inkhat nôk kha thli kâra kathek manchai roh.

DANIEL 11:18

Khava kahnunga ama’n tuipui panga ka-om jât-hei chunga re atlo sik, ankâra jât katamtak ator sik hei. Kha’num ram hlop hlamkakei inkhat in ama aheitor sik, a’nlensakna kha amanbâng pek sik jo; kadiktak a Syria rengpa inlensakna kha achung kalena amanlet pek sik.

LEVI-DÂN 26:33

Nanchunga re kamasō sik, mihei ram a kaman chek-chai sik chei. Nanram kha nandahlon sik, nankhōpuihei inhmanga ka-om sik hei.

MICAH 2:12

“Tâk-kha nangni dahlona ka-om Israel mi seng, ke’n kakhôm manchun hi sik chei. Kemōng in anrōnga anhong inle kapōa ke’n nangni kaheiṭhōi manchun sik chei. Kemōng khemna hmun a kemōng kasip tlit kapōa, nanram hi vōi khat mi kasip tlit sik hei.”

MICAH 4:6

Rōngpu’n ahri, “Ke’n karâkna kapek mipuihei, rehring surna inrengna kathok hei mantûpna sik pha kha kahong jo.”

MICAH 5:4

Ama ahong phatak leh, Rōngpu leh Rōngpu Pathen ama khet a alûrna inphut ratha hratna akajōng khan ama’n amihei vai arôn sik kae. Ama mihei kamōng tak a ka-om sik hei, ajârchu raleichung pumpuia mihe’n ama lenna anhnōm sik a kae,

ZEPHANIAH 2:11

Rōngpu’n anmani amanpir sik hei. Ama’n ralei pathenhei kha heite manchang mak ning, khana jât rakip in ama kha anram et a ankamuk sik jo.

ZEPHANIAH 3:19

Apha kha kahong jo! Nang inrimna kapek hei kha karâkna kapek sik hei! Ke katlek seng kahuk sik hei, khana rehringa antasur mihei kha inna kaheithōi male sik hei. An-inzakna kha kajana kamanchang pek sik hei, vânhnōi in anmani anmanpâk sik jo hei.

ZECHARIAH 10:8

“Kamihei ke’n kabeksōt sik hei, kamanchun sik hei. Ke’n anmani kahuksōt sik hei, anmija aleitam kapōa kamanpung sik jo hei.

ZECHARIAH 2:6

Rōngpu’n amihei hneng ṭong amanthei hei, “Ke’n ram rakip a kachai kathek jo hei. Tâk-kha tûnchu, nangni rehringa anta heisur hei, Babylona inphut heitlânsōt jo ruh, Jerusalema he’nle jo ruh.

ZECHARIAH 9:16

Khava kani kha ahong pha Rōngpu’n amihei ahuksōt sik hei, kemōng kakhempa’n akemōng thina theia inphut ahuksōt hei kapōa. Lukhua kakop sana mukta kapōa, aram shunga anmani hong kavâr sik jo hei.

LUKE 12:32

“Rup katlôm hei, ṭimak ruh, ajârchu nangni rengram pek sik chei hi nanpa lungdo kae.

JOHN 10:27

Kakemōng he’n karasa anmanhret, ke’n anmani kamanhret hei, khana anmani’n anijui.

JOHN 11:52

Khana anmani sik rōk changloa, Pathen sahei seng inthek inchaia ka-om hei kha taksa pumkhat a ṭhōi manchuna sik um kae. 3

DÂNRABU INHNINA 30:4

Ralei rakir kahla pena khan aleikathek jo chei inum, Rōngpu nan-Pathen in amanchun nôk sik chei, aheiṭhōi male sik chei,

DÂNRABU INHNINA 32:26

Tûte inkhat inum anmani anmandonsōt makna sik hei ankhenga kaman rampet sik heia kae.