JEREMIAH 31:1 - LEKHARABU INTHENG (BSI)

¹ Rōngpu’n ahri, “Israel phung rakip hei Pathen kha kachangna sik, khana anmani kami anchangna sik pha kha hong katlung jo.

JEREMIAH 31:1 ပူးပေါင်းရင်းမြစ်များ

SAMUEL INHNINA 7:24

Israelhei kha ahei tik chenna namia nasyem jo hei, khana Rōngpu nang an-Pathen hongkachang che.

HLAHEI 144:15

Hiva kapōa ahong kasōkpek jo hei kha mikahōihei kae; Rōngpu’n an-Pathen akachangpek hei kha mikahōihei kae!

HLAHEI 48:14

“Hiva Pathen hi kumleikōa ni-Pathen kha kae; akahong sik pha rakip a ama’n achingṭhak sik me.

ISAIAH 20:6

Khavakha ahong tlung pha, Philisti ramri katlunga ka-om mihe’n anti sik, “Enruh, Assyria reng kalenpa a inphut ani kahuk sik a ni’nngaina mihei so heimo kati jo hei! Heikhonga mo eini akahringtor sik me?” Kût a.

ISAIAH 41:10

Nangni ṭimak ruh – ke’n ka-ompui chei! Kei nan-Pathen eng kae — heite inkhatbek in maṭhitmak chei rasoh! Ke’n ka’nṭangpui sik chei khana kamanhrat sik chei; Ke’n kahrung sik chei khana kahuk sik chei.

JEREMIAH 23:6

Ama rengchang pha, Judah mihei kha inhuk sik hei, Israel mihei kha kamōng tak a ka-om sik hei. Ama kha ‘Eini Huk manhringna Rōngpu’ inti sik.

JEREMIAH 3:18

Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

JEREMIAH 30:10

“Kamihei, ṭimak ruh; Israel mihei, inpir mak ruh. Khava ram kahlatak a inphut kurkhum a nan-omna inphut kahuksōt sik chei. Nangni inna hong inle sik cheia kha kamōnga ka-om sik chei; nangni inhuk sik chei tûte’n maṭhitmak chei ning.

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 31:33

Israel mihei leh intepna ther kaneipui sik jo hei khachu hi kae: Kadân kha anshunga kada sik khana anmalunga kamazet sik. Kei an-Pathen kachang sik eng, khana anmani kami kachang sik hei.

JEREMIAH 32:38

Khava pha anmani kami kachang sik hei, kei an-Pathen kachang sik eng.

JEREMIAH 33:14

Rōngpu’n ahri, “Ke’n Judah leh Israelhei hnenga ka’ntepna kha katlo mathlukna sik pha kha kajōng jo.

JEREMIAH 33:7

Ke’n Judah leh Israel kamanhao sik hei, hmalaia kapōa kalasyemsōt sik hei.

JEREMIAH 50:4

Rōngpu’n ahri, “Khava pha kha ahong pha, Israel leh Judah mihei, an-Pathen, kei kajonga anṭap pum a kahong sik hei.

EZEKIEL 11:20

Khava sōa kadân annit sik jo khana kaṭong pek rakip taksentak a anjui sik jo. Anmani kami kachang sik hei, khana kei an-Pathen kachang sik jo eng.

EZEKIEL 34:24

Rōngpu kei hi an-Pathen kachang sik eng, khana kasōkpa David kapō reng inkhat in anvaikarôn kachang sik. Ke’n kahri jo.

EZEKIEL 34:31

“Kakemōng nangni, kei takhem kemōng rup nangni, kami chei kae, khana kei nangni Pathen eng kae,” Chunghnung Rōngpu’n ati.

EZEKIEL 36:28

Khava sōa ke’n nanpu sōnhei hneng kaleipek ram a khan ka-om sik chei. Nangni kei mi kachang sik chei, khana kei nangni Pathen kachang sik eng.

EZEKIEL 39:22

Hiva hinna inphut Israel he’n kei hi Rōngpu an-Pathen eng kae tia anmanhret sik jo eng.

EZEKIEL 39:25

Chunghnung Rōngpu’n ahri “Tâk-kha tûnchu Jacob sōnhei, Israel mihei chunga lungset karôn sik jo hei khana kamanhao nôk sik hei. Karahming intheng hi kahrung sik kae.

HOSEA 1:11

Judah mi leh Israel mi lahong inchun sik hei. Anmani’n anhlam kakei sik inkhat anla kadei sik, khana vōi khat anmani’n anram shunga lahong kakhang sik hei khana lakahao sik heia kae. Kadik, Jezreel kani kha kani kalentak lahong kachang sik!

LEVI-DÂN 26:12

Ke’n nangni ka-ompui sik chei; nan-Pathen kachang sik eng, nangni kei mi kachang sik chei.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

JOHN 20:17

Jesu’n amanu hneng, “Asit mak roh, ajârchu kei Pa hneng lasemak hi eng. Tâk-kha nang kasōpuihei hneng vase ina vahri pek hei roh, “Kapa khana an-Pa, ka-Pathen khana an Pathen hneng a’nle sik jo eng kae.”

CORINTHIANHEI INHNINA 6:16

Heikhong mo Pathen bek-inn kha limsyem bekna leh man-ang thei sik? Ajârchu akahring ṭhak Pathen bek-inn kha eini me kae! Pathen ama khet in ahri: “Ke’n ka-inn kha kami heia inphut kasyem sik khana ankâra ka-om sik eng; kei an-Pathen kachang sik eng, khana anmani kami akachang sik hei kae.”

HEBREWHEI 12:16

Esau in sa upa achangna rathachen kha thlai sâk khat rōk vâng a’njōrsōt kapōa omchen kaṭhamak leh rathla katlâksam tûte hongchang mak hei rasoh.