JEREMIAH 30:5 - LEKHARABU INTHENG (BSI)

⁵ “Ṭit leh inpir ka-om ṭap rasa, ṭit ka-om, mōngna rasa kachangmak pengna kha kathei.

JEREMIAH 30:5 ပူးပေါင်းရင်းမြစ်များ

ISAIAH 5:30

Khava kani kha ahong tlung pha, anmani’n Israel chunga tui-ôngpui rasa kapōa inhrung sik hei. Hiva ram hi enruh! Khōdengthei leh inthimna kae. Inthim in vâr kha amade jo.

ISAIAH 59:11

Keini anmaṭhit ung khana inrim ung. Akadik mak a leh inrimna inphut a ani kahuk sik a Pathen kanrangei jo, tâk heite sōk mak.

JEREMIAH 12:12

Nêrdiram pumpuia hmun inshâng heia inphut mihei kha akasukset sik a kahong hei. Ram shung pumpui kasukset sik a ke’n re kha kajōngtir, tûte inkhat kamōnga om tor mak ning.

JEREMIAH 25:36

Rōngpu hnuknat in nanjât asuk manhmang joa nanram kamōnga aleika-om kha amanram jo jâra, nangni’n ṭajai sui unna inrengtak a ṭap ruh.

JEREMIAH 30:4

Rōngpu’n Judah leh Israel mihei hneng ahri,

JEREMIAH 46:5

“Tâk-kha ke’n heimo kahmu jo?” tia Rōngpu’n ader eng. “Anmani anṭit reia hnung inle jo hei. Anremihei kha ankahnungting anheinam hei; ṭitna’n akatōm jo heia antor chenna katlân jo hei, ankahnung hei-en lopmak hei.

JEREMIAH 6:22

Rōngpu’n ahri, “Sakram tinga mipui kahong jo hei, ram kahlatak a ratha kaneitak jât-hei re sik a intluk jo hei.

JEREMIAH 6:26

Rōngpu’n amihei hneng ahri, “Borapōn insi una ravut chunga inkhōn ruh. Sapa sangkhat thina chunga malung kana tak a ṭap kapōa ṭap ruh, ajârchu nankasuk inhmang sik a akajōng inkhat khan manhret manloa abuhlu sik chei.

JEREMIAH 8:16

Nikadōi hei kha Dan khōpuia ka-om jo hei; anshakorhei hnar kakhông rasa eini’n nithei. Anshakorhei anhonghnai jo pha ram pumpui kaṭia innok jo. Nikadōi he’n niram leh ashunga ka-om seng, nikhōpuihei leh amipuihei seng suk mansetsō sik a kahong jo hei.”

JEREMIAH 8:19

Rangei roh! Ram shung rakip a, kamihei ṭa rasa kha kathei, “Rōngpu kha Ziona om mak jo mo? Zion rengpa kha khan om mak jo mo?” anti. Rōngpu anrengpa khan ahei masôn hei, “Heisa mo nanlim kamuk a kahnuk nanta mannat khana hnemna kase ram hlop pathenhei hneng a’nkun chei.”

JEREMIAH 9:19

Ziona ṭap rasa so rangei roh: “Keini inhmang jo ung! Keini katluk a inzak jo ung! Keini kanram kandahlon sik jo; Kan-innhei insetsō jo hei,” anti.

AMOS 8:10

Nanrehōi hei kha kathi hrena kamanchang sik, nan-inpâkna hlahei kha inrengna leh ṭapna kamanchang sik. Nanlu kamankek sik, borapōn kamansi sik chei, khana ansanei inkhat rōk thina ṭajai kasui nu leh pahei kapōa kamanchang sik chei. Achaina kani kha inrengna kachang sik.

HABAKKUK 1:10

Anmani’n renghei kha hnōisetak a antlo hei khana ṭōnhmun kalen katlohei kha anmanuisō hei. Rekur he’n anmani tingtor mak hei, khava kur rape kunga ralei pi anbuk a anhlō ria kae.

HABAKKUK 1:6

Khava rahe kasetak, châm inhnga tet lo hei Babylon mihei kha ratha kamannei sik hei. Anmani vânhnōia kase heia milak-hei ram hlōna sik a antlo sik.