JEREMIAH 30:20 - LEKHARABU INTHENG (BSI)

²⁰ Ke’n hiva jât hi tenlaia aratha neina kha kalapek nôk sik kahnettak a avea kalaphun nôk sik. Anmani kasuk inrim rakip hei kha karâkna kalapek sik hei.

JEREMIAH 30:20 ပူးပေါင်းရင်းမြစ်များ

HLAHEI 102:18

Ala’nte mak mihe’n anhongchoi ka-ân theina sik, akahong khang sik a Rōngpu ṭōntlohei kha mazet ruh,

HLAHEI 102:28

Kanvonchoi hei kha huk a ka-om sik hei, khana nang hrungna shunga ansōn anpârhei kha inhukna anchen sik.

ISAIAH 49:26

Nankasu inrim hei kha anbinga khat leh khat kamanthat sik hei; anmani hnuk natna leh mithatna khan ju inrui kaman-ang sik hei. Khava sōa mi rakip in kei hi Rōngpu eng kae tia anmanhret sik eng. nangni kahuk leh ning leh hnōma insō inkhat kha kae tia. Kei hi Israelhei ratha kaneitak Pathen eng kha kae tia anhong manhret sik jo eng.”

ISAIAH 51:22

Rōngpu, nan-Pathen in ahrung cheia ahri, “Ke’n kahnuknat a kapek chei kōklei kha kalosōt jo. Khava ju nanlôn invekna kha nangni’n in nôk mak jo tin.

ISAIAH 54:14

Ṭongtan kadik leh omchen kadik khan amanhrat sik che. Suk manrimna leh ṭitna heia inphut huk sik che kae.

JEREMIAH 2:3

Israel, nang kei rōk ta che kae; nang kakarōi inthengtak che kae. Nang chunga khōdeng theina kape hei hneng ke’n inrengna leh inhmangna kapek hei. Rōngpu ke’n kahri jo kae.”

JEREMIAH 30:16

Tâk-kha tûnchu, nangni kasuset rakip hei kha sukset sik hei kae, nankadōi rakip hei kha kura khum sik a ṭhōi sik hei kae. Nangni kasuk inrim rakip hei kha suk manrim sik hei kae, nangni kachom rakip hei kha chom sik hei kae.

JEREMIAH 32:39

Ke’n anmani hringkhō mantlukna inkhat kapek sik hei: anmani leh ansōn anpârhei ṭhatchômna sik a, pha rakip a kei kajana atanei sik eng hi kae.

ṬAJAISUINA 5:21

Rōngpu nahnenga aṭhōi male nôk ung roh, Rōngpu aṭhōi male nôk ung roh! Hmalaia kanlûrna kha apek male nôk ung roh.

ZECHARIAH 10:6

“Ke’n Judah mihei kamanhrat sik hei; ke’n Israel mihei kahuksōt sik hei. Ke’n anchunga lungsetna kanei sik hei, ankhenga innting kaheiṭhōi male sik hei. Anmani kha ke’n kahlonsōt hêrmak hei kapōa ka-om sik hei. Kei anmani Pathen Rōngpu eng kha kae. Anmani derna kamasôn pek sik jo hei.

ZECHARIAH 10:8

“Kamihei ke’n kabeksōt sik hei, kamanchun sik hei. Ke’n anmani kahuksōt sik hei, anmija aleitam kapōa kamanpung sik jo hei.

ZECHARIAH 8:5

Hlamlaia nuhngâk leh retherhei kasip a indei sik hei.