JEREMIAH 30:19 - LEKHARABU INTHENG (BSI)

¹⁹ Khava hmun a ka-om he’n choi ka-ânna hla anlasak sik. Inpâk a laka-ông sik hei. Kavângpek hei jâra anmija lahong kapung sik; kavângpekna khan kajana anlachen sik.

JEREMIAH 30:19 ပူးပေါင်းရင်းမြစ်များ

EZRA 6:22

Che philo Buhlom Revei kha ni 7 anleitlo. Rōngpu’n Assyria rengkalen kha anchunga lungsetna amannei heia, ama’n Israel Pathen Bek-inn sak nôkna a’nthōpui hei jâra anmani inpâk hêr heia kae.

NEHEMIAH 8:12

Khava jâra mi rakip inna kase heia ningṭhat pum a ansâk an-ina mi ralak-hei leh antanei kha insem heia kae, ajârchu anhnenga antatei pek hei kha anmanhret joa kae.

NEHEMIAH 8:17

Sura inphut ahong inle hei seng khan in-ungna rabuk hei ansak a ashunga leika-om hei. Khavakha Nun sapa Joshua pha a inphut ahma inkeipen tlona leikachang khana mi rakip malung mathokna anneia le’npâk hei.

HLAHEI 53:6

Ziona inphut Israelhei hneng torna kha ajōngna sik heituk-hrep mo kader. Pathen khan nei leh haona avea amanpung pek hei pha Israel mipuihei kha heituk a akahōi sik jo hei mo!

ISAIAH 12:1

Mipui in hla hi ansakna sik kani lakahong sik, “Ke’n kachoi ka-ân che, Rōngpu! Nang kei chunga nahnuk leikana, tâk-kha tûnchu lungmōng nathlâk eng, nahnuk namak jo.

ISAIAH 26:15

Rōngpu, nang in kanjât hi namankhangsōt, aramri sak leh thlânga nakakek manlen, hivahin nang ṭit leh kajana arôn sōt a kae.

ISAIAH 27:6

Akahong sik kania khan Jacob sōn leh pâr, Israelhei kha thingkung inkhat kapōa rajung anṭhō sik, hong kacher sik heia kha hong kapâr sik hei. Raleichunga ankara in kasip sik.

ISAIAH 35:10

Anmani Jerusalema inpâktak a katlung sik hei, Inpâk pum a hla ansak a ka-ông sik hei. Anmani ahei tik a kahōi sik jo hei, ahei tik chenna malung inrengna leh Khōdeng theina inphut masōsōt akachang jo hei kae.

ISAIAH 51:11

Nang in nahuksōt jo hei khan ningṭhat pum a Jerusalem katlung sik hei, inpâk a hla ansak a ka-ông sik hei. Anmani ahei tik a inpâk sik jo hei. Inrengna leh lung dongna inphut ahei tik a masōsōt kachang sik jo hei.

ISAIAH 51:3

“Ke’n Jerusalem hneng, khava inhmangna shunga aka-om hei seng hneng lungsetna kamanhmu sik hei. Aram kha nêrdiram aleichang jo’num, rahōn inkhat a kasyem sik, Eden rahōn kaleisyem kapōa. Inpâkna leh ningṭhatna, khana khan ka-om sik khana kei choi ka-ânna leh manpâkna hla ansak sik.

ISAIAH 52:9

Jerusalem suk manset a aka-om nang, inpâk a peng jo roh! Rōngpu’n akhōpui kha asansōt sik, khana amihei lungmōng apek sik hei.

ISAIAH 55:5

Tûnchu nangni’n ram hlop mihei kha nanbek sik hei; pha khat a nangni leimanhret mak hei chei, tâk tûnchu nangni kajōm sik a hong katlân sik jo hei! Rōngpu nan-Pathen, Israel Pathen intheng ke’n hihei seng hi kahong masō sik; ke’n kajana leh lûrna kha nangni kapek sik chei.”

ISAIAH 60:19

“Sûna kani kha nang sik a vâr chang nôk mak jo ning Achangmak leh jân a thla kha nang sik a vâr chang nôk mak jo ning; Rōngpu kei hi nang sik a kumleikōa vâr kha kachang sik jo eng; Kei lûrna vâr khan nachunga asêr manvâr sik jo.

ISAIAH 60:22

Nang akasinpen leh thōi katōngpen innshunghei kha’m Ratha kaneitak jât kalen kapō hongkachang sik hei. Aphatak kha ahong tlung leh, Ke’n hivahi inrangtak a ahong sōkna sik kasyem sik. Kei Rōngpu eng kha kae!”

ISAIAH 60:9

Sohei so ram kahlatak a inphut akahong rakōnghei kae, Pathen mihei innlangting anta heiṭhōi hei kae. Anmani’n Israel Pathen intheng, Amihei kha jât rakip takaja sik a ankasyempa Rōngpu rahming kha kajana sik a, Anmani’n sana, dangka anhei rônsa a kae.

JEREMIAH 17:26

Jerusalem kimvea khōhei leh Judah ram a khōpui heia mihei kahong sik hei; anmani Benjamin ramṭhen a, hmebung kea leh tlâng chunga inphut khana thlâng intong Judah ram a inphut kahong sik hei. Anmani’n ka-Bek-inna ro-inthoina leh ran tōk sik hei, hmuchi leh marim katui khana inpâkman tōksōt sik hei kha anheichoi sik hei.

JEREMIAH 3:16

Khava ram a nangni nanhei pung jo pha leh, mihe’n kei Intepna Bôm chungchânga vōi khat hrimak jo hei ning. Khava chungchânga anmani’n ngeitō mak jo hei ning khana mandon mak jo hei ning, khana rangei mak jo hei ning, ahlop inkhat um syem mak jo hei ning.

JEREMIAH 31:27

“Rōngpu ke’n kahri kae, Judah ram leh Israel ram kha mi leh sha kamansip phetna sik pha kha kahong sik.

JEREMIAH 31:4

Ave nôk a kasyemther sik chei kae. Avea khōng nansuk a inpâktak a lakalâm nôk sik chei.

JEREMIAH 33:22

Ke’n kasōk David sōn leh pâr khana Levi phunga thempu anja kamanpung sik hei, marvân ârsi leh tui-ôngpui panga nêrdi hei kapōa anja tei torlo kamanchang sik hei.”

EZEKIEL 36:37

Chunghnung Rōngpu’n ahri, “Israel he’n inthōpuina sik a kahnenga derna vōi khat chu kalamannei sik hei khana kemōng rup-hei kapōa anja kamanpung sik hei.

EZEKIEL 37:10

Khava jâra kei amanthei eng kapōa ke’n ṭong kha kasân jo. kaphuk kha taksahei shunga kahlut jo, anmani hongkahring heia kangir jo hei. Anmani remi changna sik anja katluk hrep heia kae.

EZEKIEL 37:26

Anmani ahei tik a inhukna kapek sik a intepna inkhat anmani leh kanei sik. Ke’n kasyemsōt sik hei khana anja kamanpung sik hei, khana anrama kabek-inn kada sik, khana khan ahei tik a ka-om sik jo hei.

ZECHARIAH 10:8

“Kamihei ke’n kabeksōt sik hei, kamanchun sik hei. Ke’n anmani kahuksōt sik hei, anmija aleitam kapōa kamanpung sik jo hei.

ZECHARIAH 12:8

Khava pha Rōngpu’n Jerusalema ka-om mihei kha ahuk sik jo hei, ankâra akatlasam pen kha’m David kapōa kahrat sik jo. David sōn leh pârhei khan Rōngpu ngevahei kapōa, Pathen kapōhrep a hlam ankei sik jo hei.

ZECHARIAH 2:4

Ahma inkei ngeva khan inkhat hnenga khan ahri, “Tlân roh khana tena tekam kachoi rethernai hneng manthei roh ti chu Jerusalema mihring leh ranhring katamtak hong ka-om sik hei khachu rape nikhâr a akan sik hei changmak.

ZECHARIAH 8:19

“Thla manlina, rangana, sarina; khana sômna heia buhngōina kha Judah hei sik a hōina leh inpâkna revei kachang sik jo. Nangni akadik leh lungmōng kha nanta madu sik kae.”

JOHN 17:22

Nang leh kei pumkhat nichang kapōa, anmani pumkhat anchangna sik napek eng lûrna mama kha ke’n anmani kapek jo hei.

PETER INKHATNA 1:7

Khavahei mandonna khachu nantaksenna kadik kha mandangna sik a kae. A’nsetthei sana kha hmen hmei vâng enmansinna ka-om; sana kanek a mankatam nantaksenna khachu akasôt a-omtheina sik a enmansin nger sik kae. Khava sōa Jesu Christa ajo’nlâr Kani ning khan manpâkna leh lûrna khana kajana nangni’n natachen sik kae.