JEREMIAH 30:18 - LEKHARABU INTHENG (BSI)

¹⁸ Rōngpu’n ahri, “Kamihei kha anrama kaman om nôk sik hei, innshung rakip kalungset sik hei; Jerusalem sakmanther nôk sik kae, areng-innpui matung nôk sik kae.

JEREMIAH 30:18 ပူးပေါင်းရင်းမြစ်များ

THUHMINGHEI INKHATNA 29:1

Reng David in ahon’tûp mipuihei hneng khan ahria, “Kasapa Solomon hi Pathen in akadei jo, tâk ama hi naipang lakachanga lungria heikhat manhretna lakatlâksam, khannum atlo sik ṭōn chu kalentak a kae, khana asak sik inn hi mihring omna sik innpui changmak, Rōngpu Pathen Bek-inn sik kae.

THUHMINGHEI INKHATNA 29:19

Kasapa Solomon hi naṭongpek rakip a malung akhenga anjui hnōmna sik, khana kaleimantluk Bek-inn asakna sik lungthim ratha pek roh,” atia kae.

NEHEMIAH 7:4

Jerusalem kha khōpui kalentak kae, tâk ashunga mi akatam leiom mak hei, khana inn akatam leisak mak hei.

HLAHEI 102:13

Nang hong kathōisōt sik chea kha Zion kha lungset a narôn sik; amanu lungsetna sik pha kha hong katlung jo; hivahi aphatak jo kae.

HLAHEI 102:14

Amanu kha anleisukset jo’num nasōk he’nchu anlungset; amanu kha inhmanga aleiom jo’num anmani’n lungkhamna annei.

HLAHEI 122:7

Nakur bang shunga malung mōngna om rasoh, khan chu na-innpui shunga inhuk theina om rasoh.”

HLAHEI 48:13

abâna sōn leh pârhei hneng nanhri pek theina sik hei, abanghei kha merchîk hei ruh, khana arekur hei kha enmanchên hei ruh:

HLAHEI 48:3

Khōpui rekur shunga khan ama leh omsapna hmun a hringna ka-om ti kha Pathen in amalâr.

HLAHEI 78:69

Khana khan marvâna a-inn kapōa, a-Bek-inn kha asak jo; ralei kangar kapōa kahnettak a asyema, pha rakip a inhukna ka-om jo.

HLAHEI 85:1

Rōngpu, naram kha lungset a naleirôn Israel kha mikahao naman chang nôk.

ISAIAH 44:26

Tâk-kha kasōk in hnungṭong asânsōt pha, kaṭōn mantlukna akaphôngsōt sik ngeva katirhei pha, Khava ṭōnhei kha ke’n kamantluk hei khana hnungṭong sânsōt hei kha kadiktak a kasōk heia kae. Ke’n Jerusalem hnenga mipuihei ashunga hong ka-om nôk sik hei, khana Judah khōpui kha athera anta hongsak sik hei kae tia kahri pek. Khava khōpuihei kha ansukset sōa inphut hongkathōi nôk sik hei.

ISAIAH 44:28

Ke’n Cyrus hneng kahri, ‘Kei sik a vai karôn sik kha nang che kae; Ke’n kamantlo hnōm che kha nang in natlo sik kae: Jerusalem avea saksōtna sik a khana Bek-inn innhmun kha deng manbukna sik a nang in ṭong namasō sik kae.’”

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 29:11

Nangni sik a kei mantlukna, inrengna sik changloa khangsōtna sik ṭōnmantluk khana hnunga sik nan-inhōrna mantlukna hei kha kei rōk in kamanhret.

JEREMIAH 29:14

Ôk, ke’n kahri kae, nangni’n nanhmu sik eng, khana ke’n nanrama kaman om nôk sik chei. Ke’n kahnong manchekna chei ram leh hmun rakip a inphut kakhôm manchun sik chei, khana ke’n nangni katirsōtna ramheia inphut kaheiṭhōi male nôk sik chei. Rōngpu, ke’n kahri jo kae.’

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 31:23

Chunghnung Rōngpu, Israelhei Pathen khan ahri, “Ke’n mihei kha anrama kaheiṭhōi male hei pha, Judah ram a leh ankhōpui heia, anmani’n, ‘Rōngpu’n Jerusalem hmebung intheng, a-omna hmun intheng kha mahâmṭhat pek rasoh,’ anti nôk sik.

JEREMIAH 31:38

Rōngpu’n ahri, “Jerusalem akhenga kakhōpui inkhat a Hananel Ber inshâng tlaitlâk intonga inphut Rakir Kot katlunga sakmanther sik pha kha kahong jo.

JEREMIAH 31:4

Ave nôk a kasyemther sik chei kae. Avea khōng nansuk a inpâktak a lakalâm nôk sik chei.

JEREMIAH 31:40

Ashunga phaicham, kathi hrena leh akachok hlonna, khana Kidron Kavadung chunga hleipuk seng, nisōtinga Shakor Kekot katlung hi kei sik a hmun intheng akachang sik kae. Khōpui kha ave nôk a sukkhōi leh suk manhmang chang hêrmak jo ning.”

JEREMIAH 32:15

Chunghnung Rōngpu, Israel Pathen khan ahri khachu, hiva ram a innhei, hleihei, khana vomhrui rahōnhei hi rachôk male alakachang sik hei kae.”

JEREMIAH 32:44

Mihe’n hleihei kha anlarachôk nôk sik hei, rachôkna lekha inzet sik, mêrchîkna innam sik, sâkhi ka-om sik hei. Hivahi Benjamin ram shunga, Jerusalem kimvea khōte heia, Judah khōpui heia, tlângrama khōpui heia, hmebung kung heia, thlang tinga Judah ramheia kasōk sik a kae. Ke’n kamihei hi anram shunga kala man om nôk sik hei. Rōngpu ke’n kahri jo kae.”

JEREMIAH 33:11

inpâkna leh hōina ông rasa khana hmōiṭhōi revei mahring rasa hei. Mipui he’n ka-Bek-inna inpâkna tōkna anheichoi pha hla antasak kha nanthei sik; anmani’n hinga anti sik, ‘Chunghnung Rōngpu hneng manpâkna pek ruh. ajârchu ama akaṭha kae, alungsetna kha kumleikōa kae.’ Ke’n hiva ram hi hma kapōa kamanhao nôk sik. Rōngpu ke’n kahri jo kae.

JEREMIAH 33:7

Ke’n Judah leh Israel kamanhao sik hei, hmalaia kapōa kalasyemsōt sik hei.

JEREMIAH 46:27

“Kamihei ṭitmak ruh, Israel mihei inpir mak ruh. Nangni khuma nan-omna ram a inphut, khava ram kahlatak a inphut ke’n nangni kahuk sik chei. Nangni inna hong inle sik chei khana kamōng tak a ka-om sik chei. Nangni inhuktak a ka-om sik chei, tûte inkhat in maṭhitmak chei ning.

JEREMIAH 49:39

Tâk-kha hnung leh chu, Elam mihei kha avea kamanhao nôk sik hei. Rōngpu ke’n kahri jo kae.”

JEREMIAH 49:6

“Tâk-kha hnunga chu Ammonhei kha kalamanhao nôk sik hei. Rōngpu ke’n kahri jo kae.”

EZEKIEL 36:11

Mihring leh ranhei kamanpung sik hei. Hmalaia kanek a nanmi katam sik chei, sa katamtak nannei sik. Hmalaia nanlei ka-om kapōa khana khan ka-om sik chei, hmalaia kanek a kamanhao sik jo chei. Khava sōa nangni’n kei hi Rōngpu eng kae tia nanmanhret sik jo eng.

AMOS 9:14

Kamihei anrama kaheiṭhōi male sik hei. Ankhōpui insetsō hei kha ansyem manther sik, khan ka-om sik hei; vomhrui rahōn ansyem sik a kha khava theiju kha an-in sik; Rahōn ansyem sik a kha antaling kha ansâk sik.

ZECHARIAH 1:12

Khava sōa ngeva khan ahri, “Chunghnung Rōngpu, nang Jerusalem leh Judah khōpuihei chunga tûn hi kum 70 nahnuk hongkana jo. Anmani chunga lungset maritna narôn sik pha kha heija mo alakasôt sik?”

ZECHARIAH 1:16

Khava khōpui kalen chunga lungsetna malârna sik a kei Jerusalema hong inle jo eng. Kabek-inn syem manther sik kae, khana khōpui kha sakmanther sik kae.”

ZECHARIAH 12:6

“Khava pha, Judah phung mihei kha ram a achangmak leh hleipuk a sâng kahmin kâra hmei kasûk kaman-ang sik hei, ankimvea ka-om jât-hei ansuk manhmangsō sik hei. Jerusalem mihei khachu khōpui shunga huksōt a ka-om sik hei.

ZECHARIAH 12:7

“Rōngpu ke’n Judah remihei hneng ahma inkeipena torna kha kapek sik hei, khavakha David sōnhei leh Jerusalema mipuihei tachen sik kajana kha Judah mi ralak-hei chen kanek a alenchet makna sik a kae.

ZECHARIAH 14:10

Sak tinga Geba inphut thlang tinga Rimmon katlung bit a, ramkei akhenga phaichama syem sik kae. Akimvea ka-om ramhei kanek a Jerusalem inn inshângpen sik; khōpui hin Benjamin Kekot a inphut hmalaia kekot leiomna Arakir Kekot kha aphâk sik, khana Hananel Ber a inphut reng innshunghei theitui epna hmun katlung kachang sik.