JEREMIAH 30:17 - LEKHARABU INTHENG (BSI)

¹⁷ Ke’n ṭhatchômna kamannei nôk sik chei; nankôkna bi kaman dam sik, nankadōi he’n, ‘Zion hi hnongsōt jo kae, tûte’num donmak jo hei,’ anti’num leiti hei rasoh. Rōngpu ke’n kahri jo kae.”

JEREMIAH 30:17 ပူးပေါင်းရင်းမြစ်များ

JOB LEKHARABU 5:18

Pathen in amantônna bihei kha akatōm hei; ama kut in amantôn, khana ama kut in amandam.

HLAHEI 103:3

Kasetna rakip arangei mandam eng khana kanat rakip um amandam jo eng.

HLAHEI 107:20

Aṭongpek a khan anmani amandam hei khana thlâna inphut a ahuk manhring hei.

HLAHEI 12:5

Rōngpu’n ati, “Tâk-kha, tûn kei kajōng sik eng ajârchu akatlasam hei kha ansuk manrim jo hei tlo manrima aka-om hei annat ande hla a inkōi jo hei. Antarangei inhrungna kha kapek sik jo hei.”

HLAHEI 142:4

Kasir kapang ka-en pha, ani’nthōpui sik tûte hmumak eng, ani kahrung sik tûte hmumak eng. Tûte’num kei adonmak hei.

HLAHEI 23:3

Ama’n athera ratha hratna apek eng. Ama’n aṭongtep dungjuia hlam kadik a aṭhōi enga kae.

SŌKSŌT 15:26

Ama’n ahri, “Nangni’n kaṭong nanjuia ke’n kadik kati kha pui katluk a ṭōn vânga nantlosōt inchu, Egypt mihei chunga hrise kaleimasō inkhatbek vâng khan nangni karâkmak chei ning. Kei nan-indampa, Rōngpu eng kha kae.”

ISAIAH 11:12

Ralei rakir manlia ami Israelhei leh Judah mi a’nchek a ka-om hei kha avea aheiṭhōi mantûp sik hei kha Rōngpu’n jât-hei hmun a sik chîkna pōnlek inkhat atârsōt sik.

ISAIAH 30:26

Thla kha kani kapōa kavâr sik jo, khana kani kha angaia avâr kanek a vârsari kakhea kavârsa sik jo, ni 7 shunga vâr kha ni khat rōk a akavâr kapōa. Hihei rakip hi Rōngpu’n amihei rachâkna antak kôkbi kha akatōmpek heia amandam pek hei ning kani kha hongkachang sik.

ISAIAH 33:24

Niram shunga ka-om mi inkhatbek inum dammak eng tia inphin hêrmak jo ning, khana setna rakip inngei indam sik jo.

ISAIAH 54:6

Israel, nang hi hmōither kapō che kae, apuise’n adahlona malung inrimtak a ka-om kapō che kae. Tâk Rōngpu’n abek male nôk chea ahri:

ISAIAH 56:8

Hnongsōt a aka-om ami Israelhei inna anhei kaṭhōi inlepa, Chunghnung Rōngpu’n mi ralak he’m anmani leh a’nchun sik a alaheiṭhōi sik hei tia ahri.

ISAIAH 57:18

“Ke’n an-omchen tlo kahmu hei, kha’num anmani kaman dam sik hei. Ke’n anhlam kakei sik hei, khana ka’nthōpui sik hei, khana a’n-ôi hei kha lungmōng kathlâk sik hei.

ISAIAH 57:19

Ke’n akahla leh akahnaia aka-om hei seng hneng lung mōngna kapek hei! Kamihei kaman dam sik hei.

ISAIAH 58:8

“Khava sōa kalungsetna chei kha jîng nisō kapōa nanchunga jōng kavâr sik, khana nannatbi kha inranga kadam sik jo. Nangni kahuk sik a ka-ompui ṭhak sik chei; kei om khan nangni ramkei rakip a ahrung sik chei.

ISAIAH 60:15

“Nang dahlon nôk mak jo hei ning, khana ahōt nôk mak jo ning, Khōpui andahlon leh akarōksai kha changmak jo ning. Ke’n kamanlen sik che, nahme kamanṭhat sik, Ahei tik a inpâkna hmun kahōia kasyem sik jo che.

JEREMIAH 10:20

Nipōn innhei inhlersō jo hei; ankhit mankeina hrui hei intansō jo hei. Nisahei kase sō jo hei; nipōn-inn ani’n tungpek sik tûte om mak jo; pinden ani’n kheipek sik om mak jo.”

JEREMIAH 17:14

Rōngpu, amandam roh khan chu pui katluk a kahōi sik eng; ahuk roh khan chu pui katluk a inhrung sik eng. Ke’n kamanpâk kha nang che kae!

JEREMIAH 3:22

Rōngpua inphut a’nhesōt hei nangni seng hong inle ruh; ama’n nangni amandam sik chei khana taksenthei amanchang sik chei. Nangni’n nanhri, “Ôk keini Rōngpu hneng kahong sik ung, ajârchu ama kan-Pathen kae.”

JEREMIAH 30:13

Nangni ka-ensui sik tûte om mak, nankhōihli damna sik om mak, nandamna sik a inhōrna om mak a kae.

JEREMIAH 33:24

“Ke’n kakadei innshung 2, Judah leh Israel kahlonsōtna hei ṭong mihe’n antahri kha namanhret jo mo? Khava jâra anmani’n kamihei hi hnōi anse heia, jât inkhat hei kae tia mandon mak jo hei.

JEREMIAH 33:6

Achang inum hiva khōpui leh amihei hi kaman dam sik hei khana antaksa kalamanṭhat nôk sik hei. Anhnenga lung mōngna leh inhukna katluk a kalamanhmu sik hei.

JEREMIAH 8:22

Gilead a hlei leh ai om mak mo? Khana khan thempu om mak hei mo? Khan chu, heisa mo kamihei akadam mak jo hei?

ṬAJAISUINA 2:15

Khōpui kapetan a kahro he’n anhmu che pha hnōisetak a an-en che. Anlu ankachuk a Jerusalem suk manhmangna kha anmanuisōa kae. “Hivahi khōpui kahōi neng kha mo? Hivahi vânhnōi inlensakna kha mo?”

EZEKIEL 34:16

“A’nhmanghei kha kajongsōt sik hei, akalôn lele hei kha kaheiṭhōi male sik hei, an-intônbi hei kha kakatōm pek sik hei, akanahei kha kaman dam sik hei; tâk-kha khava akathai leh ratha kaneihei kha kamanhmang sik hei, ajârchu kei akadik katlo kemōng kakhem eng kae.

EZEKIEL 35:12

Khava sō leh nangni’n Israel tlânghei inhmangsō jo, chomsō jo hei rih tia êngset a nanhrina hei kha Rōngpu ke’n kathei jo ti hi nanhong manhret sik jo.

EZEKIEL 36:20

Anmani ansena ramtina, kei rahming intheng chunga hmaimôkna anheirôna kae, ajârchu mi’n hinga anti sik, ‘Hihei hi Pathen mihei kae, tâk-kha aram hi andahlon sik jo.’

HOSEA 11:3

Achang inum Israel ke choi inchu kha kei eng kae. Ke’n kamihei kha kabâna kakadom hei, tâk-kha ke’n anmani katintahei ti hi manhret mak hei.

HOSEA 6:1

Mipui he’n anti, “Rōngpu hneng inle jo rih! Ama’n nitak amantôn jo me, tâk ama’n amandam nger sik me; ama’n amantôn jo me, tâk ninat bi kha akatōmpek sik me, tlomak ning mo?

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

PETER INKHATNA 2:24

Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

ṬONGPHÔNG 22:2

khōpui shung atlâk a akalōng kha amanhmu eng. Tuidung pang inkhat et a hringna thingkung kahmông, kum khat a ve 12, thla khat a vōi khat sam inra. Khana abō kha jât-hei damna kae.