JEREMIAH 30:16 - LEKHARABU INTHENG (BSI)

¹⁶ Tâk-kha tûnchu, nangni kasuset rakip hei kha sukset sik hei kae, nankadōi rakip hei kha kura khum sik a ṭhōi sik hei kae. Nangni kasuk inrim rakip hei kha suk manrim sik hei kae, nangni kachom rakip hei kha chom sik hei kae.

JEREMIAH 30:16 ပူးပေါင်းရင်းမြစ်များ

HLAHEI 129:5

Zion kahōt rakip hei kha tor a om hei sona, khana hnong male chang hei rasoh!

SŌKSŌT 23:22

Tâk ama ṭong nanjuia khana kei ṭongpek rakip nanjui inchu, ke’n nan-inrepui heirakip re katukpek sik chei.

ṬONGCHÎK-HEI 22:23

Rōngpu’n anmani sik a ṭong ahri sik khana anmani inṭhit hei kha ama’n amaṭhitpek sik hei.

ISAIAH 14:2

Jât-hlop katamtak in anmani Rōngpu tapek anrama anhe’nle nôkna sik an-inthōpui sik hei, khana khan jât-hlop he’n Israelhei sōk kachang sik heia anrazen sik hei. Pha khat a Israel aleikasur hei kha tûn Israel he’n ansur sik hei, khana Israelhei chunga mikasuk inrim hei kha Israel he’n anchunga vai anrôn sik jo.

ISAIAH 33:1

Eini kadōihei kha inhmang jo hei! Anmani kha tûte’n anchom mak heia anhōn mak hei inum, anmani’n mi anchom heia anhōn heia kae. Tâk-kha anmani’n mi antahōnna leh anchomna sik pha kha ho’nchai sik jo, anmani khet kha chom sik leh hōn sik jôk kha hongkachang sik jo hei.

ISAIAH 54:15

Tu mo inkhat in nang abuhlu che’nchu kei manhret loa atlo kae; Tu mo inkhat in nang kadōia re kasō kha akatlu sik kae.

ISAIAH 54:17

Tâk-kha hmangchâk inkhatbek in nang atôn tor mak tin; nang maherna kaneihei seng kha anmasôna inkhat naleinei sik a kae. Ke’n kasōk-hei kha kahrung sik hei, khana retorna kapek sik hei.” Rōngpu’n ahri jo.

JEREMIAH 10:25

Nahnuk natna kha nang inmukmak jât-hei chunga, nang kahlonsōt mipuihei chunga mahe roh. Anmani khan namipuihei anthat hei; anmani’n keini pui katluk a ansuk manhmang ung khana kanram kha suk manrama anda joa kae.

JEREMIAH 12:14

Rōngpu’n ahri, “Ke’n kami Israel kapek hei ram akasukset, Israel inhnaipui hei hneng hri sik ṭhahrep kanei. Ke’n khava mikaṭhamak-hei kha anram shunga inphut, kahar phoisōt kapōa kalosōt sik hei, khana Judah kha anmania inphut kahuksōt sik a kae.

JEREMIAH 2:3

Israel, nang kei rōk ta che kae; nang kakarōi inthengtak che kae. Nang chunga khōdeng theina kape hei hneng ke’n inrengna leh inhmangna kapek hei. Rōngpu ke’n kahri jo kae.”

JEREMIAH 25:12

Khava sōa Babylon leh arengpa kha ansetna jâra karâkna kapek sik hei. Khava ram kha kasuk manhmang sik khana ahei tik a inhmanga ka-om sik.

JEREMIAH 30:15

Nan-intônna jâra inphin mak ruh; nangni sik damna om mak jo. Ke’n hing’hin karâkna kapek chei kae, ajârchu nansetna katam hranghra khana nanṭhat makna kalen hêr.

JEREMIAH 50:28

Babylona inphut rekatlânhei Jerusalema kahong hei, khana Rōngpu ni-Pathen in a-Bek-inna Babylonhei taleitlo kha heikhonga mo phu ahlō ti kha anmani’n anhria kae.)

JEREMIAH 8:16

Nikadōi hei kha Dan khōpuia ka-om jo hei; anshakorhei hnar kakhông rasa eini’n nithei. Anshakorhei anhonghnai jo pha ram pumpui kaṭia innok jo. Nikadōi he’n niram leh ashunga ka-om seng, nikhōpuihei leh amipuihei seng suk mansetsō sik a kahong jo hei.”

ṬAJAISUINA 1:21

“Kei inkōina hi arangei pek roh; lungngamna anikapek sik tûte om mak. Nang in kachunga inrengna napek eng jâra ka-inrepui hei inpâk hei. Naṭong tepna kani kha heimatlung roh; kei kapōa khōdeng manthei hei roh.

ṬAJAISUINA 1:22

“Anthat makna rakip jâra maset hei roh; Kaset jâra nakarâk eng kapōa anmani karâk hei roh. Inreng enga inkōi eng; khana kamalung hi kana jo.”

EZEKIEL 29:6

Khava sōa Egypt a ka-om mi rakip in kei hi Rōngpu kae tia anmanhret sik eng.” Rōngpu’n ati, “Israel he’n nangni Egypt hei inthōpuina anchen sik tia inngaina annei chei, tâk-kha nangni akangarmak sung inkhat kanek a ṭhadek mak chei.

EZEKIEL 35:5

“Nang in Israelhei kadōi leikachang ṭhak che, khana amanu inreng pha, asetna jâra achaina karâkna pha shunga khan, amihei nathat pek heia kae.

JOEL 3:8

Nansanu nansapa hei kha Judah hei hneng kamanjōr sik chei kae; anmani’n ram kahlatak Sabeanhei hneng anjōr sik hei. Rōngpu ke’n kahri jo kae.

MICAH 4:11

Jât katamtak in nangni buhluna sik inchun heia kae. Anmani’n anti, “Jerusalem hi nimanhmang nger sik kae! Hiva khōpui inhmangna kha nihmu sik kae!”

MICAH 7:10

Khavakha kankadōi, “Rōngpu nan-Pathen khon mo ka-om jo?” tia ani kader kankadōi mama hei kha’n anhmu sik khana inzak sik jo hei. Hlam a bōnthlōk kapōa chōnnek a, tor a anka-om kha kanhmu sik hei.

NAHUM 1:8

Tuishâng kalen ahongtlen inhnak kapōa ama ka-en kadahei amanhmangsō hei; ama kadōihei kha thina apek heia kae.

HABAKKUK 2:16

Nangni kajana chen kanek a khava phuhlōna khan inzakna’n amakhu sik chei. Rōngpu khet in nangni karâkna kōklei kha asyempek sik chei, khana nangni kajana kha inzakna hongkachang sik jo.

ZEPHANIAH 2:8

Chunghnung Rōngpu’n ati, “Moab leh Ammon he’n kamihei inzak anpek heia êngset a antlona hei khana anram kha anhlō sik tia an-inlensakna kha ke’n kathei jo.

ZECHARIAH 1:14

ngeva khan Chunghnung Rōngpu ṭong ahrisōt kha kaphôngsōtna sik a amanthei jo eng: “Kei khōpui intheng, Jerusalem chunga lungset inhnaktak leh lungkhamna kanei,

ZECHARIAH 1:15

Jât-hlop hei kadai hngera leh kamōng tak a aka-om hei chunga kahnuk kana hêr. Ajârchu kamihei chunga kahnuk natna kha kakei male pha, khava jât-hei khan kamihei chunga inrengna kha anman hnakdet a kae.

ZECHARIAH 12:2

“Jerusalem kha ke’n vomhrui ju kōklei inkhat kapōa kasyem sik; akimvea ka-om jât he’n an-in sik khana vomhrui ju-inruihei kapōa anhek anhek a kalôn sik hei. Anmani’n Jerusalem ankatōm pha, Judah khōpui ralak-hei kha’m anhlōsō sik hei.

ZECHARIAH 14:2

Rōngpu’n phung tin jâttin rakip Jerusalem dōina re tlona sik a amantûp sik hei. Khōpui kha anhlō sik, innshunghei anchom sik hei, nuhmeihei kha ansetpui sik hei. Mipui harkhat rehringa ankei sik hei, khana a’nhleiseng chu khōpuia inphut keisōt mak hei ning.

ZECHARIAH 2:12

Judah hi vōi khat nôk aram intheng shunga Rōngpu karōipui lakachang sik, khana Jerusalem hi alungsetpen khōpui kachang sik.

ZECHARIAH 2:8

Nangni nankasukset hei kha kei hnenga mankatampen inkhat antasukset leh thakhat kae.” Achang jâra Chunghnung Rōngpu’n amihei kasuk inbōi jât-hei hneng hiva ṭong hi ava inthei sik a ahei tir eng:

DÂNRABU INHNINA 30:7

Hiva hâksêrna rakip hi nangni inter leh inchok, nan-inrepuihei chunga amalet mathlak sik,

ṬONGPHÔNG 13:10

Sur sik a ka-om mi kha sur nger sik kae; khan chu chemjâm vâng that sik a ka-om mi kha chemjâm vâng that nger sik kae. Hivahi Pathen mihei khan antaksenna leh andehratna sik arangei kae.”

SAMUEL INKHATNA 17:53

Israel he’n Philistihei kha anvahnongna inphut anhong inle pha, anrephōr hei kha anhei chom hei.