JEREMIAH 30:14 - LEKHARABU INTHENG (BSI)

¹⁴ Nan-inlungset he’n anmahngi jo chei, anmani’n adonmak jo hei. Ke’n nangni inrepuihei kapōa kabuhlu chei; nankarâkna kha inhnak ajârchu nansetnahei katam hranghra khana nanṭhat makna kalen hêr.

JEREMIAH 30:14 ပူးပေါင်းရင်းမြစ်များ

JOB LEKHARABU 16:9

Hnuknat jâra Pathen in kake rakō akeihler eng; khana mater tak a a-en eng.

JOB LEKHARABU 19:11

Pathen kha kachunga ahnuk kana, ahnuknat akhe hêr; ama’n kei hi a’nrepui akaṭhamakpen inkhat a alo jo eng.

JOB LEKHARABU 30:21

Nang in êng kasetak a nanitlo eng; naratha hratna rakip vâng nasuk manrim eng.

HLAHEI 107:17

Anmani ṭhahrep anset jâra kamohei, anṭhatmak jâra khōdeng anthei;

ISAIAH 57:13

Nangni’n inthōpuina sik a nanṭap pha, khava nanlimsyem hei khan huk chei rasoh! Thli kahrâng in atlensō sik hei! Tâk kei kataksenhei khachu ram a khan ka-om sik hei khana kabek-inn shunga ankamuk sik eng.”

JEREMIAH 14:17

Kamalung inrengna hi mi hnenga akahri sik a Rōngpu’n amanse enga ahri: “Sûn leh jân kahmit rathli lōng rasoh, kaṭana bângmak rasoh, ajârchu kamihei intôn hêr jo hei khana inhnaktak a natbi anrôn jo.

JEREMIAH 2:36

Nang in jât-hlop pathen nasora nabinga naman namantlôm a kae. Assyria tatlo che kapōa, Egypt inum malung tlâksamna ahongpek sik che.

JEREMIAH 22:20

Jerusalema mihei, Lebanona se una va-ông ruh, Bashan ram a se una vapeng ruh; Moab tlâng heia inphut behei ruh, ajârchu nansap changpui senghei kha hmaimôk anhmu joa kae.

JEREMIAH 22:22

Nanhlam kakeihei kha thli’n atlen sik jo hei, nangni leh nanta’nthlop pui hei kha rehringa ankei sik hei, nankhōpui kha hmaimôkna leh inzakna anpek sik, nangni’n akaṭhamak nanheitlo kara kae.

JEREMIAH 30:15

Nan-intônna jâra inphin mak ruh; nangni sik damna om mak jo. Ke’n hing’hin karâkna kapek chei kae, ajârchu nansetna katam hranghra khana nanṭhat makna kalen hêr.

JEREMIAH 32:29

khana hmeia anro sik. Anmani’n anro mankâng sik, innphu chunga Baal hnenga marim katui anroa khana pathen ralak-hei hneng ju tōkna anneia, mipui he’n kahnuk anmannatna jo innhei kha leh inṭhōia antaro manhmang sik hei kae.

JEREMIAH 32:30

Judah mihei leh Israel mihe’n anmani thuhming a’nphutbia inphut anṭōn tlona khan kamalung manhōi mak hei khana kahnuk anmannat a kae.

JEREMIAH 32:34

Anmani’n kei kamukna sik a antasak Bek-inn shunga khan anmani mater ka-om limsyemhei kha anda heia, anmanbōk joa kae.

JEREMIAH 32:35

Anmani’n Hinnom Phaichama Baal maichâm ansyem, Molech pathen hnenga ansapa leh ansanuhei inthoina tōkna sik a antlo. Hivahi antatlo sik a ke’n ṭong pek mak hei eng, hivahi antlona sik leh Judah mihei set tlona sik a kamalung kapha’m mandon mak eng.”

JEREMIAH 38:22

Khana khan Judah innpuia aka-om nuhmeihei ankhenga Babylon rengpa ṭōnkarônhei hneng antakei hei kha kahmu hei. Anmani’n ansepum a antahri ṭong kha rangei roh, ‘Rengpa ṭhōn kaṭhapen he’n ama kha hlam kalet a anṭhōi jo, achunga vai anrôn jo. Khana tûnchu akehei bōnthlōk shunga kahlut jo, ama kha aṭhōn he’n andahlon jo.’”

JEREMIAH 4:30

Jerusalem, nang inhmang jo che! Heisa mo pōnsen vâng ala’nret che? Heisa mo rangkachek vâng a’nret chea khana nahmit-hei nalamandum? Heite kahnemmak sik a nahme ṭhatna sik a inret che! Nalungset mihe’n enhnōm mak jo hei che khana anthat hnōm jo che.

JEREMIAH 44:22

Tûnlaitak hin nanram kha inhmanga ka-oma tûte om mak jo hei. Akaṭhamak omchen nantatlo kha Rōngpu’n a-en hnâm tor mak jo jâra, ram kha hmit-enna enngam timak jo khana mihe’n arahming kha inhâksêrna inkhat a anhmang joa kae.

JEREMIAH 5:5

Kei ratha kanei mihei hneng kase sik eng khana anmani leh inbek sik ung. Anmani’n an-Pathen tamadu kha, an-Rōngpu tamantlo hnōm hei kha anmanhret sik.” Tâk-kha ankhengpet in Rōngpu tlotorna kha donmak jo hei khana juihnōm mak hei.

JEREMIAH 5:6

Khava jâra ratua inphut shabakkai he’n anthat sik hei; nêrdiram a kahne he’n ahar-ahak a ankeihler sik hei, rûtnu’n ankhōpuihei anhlō sik hei. Khava mihei khan ansōksōt inchu anmani ankeihler sik hei ajârchu ansetna katam hêr jo khana ave-avea Pathena inphut inhesōt heia kae.

JEREMIAH 50:42

Anmani’n ansai leh chemjâm an-inhrut; anmani lungsetna kase leh êngkase hei kae. Anshakorhei anchōng pha, anmani rasa tuipui in-nông ka-ang. Anmani Babylon kadōia re kasō sik intluk hei.

JEREMIAH 6:23

Anmani anthe leh anchem anmatu jo; anmani an-êng kase, lungsetna neimak hei. Anmani anshakorhei anchōng pha, tuipui kapōa inhrung hei. Anmani Jerusalem re kasō sik a intluk jo hei.”

ṬAJAISUINA 1:19

“Kei inthloppui hei kabek hei, tâk-kha abôm hnōm mak hei. Thempuhei leh hlamkakeihei khōpui hlam a kathihei, Anhringna sik a bu kajonga anselai khan.

ṬAJAISUINA 1:2

Jân kathang ṭajai asui; akabeng heia ahmit rathli kalōng. Hmalaia aṭhōn rakip hei kâra, inkhatbek in amanu mathlem mak. amanu inthloppui he’n ama anhōn jo khana tunchu ankhenga ama andōi jo.

ṬAJAISUINA 2:1

Rōngpu’n ahnuknat jâra Jerusalem kha inthim in amakhu Khava marvân kapōa alûrna kha amanhmang jo. Ahnuknat ning khan a-Bek-inn kapha’m adahlon jo.

EZEKIEL 23:22

“Khava jâra tûnchu, Oholiba, hivahi Chunghnung Rōngpu ke’n nahnenga kahri kae. Nang khava nalungset hei kha narin jo hei, tâk nachunga anmani hnuk natna kamannei sik hei khana nang kakekhumna sik kaheiṭhōi sik hei.

EZEKIEL 23:9

Khava jâra ama’n amaduhêr Assyria alungset hei kut chunga kapek sōt jo.

DANIEL 9:11

Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

DANIEL 9:13

Moses Dân a ale’nzet karâkna rakip hei kha napek jo ung. Tâk tûn katlunga’m O Rōngpu kan-Pathen, kansetna heia inphut inhesōtna a-emak leh nadikna juia namalung mantlaina sik latlomak ung.

DANIEL 9:5

“Keini’n setna kantlo jo, keini ṭhamak jo ung, keini akadik mak kantlo jo. Nang in tlo ruh nati kha tlomak jo ung, khana akadik namanhmu ung kha kandahlon jo.

HOSEA 5:14

Judah leh Israelhei chunga shabakkai kapōa kabuhlu sik hei. Kei khet in anhar anhak a kakeihler heia kadahlon sik hei. Ke’n kakeisôn hei pha tûte’num huk tor mak hei ning.

OBADIAH 1:7

Nasap changpui he’n anhōn jo che; narama inphut anhnongsōt jo che. Kamōnga nanta-ompui mihei khan naram anlopek jo che. Bu nasâkpui naṭhōn he’n châng ankampek jo che; anmani’n, ‘Asing athemna seng kha khon mo ka-om jo?’ anti che.