JEREMIAH 30:12 - LEKHARABU INTHENG (BSI)

¹² Rōngpu’n amihei hneng ahri, “Nankôkna bi kha damthei mak ning, nan-intônna bi kha dam tor mak ning.

JEREMIAH 30:12 ပူးပေါင်းရင်းမြစ်များ

THUHMINGHEI INHNINA 36:16

Tâk-kha anmani’n Pathen ṭongkarônhei kha sem manlona annei heia anṭonghri donpek mak hei khana asânkathemhei kha anmanuisō pek hei, khana achaina amihei chunga Rōngpu hnuk natna kha inhnak hêr joa inkhatbek tlânsōt tor mak jo hei.

JEREMIAH 14:17

Kamalung inrengna hi mi hnenga akahri sik a Rōngpu’n amanse enga ahri: “Sûn leh jân kahmit rathli lōng rasoh, kaṭana bângmak rasoh, ajârchu kamihei intôn hêr jo hei khana inhnaktak a natbi anrôn jo.

JEREMIAH 14:19

Rōngpu, Judah hi pui katluk a nahlon sōt jo mo? Zion mihei hi namater jo hei mo? Keini kandam tor makna sik hrep a heisik a mo sungbi namanrôn ung? Keini’n mōngna sik kan-en, tâk heite akaṭha sōk mak; keini’n damna sik a inhōr ung, khava nek a, ṭitna jôk kahong.

JEREMIAH 15:18

Heijâra mo a’nreng ṭhak eng? Heisik a mo ka’ntônna bi akadam theimak? Heisa mo kanatbi akadam mak sik hei? Khō kanglaia kavadung akachâr kapōa ka’nhōrna atlangna sik narei eng mo?”

JEREMIAH 30:15

Nan-intônna jâra inphin mak ruh; nangni sik damna om mak jo. Ke’n hing’hin karâkna kapek chei kae, ajârchu nansetna katam hranghra khana nanṭhat makna kalen hêr.

JEREMIAH 6:7

Tuikhur in atui kha insimrenga ada kapōa, Jerusalem in aṭhatmak kha adaṭhak. Khōpui shunga innâk-inse, suksetna hei kha katheihei; natna leh intônna bi kahmu hei.

JEREMIAH 8:22

Gilead a hlei leh ai om mak mo? Khana khan thempu om mak hei mo? Khan chu, heisa mo kamihei akadam mak jo hei?

ṬAJAISUINA 2:13

O Jerusalem, lungset Jerusalem, ke’n heimo kahritor aka-om? Heikhonga mo lungmōng kathlâktor sik che? Hiva kapōa tûte inkhat khōdengthei lade mak Nang châmna hichu tui-ôngpui kapō abângna kase kae; hinahin inhōrna thei om mak jo.

EZEKIEL 37:11

Pathen in kahnenga ati, “Akathithei mihring, Israel mihei hi hiva ru kapō hei kae. Anmani’n kachârsō jo ung, hnunga sik a inhōrna om mak jo, anti.

HOSEA 5:13

“Israel in khangtuk hrep a atak damlo kha ahmu pha khana Judah’n a’ntônna bi ahmu pha, Israel in Assyria rengkalen hneng inthōpuina kader sik a vakasea kae, tâk ama’n annat leh an-intônna bi kha mandam tor mak a kae.

MICAH 1:9

Samaria natna bi dam tor mak ning, khana Judah’n khava kapōa khōdeng theina aratō sik; insuksetna khan kamihei omna, Jerusalem kekot a hong katlung jo.”

NAHUM 3:19

Nanat intônbi mandamna sik om mak, nakôkna bi kha dam tor mak jo. Nang sukkhōina ṭong akathei rakip in inpâk a ankut ankaben. Abângna kase narahe-setna inphut tu mo inkhat a’nphesōt jo aka-om mo?