JEREMIAH 30:10 - LEKHARABU INTHENG (BSI)

¹⁰ “Kamihei, ṭimak ruh; Israel mihei, inpir mak ruh. Khava ram kahlatak a inphut kurkhum a nan-omna inphut kahuksōt sik chei. Nangni inna hong inle sik cheia kha kamōnga ka-om sik chei; nangni inhuk sik chei tûte’n maṭhitmak chei ning.

JEREMIAH 30:10 ပူးပေါင်းရင်းမြစ်များ

A’NPHUTNA 15:1

Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”

ISAIAH 14:3

Rōngpu’n Israelhei kha inreng khōdeng theia inphut a leh rumhrat tak a ṭōn inhnak mantlona heia inphut khan amanhnga sik hei.

ISAIAH 35:9

Shakahrâng inti’n khava hlam kha rakan theimak ning, shabakkai khava hlam a om mak ning. Rōngpu’n ahuk manhring jo hei rōk khan An-inn jōnna khava hlam kha antahro sik kae.

ISAIAH 43:5

Ṭimak roh, ke’n ka-ompui che! “Nisō leh tlaitlâk tinga hmun kahla pena inphut, ke’n namihei inna kaheiṭhōi sik hei.

ISAIAH 44:1

Rōngpu’n ati, “Tûn rangei roh, kasōk, Israel, kakadeisōt mipui, Jacob sōn leh pârhei.

ISAIAH 44:2

Kei nankasyem Rōngpu eng kha kae; na’ntet bia inphut, ke’n ka’nṭangpui che kae. Ṭimak roh; nang kasōk che kae, kalungset a kakadeisōt mipui che kae.

ISAIAH 46:11

Ke’n nisōtinga mi inkhat ahongna sik kabek; ama kha hmukhai kapōa hong kajōng inthla sik khana kamantlukna kha ama’n pui amathluk sik. Ke’n kahri jo, kha a’ntlosōt sik kae.

ISAIAH 46:13

Ke’n retorna kani kha kahnaitek a kahei rôn sōt sik khavakha akahlatak a ka-om chang hêrmak. Kei retorna kha in-êng mak ning. Ke’n Jerusalem kahuk sik khana khan Israel kajana kahong rôn manhlut sik.”

ISAIAH 49:12

Kamihei kha ram kahlatak a inphut kahong sik hei sak ting leh tlaitlâk a inphut, khana thlang tinga Aswan ram a inphut kahong sik hei.”

ISAIAH 49:25

Rōngpu’n amasôn, “Khavakha ahong kasōk khet sik kha kae. Sepeihei khum mihei kha losōt sik hei kae, khana êngkase nei kachom hei kha sur sik hei kae. Nang kadōi rakip hei kha ke’n kadōi sik hei, khana nasahei kha kahuksōt sik hei.’

ISAIAH 54:4

Ṭimak roh, nang avea inzakna inpek mak jo tin. nang sukmanhnema inda mak jo tin che. Nang in nuhngâk hmōither laia taksenthei nachang makna, khana nang in renghmeinu inkhat a binga na’nvaina kha namahngi sik jo.

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 23:4

Anmani ka-ensui sik vaikarôn kakadei pek sik hei. Kamihei kha ṭit leh inpirna neimak jo hei ning, khana avea karâkna pemak jo hei ning. Rōngpu ke’n kahri jo kae.”

JEREMIAH 23:6

Ama rengchang pha, Judah mihei kha inhuk sik hei, Israel mihei kha kamōng tak a ka-om sik hei. Ama kha ‘Eini Huk manhringna Rōngpu’ inti sik.

JEREMIAH 23:8

Khava kanek a, anmani’n sak ting ram a leh kalei manchek chaina ram ralak rakip a inphut Israel mihei anhei kaṭhōisōt akahring Pathen tia karahminga intep sik jo hei. Khava sō leh anmani’n anrama ka-om sik jo hei.”

JEREMIAH 29:11

Nangni sik a kei mantlukna, inrengna sik changloa khangsōtna sik ṭōnmantluk khana hnunga sik nan-inhōrna mantlukna hei kha kei rōk in kamanhret.

JEREMIAH 29:14

Ôk, ke’n kahri kae, nangni’n nanhmu sik eng, khana ke’n nanrama kaman om nôk sik chei. Ke’n kahnong manchekna chei ram leh hmun rakip a inphut kakhôm manchun sik chei, khana ke’n nangni katirsōtna ramheia inphut kaheiṭhōi male nôk sik chei. Rōngpu, ke’n kahri jo kae.’

JEREMIAH 3:18

Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 30:7

Ṭit ka-om tak kani kha kahong jo; kani ralak leh tekâkthei changmak kamihei sik a inrengna pha kha kae, tâk-kha anmani kahring sik hei.”

JEREMIAH 33:16

Judah leh Jerusalem hei kha ahuksōt sik hei, inhuk a ka-om sik hei. Khōpui kha, ‘Eini Hukmanhringna Rōngpu,’ inti sik.

EZEKIEL 16:52

Tûnchu nang in inzakna kha nade sik jo kae. Nasetna kha nasōpuihei kanek a ṭhachet mak jo khana nang kanek a chu ṭhena kaneimak ka-ang jo hei. Tûnchu na’nzakna kha inlâr senga rôn jo roh, ajârchu nang in nasōpuihei kha a’nthengseng naman-ang jo heia kae.”

EZEKIEL 38:11

Mipui he’n kamōnga inhrungtak a an-omna ram, khava inthōpui kase ram leh inhrungna kase kur a’nkhârmak khōpuihei chunga khan re tlona sik a intluk sik che.

DANIEL 12:1

Pōn innem kasi ngeva khan ahri, “Khava pha nami kahngâk ngeva kalen Michael, he’nlâr sik. Khava sōa jât he’n anhei ombia inphut akaṭhamak tak omchen, inrengna pha kha kahong sik. Khavakha ahong pha, Pathen lekha shunga a’nzet najât mi rakip huk sik hei kae.

HOSEA 2:18

Khava pha kamihei suksetna annei makna sik a, ke’n ramsha leh va rakip kha ṭong intepna inkhat kaneipui sik hei. Khan nôk chu re hmangchâk rakip, chemjâm, the leh sai ram a inphut kalosōt sik, khana kamihei kha malung kamōnga kahōia ka-om sik jo hei.

HOSEA 2:20

Kaṭong tepna kajui sik, kata kamanchang sik che, nang in Rōngpu tia nahnōm sik eng.

HOSEA 6:11

“Khana Judah mi nangni sik a chu, nanṭōn tlona leh nangnihei chunga karâkna sik pha katep jo.

JOEL 2:21

“Rōngpu’n nangni sik atlopek chei jâra khan hleipuk-hei, ṭitmak ruh tâk-kha inpâk ruh, tlai ruh.

MICAH 4:9

Heisik a mo khangtuk rasa inshângtak a akaṭap che? Nuhmei naiha kaphu kapōa hei sik a mo natna nade? Reng naneimak jâra mo, khana nang mansena kaneihei anthisō jâra mo khanga natlo?

ZECHARIAH 3:10

Khava kani kha ajōng pha, nanvomhrui rahōn leh theichangkung in akekhumna hmun a, nankhō ven hei anhonga mōngna leh inhukna anchenna sik nangni inkhat et in nanbek sik jo hei.”

JOHN 12:15

“Zion khōpui, ṭimak roh! Tûn nanrengpa kha shakōrtung inkhat chunga kachōnga, nahnengting kajōnga kae,”