JEREMIAH 3:9 - LEKHARABU INTHENG (BSI)

⁹ khana heite inkhat inzak mak a kae. Amanu’n ram kha amanbōk jo, thing leh hlung akamuk a mikajông kachang jo.

JEREMIAH 3:9 ပူးပေါင်းရင်းမြစ်များ

ISAIAH 57:3

Nangni mikaset-hei, nanṭong tanna sik a hong ruh! Nangni dôi kachoi, mikajông leh notinu kanek a akaṭha changmak chei.

ISAIAH 57:6

Nangni’n khana inphut hlung inne hei nanhrut a pathena nankamuk hei. Anhnenga inthoina ju nansun khum khan sachi hmuchi inthoina nanheichoia kae. Hihei seng chunga hin kamalung katlai sik tia nantamandon mo?

JEREMIAH 10:8

Ankhenga kamohei khana invet hei. Thinga lim syem heia inphut anmani’n heimo themna antahmu sik?

JEREMIAH 16:18

Ke’n ansetna leh anṭhatmakna jâra chen inhnia karâkna kapek sik hei, ajârchu karamshung hi akahringmak jo taksa kalōng kapō, anlimsyem hei khan anmanbōk jo khana akadik mak an-pathenhei kha anmansipsō jo.”

JEREMIAH 2:27

Thingkung kha kanpa khana hlungpui kha kannu kati nankhenga inzak nanratō sik. Hivahi hong kasōk sik ajârchu kei hnenga nanhong inhe sik kanek a keia inphut katlânsōt jo cheia kae. Tâk-kha khōdengthei nanratō pha leh chu kei hi kahong leh kahukna sik cheia nanbek enga kae.

JEREMIAH 2:7

Neinâk kaṭha ralak leh theikara kahōia ansâkna sik a, ram thai omna hmun a anmani kahong ṭhōi hei. Tâk anmani’n karam kha anmanhmang jo, kapek hei ram kha anmanbōk jo.

JEREMIAH 3:2

Hmebung chung heia enroh. Notinu kapōa nachôn makna hmun aka-om mo? Arab he’n nêrdiram a mi that sik a antahlō hei kapōa nang in hlamlen dunga nalungset hei kha nahngâk hei. Na-noti changna khan ram kha namanbōk a kae.

EZEKIEL 16:17

Ke’n kapek che sana dangkahei kha nalosōt a pase lim nasyema khavahei kha leh kajông ri chea kae.

EZEKIEL 23:10

Anmani’n apōnsi anlosōt pek a asanu asapahei ansur pek hei, khava sō leh chemjâm vânga amanu anthat. Amanu mahâmsetna ṭong hmuntina nuhmei he’n houlim tlona annei.

EZEKIEL 23:21

(Oholiba, Egypt ram a nuhngâkte inkhat nachanglai jông leh kîk natloa naṭhena hei, khana khan pase he’n nane indeina anneia na-inthengna namanhmang kha tlo nôk sik a namadu jo.)

EZEKIEL 23:3

Anmani nuhngâk anchang lai, Egypt ram a ka-om hei, annuhngâk inthengna kha inhmang jo hei, noti hongkachang jo hei.

HOSEA 2:2

Kasahei, ama kanuhmei achangmak jo’num, khana kei apuise kachangmak jo’num, nannu kha hripek ruh. Ajôngna leh anoti changna kha abângna sik jôr ruh.

HOSEA 4:12

Anmani’n thinghar inkhat a inphut ṭong phôngna kha anngek a kae. Sung inkhat in antamanhret hnōm kha ahri pek hei! Anmani’n andahlon jo eng. Noti kachang jo nuhmei inkhat kapōa, pathen ralak hnenga inpek sōt jo hei.

JOEL 1:19

Rōngpu nahnenga kaṭap eng, ajârchu hmei in akângsō hei kapōa thingkung leh phihei kachârsō jo hei.

HABAKKUK 2:19

Nangni inhmang jo chei! Nangni’n thinghar inkhat hneng nanhri, “Thōi jo roh!” achangmak leh hlungtlang inkhat hnenga nanhri, “Thōi jo roh!” Kut a limsyem in nangni heimo amanthei tor sik chei? Sana leh dangka vâng ankatōm tlit thei, tâk akahring rathla kha neimak.

MATTHEW 5:32

Tâk tûnchu ke’n kahri pek chei kae: jông leh kîk jâra tei loa, mi inkhat in anuhmei a’nṭhenpui inchu, khana amanu khan puise ther anei inchu, amanu kha amapa’n amanjông jo kae; khana amanu ka-ompui mipa kha’m akajông jo kae.