JEREMIAH 3:7 - LEKHARABU INTHENG (BSI)

⁷ Ama’n khaseng atlosōa, kahnenga hong inle nger sik tia kaleimandon. Tâk-kha ama hong inlemak, khana taksenthei kachangmak anainu Judah um khava seng kha aleihmu.

JEREMIAH 3:7 ပူးပေါင်းရင်းမြစ်များ

THUHMINGHEI INHNINA 17:4

Ama’n apa Pathen kha arazen, Pathen ṭongpek kha ajui, khana Israel renghei kapōa ṭōn kaṭhamak tlomak a kae.

JEREMIAH 12:1

“Rōngpu, kachunga ṭong kasōk hi nahnenga kahei rôn sōt inchu nang in akadik kha namanchên sik. Kha’num, ṭongdik chungchânga ṭong kader hi sik che. Heisa mo malung kaṭhamak he’n hingtuk hrep a akahao hei? Heijâra mo malung intheng mak he’n chung sōkna antanei tor?

JEREMIAH 33:24

“Ke’n kakadei innshung 2, Judah leh Israel kahlonsōtna hei ṭong mihe’n antahri kha namanhret jo mo? Khava jâra anmani’n kamihei hi hnōi anse heia, jât inkhat hei kae tia mandon mak jo hei.

JEREMIAH 5:11

Judah leh Israel mihe’n kei anhōn cher jo eng. Rōngpu ke’n kahri jo kae.”

EZEKIEL 16:46

“Na-unu kha sak tinga ka-om Samaria leh akhōhei hi kae. Nanainu kha thlâng tinga ka-om Sodom leh akhōhei hi kae.

EZEKIEL 16:47

Anmani chônna kha kajui sik a leh mater ka-om anṭōntlo majôm sik a akatlai che mo? Changmak, naṭōntlo rakip a, pha bongkhat shunga anmani kanek a akaṭhamak chet omchen atlo jo.

HOSEA 11:7

Anmani’n keia inphut sesōt sik a antloṭhak a kae. Anrîngke rôn jâra kaṭap a ka-ông sik hei, tâk tûte’n kadomsōt pek mak hei ning.

HOSEA 14:1

Israel mihei, Rōngpu nan-Pathen hneng hong inle ruh. Nanset na’n amanpai cheia amantlû jo chei.

AMOS 4:8

Dangchâra kachâm sik hei, khōpui katamtak a mihe’n tui kajonga khōpui inkhat a vakase sik hei, tâk khava khan tui in sik katluk a om mak. Khava katlunga’m kahnenga hong inlemak chei.

MALACHI 2:11

Judah he’n Pathen hnenga anṭong tepna anmakhōi jo khana Jerusalem leh ram pumpuia ṭit ka-om ṭōn antlo jo. Rōngpu talungset Bek-inn kha anmanchok jo. Pase he’n ram hlop pathen inmuk nuhmei anlo jo hei.