JEREMIAH 3:25 - LEKHARABU INTHENG (BSI)

²⁵ Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 3:25 ပူးပေါင်းရင်းမြစ်များ

HLAHEI 106:6

Kanpu kanpahei taleitlo kapōa keini’n setna kantlo jo; keini akadik mak leh akaṭhamak leikachang jo ung.

HLAHEI 106:7

Egypt a kanpu kanpa he’n Pathen ṭōn leitlo inlak kha leimanhret mak jo hei; hmun katamtak a alungsetna aleimanhmu hei kha anleimahngi jo, khana Tuipui Kasen a khan Akahratpen kha anleidōi jo.

HLAHEI 109:29

Kei inrepuihei kha inzakna’n makhu hei rasoh; inzakna kha zakkō kapōa inhak hei rasoh.

ṬONGCHÎK-HEI 13:18

Themna sik a’nchûmak he’n sara kachang sik hei khana hmaimôkna anchen sik. Mi mansena inngei hei khan kajana anchen sik.

ṬONGCHÎK-HEI 5:13

Ka-ojahei mantheina leirangei mak eng. Anhnenga kamalung leihlut mak.

ISAIAH 48:8

Nangni taksenthei changmak chei, ti chu nangni ahei tik a khemaṭang kase chei kae ti hi kamanhret chei. Khava jâra nangni’n hivahei seng hi lathei phungmak chei, khava jâra khava ṭong inkhatbek nankōr tathei sik a hongmak a kae.

ISAIAH 50:11

Nangni milak inhmangna sik ṭōn intluk rakip nanta mantluktak khan amanhmang sik chei. Rōngpu amatak in hivahi amasō sik kae; nangni vângset inhnaktak n antaratō sik kae.

JEREMIAH 11:13

Judah mihe’n khōpui antanei kapō jahrep a pathen annei heia kae, khana Jerusalema aka-om mihe’n khōpui shunga hlamdung aka-om jahrep a mater ka-om Baal pathen hnenga inthoina sik a maichâm ansyemsōt a kae.

JEREMIAH 12:13

Kami he’n gehu anvor, tâk-kha kahar rōk anlōk. ṭōn inhnaktak a antlo, tâk-kha heite hmumak hei. Kahnuk anat rei jâra, anhmuchi inramak a kae.”

JEREMIAH 14:20

Rōngpu, nang kadōia setna kantlo jo, kansetna hei leh kanpu kanpahei setna kha insir jo ung.

JEREMIAH 14:7

Kamihei kahnenga kaṭap hei, ‘Kansetna he’n amanṭhe unga achang inum, naṭong tepna kapōa, a’nthōpui roh. Keini pha katamtak nanga inphut katlânsōt jo ung, nang kadōia setna kanleitlo jo.

JEREMIAH 2:17

Israel, nabinga hivahi namasō kae Ke’n hlamdunga kaṭhōi chelai, Rōngpu na-Pathen kei hi nang in nadahlon enga kae.

JEREMIAH 2:19

Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 2:2

Jerusalema ka-om mi rakip hnenga hiva ṭong hi vaphôngsōtna sik a amanthei eng. “Ke’n kamandonsōt, nakhangdông changlai heituk-hrep a taksenthei aleikachang che mo, niluhông bilai khan chu heituk-hrep a nalungset eng mo; Nêrdiram a, heite kekmakna ram a khan naleijui eng.

JEREMIAH 2:26

Rōngpu’n ati, “Inru ansur pha leh inzak aratō kapōhrep a Israel mi pumpui nankhenga nanreng hei, nanṭōn katlohei, nanthempu hei, khana sânkathemhei inzakna nanratō sik a kae.

JEREMIAH 20:18

Heisik a mo kei ale’nte eng? Khōdengthei leh inreng kade sik hrep a, hmaimôk chenpuma hringkhō akachai hrep sik enga mo?

JEREMIAH 22:21

Nangni’n nanhōilai Rōngpu’n nanhnenga aleihri jo, tâk-kha nangni’n leirangei mak chei. Nanhringkhō seia nanṭōn tlo kha khavakha kae; nangni’n ahei tik a’m Rōngpu ṭong kha juimak jo tin chei.

JEREMIAH 3:13

Nang in naṭhe jo khana Rōngpu na-Pathen navadōi jo ti rōk kha hnōm roh. Thingbur in-êm rakip thōia pathen hlop hei hneng nalungsetna kha napek jo hei khana kei ṭongpek juimak jo che ti hi hrisōt roh. Rōngpu ke’n kahri jo kae.

JEREMIAH 31:19

Keini nanga inphut a le’nhesōt jo ung, tâk-kha inrangtak a he’nle hnōm jo ung. Nang in karâkna napek sō jo ung pha, kanmalung inrima kanlu kanmankun. Keini hnōise kanchen, inzak ung ajârchu kansinlai khan leikaset jo unga kae.’

JEREMIAH 6:26

Rōngpu’n amihei hneng ahri, “Borapōn insi una ravut chunga inkhōn ruh. Sapa sangkhat thina chunga malung kana tak a ṭap kapōa ṭap ruh, ajârchu nankasuk inhmang sik a akajōng inkhat khan manhret manloa abuhlu sik chei.

JEREMIAH 7:19

Tâk-kha kei rōk malung natna akachang mo? Changmak, anmani anbinga malung natna leh anbinga inzakna kha anta heichoisōt kae.

JEREMIAH 8:14

Pathen mihe’n ander, “Heisik a mo tûn katlung ala’n ong me? Hong ruh, khōpui kur a’ntuk khuma son tlân rih, sona son vathi rih.” Rōngpu ni-Pathen in eini akathi sik a maset apek jo me kae, eini’n adōina setna nitlo jâra, thina sik a, in sik a tûr apek jo me kae.

JEREMIAH 9:18

Mipui he’n anti, “Kanhmit hi hmit rathli’n asipmak kârseng, kanhmit vun hi kanṭap na’n achormak kârseng, ṭajai suina hla inranga anhong sakna sik a manthei hei roh.”

ṬAJAISUINA 5:16

Kan-inlensak theina rakip inkhatbek om mak jo. Keini’n setna kantlo jo khana tunchu inhmang jo ung.

ṬAJAISUINA 5:7

Kanpu kapa he’n setna anleitlo, tâk tunchu kathisō jo hei, anmani set leitlona jâra keini kachâm ung.

EZEKIEL 2:3

“Akathithei mihring, ke’n nang Israel mihei hneng katir sik che kae. Anmani anpu anpahei kapōa, kei kadōi leh kachunga rahe kasehei khana tûn katlunga ani kadōihei kae.

EZEKIEL 36:32

Israel, hivahi namanhret sik a kamadu che, ke’n hihei seng katlona hi nang jâra changmak. Nang in naleitlo inzakna leh hmesetna kha namanhret sik a kamadu. Chunghnung Rōngpu ke’n kahri jo kae.

EZEKIEL 44:13

Anmani’n thempu changa arazen mak jo hei ning a-emak leh kei neinâk intheng inkhatbek hnenga a-emak leh Hmun Inthengpena khan hlutthei mak hei ning. Hivahi anmani’n mater ka-om ṭōn antlo jâra karâkna kha kae.

EZEKIEL 7:18

Borapōn invon sik hei khana ahei tik a antaksa innok sik hei. Anlu anvo sik, khana ankhengpet a hmaimôkna anchen sik.

DANIEL 12:2

Aleikathi hei kâra mi katamtak kahring nôk sik hei, khana ṭhahrep chu kumleikōa hmaimôkna kha anchen sik jo.

HOSEA 9:10

Rōngpu’n ahri, “Ke’n hmapena Israelhei kahmu sōt hei pha, nêrdiram a vomhrui kahmông a’nhmusōt ka-ang. Ke’n nanpu-nanpahei ahma inkeia kahmu hei pha, kum a ahma kakei theichang kahmin hmusōt ka-ang heia kae. Tâk-kha anmani Peor Tlânga anhongtlung pha chu, Baal kamuk anphut jo, inrangtak a an-pathen kapōa mater ka-om jo hei.

ZEPHANIAH 1:17

Rōngpu’n ati, “Khava kapō insuksetna kha mihringhei chunga kahei rôn sik, khachu mi rakip in hmitkachohei kapōa ankahmeia kalôn sik hei. Anmani kei dōina setna antlo jo, tûnchu anthisen tui nibun kapōa inbun sik khana ankathi kalōng raleia kaṭop sik.”

ROMANHEI 6:21

Nangni tuna nanta’n zakpui omchen nanta leitlo hei khana inphut akaṭha heimo nantachen aka-om jo? Khavahei tarôn sōt khachu thina kae.

ṬONGKATANHEI 2:2

Hiva ram a ka-om mihei leh intepna heite inkhatbek nantanei mak sik kae. Anmani maichâm nantasuk manhmang sik kae.’ Tâk nangni’n kaman theina kha tlomak chei. Akalet rōk nantloa kae.