JEREMIAH 3:22 - LEKHARABU INTHENG (BSI)

²² Rōngpua inphut a’nhesōt hei nangni seng hong inle ruh; ama’n nangni amandam sik chei khana taksenthei amanchang sik chei. Nangni’n nanhri, “Ôk keini Rōngpu hneng kahong sik ung, ajârchu ama kan-Pathen kae.”

JEREMIAH 3:22 ပူးပေါင်းရင်းမြစ်များ

HLAHEI HLA 1:4

Kei hi aṭhōi jo roh, tlânsōt jo rih; karengpa kha chang ina na-inn den shunga aṭhōi manhlut jo roh. Eini 2 kahōisap sik me, katluk a ju ni-in sik, khana inlungsetna inlertak a ka-om sik me. Nuhmei rakip in nang anmadu che, inlak sakna sik om mak!

ISAIAH 1:2

Rōngpu’n ahri, “Marvân leh ralei in, heimo kahri hi rangei ruh! Ke’n kaheivei naipang he’n kei dōina an-inrepui eng.

ISAIAH 27:8

Rōngpu’n amipuihei kha miram a aleitirsōt hei. Ama’n nisōtinga thlipui inhnak alei mantlen hei.

ISAIAH 31:6

Rōngpu’n ahri, “Israel mihei, nangni kei kadōia setna nantlo khana nanmakhe eng. Tâk-kha tûnchu, kahnenga he’nle jo ruh!

ISAIAH 57:17

Kei, anmani setna leh anphâmhrai set jâra anchunga kahnuk leikana, khava jâra ke’n karâkna kapek heia kaleidahlon jo hei. Kha’num anmani anracham kasea antamadudu antloṭhak a kae.

JEREMIAH 3:12

Israel hneng vasea ṭong vahrina sik a amanthei eng, “Taksenthei kachangmak Israel, kahnenga hong inle roh. Kei lungset kathem eng, kahnuknatmak ning. Nachunga kahnuk mannat ṭhak mak ning.

JEREMIAH 30:17

Ke’n ṭhatchômna kamannei nôk sik chei; nankôkna bi kaman dam sik, nankadōi he’n, ‘Zion hi hnongsōt jo kae, tûte’num donmak jo hei,’ anti’num leiti hei rasoh. Rōngpu ke’n kahri jo kae.”

JEREMIAH 31:18

“Israel mihe’n malung inrimtak a antahri kha ke’n kathei, Rōngpu, keini hi antalâk manhnem mak ranhring kapō kachang ung, tâk-kha ṭongpek jui sik kha namanthei ung. Aṭhōi male roh; Rōngpu kan-Pathen nahnenga jōng inle sik a intluk ung.

JEREMIAH 33:6

Achang inum hiva khōpui leh amihei hi kaman dam sik hei khana antaksa kalamanṭhat nôk sik hei. Anhnenga lung mōngna leh inhukna katluk a kalamanhmu sik hei.

JEREMIAH 4:1

Rōngpu’n ahri, “Israel mipuihei, nanhong inle hnōm inchu kahnenga hong inle jo ruh. Kahnenga taksenthei nanchang inchu ke’n kamater limhei kha hlonsōt hei ruh,

EZEKIEL 18:30

“Tûnchu, Chunghnung Rōngpu ke’n Israel nangni hnenga kamanthei chei khachu nanṭōn tlo dungjuia nangni inkha-khat chunga ke’n ṭong katan sik. Nanṭōnse tlona rakip a inhesōt ruh, khana nansetna khan suk manhmang mak chei rasoh.

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

HOSEA 13:4

Rōngpu’n ati, “Egypt a inphut nahong kaṭhōisōt Rōngpu na-Pathen kha kei eng kae. Kei tei loa Pathen lak neimak che. Nang kahuk chu kei rōk eng kae.

HOSEA 14:1

Israel mihei, Rōngpu nan-Pathen hneng hong inle ruh. Nanset na’n amanpai cheia amantlû jo chei.

HOSEA 14:4

Rōngpu’n ati, “Kamihei kahnenga kaheiṭhōi male sik hei. Kamalung pumpuia kalungset sik hei; anchunga kahnuk natnôk mak jo ning;

HOSEA 14:5

Israelhei hnenga kei hi ram chârna khōtui kapō kachang sik eng. Anmani reipâr kapōa kapâr sik hei; anrajung kahnet a anthō sik Lebanona thingkunghei kapōa.

HOSEA 14:8

Israel mihei khan limhei kha heite manlomak jo hei ning; Anderna kamasôn sik hei khana kahrung sik jo hei; Thingbō in-êm ṭhak kapōa in-ungna kapek sik hei; Kei anmani mahâmṭhat rakip heikōnna eng kae.”

HOSEA 3:5

Tâk-kha Israel mihe’n Rōngpu an-Pathen hneng, anrengpa David sōn hnenga avea anhei inhena pha kha anlanei sik. Khava pha Rōngpu kha anṭit sik jo,

JOEL 2:12

Tâk Rōngpu’n ahri, “Buhngōi, ṭap leh ṭajai sui pum a, malung inthengtak a nanmalung thleng ruh.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”