JEREMIAH 3:18 - LEKHARABU INTHENG (BSI)

¹⁸ Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

JEREMIAH 3:18 ပူးပေါင်းရင်းမြစ်များ

A’NPHUTNA 12:7

Khana khan Rōngpu kha jōng inlâra Abram hneng, “Hiva ram hi ke’n natu-nasahei kapek sik ram kha kae,” ati. Khava pha Abram in ajōng inlâr Rōngpu hneng maichâm inkhat asyempek joa kae.

ISAIAH 43:5

Ṭimak roh, ke’n ka-ompui che! “Nisō leh tlaitlâk tinga hmun kahla pena inphut, ke’n namihei inna kaheiṭhōi sik hei.

ISAIAH 43:6

Anmani anhei manhongna sik a ke’n sak intong hneng kahri sik khana kamihei ankhâm makna sik thlâng hnenga kahri sik. Ram kahlatak heia inphut kamihei he’nle hei rasoh, ralei rakir rakip a inphut he’nle hei rasoh.

JEREMIAH 16:15

Khava kanek a, sak ting ram a inphut a leh kalei kathek manchaina ram rakip heia inphut Israel mipuihei anhei kaṭhōisōt akahring Pathen, kei panna anmani ṭong intep sik jo hei. Ke’n anpu anpahei kaleipek jo anrama hin kaheiṭhōi male nôk sik hei. Rōngpu ke’n kahri jo kae.”

JEREMIAH 23:8

Khava kanek a, anmani’n sak ting ram a leh kalei manchek chaina ram ralak rakip a inphut Israel mihei anhei kaṭhōisōt akahring Pathen tia karahminga intep sik jo hei. Khava sō leh anmani’n anrama ka-om sik jo hei.”

JEREMIAH 3:12

Israel hneng vasea ṭong vahrina sik a amanthei eng, “Taksenthei kachangmak Israel, kahnenga hong inle roh. Kei lungset kathem eng, kahnuknatmak ning. Nachunga kahnuk mannat ṭhak mak ning.

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 31:8

Ke’n anmani sak tinga inphut kaheiṭhōi sik hei ralei inchaina heia inphut kamantûp sik hei. Hmitkacho leh ke katlek hei leh kahongsap sik hei, chung kahrik hei leh nai kanei sik jo he’m kahong sik hei. Anmani jât kalentak inkhat a he’nle sik hei.

JEREMIAH 50:20

Khava pha kha ahong pha, Israel shunga setna inti inhmu mak jo ning khana Judah shunga ṭhatmak om mak jo ning, ajârchu ke’n hringkhō kaṭhen pek jo mihei kha karangei mandam sik jo hei. Rōngpu ke’n kahri jo kae.”

JEREMIAH 50:4

Rōngpu’n ahri, “Khava pha kha ahong pha, Israel leh Judah mihei, an-Pathen, kei kajonga anṭap pum a kahong sik hei.

JEREMIAH 50:5

Anmani’n Zion jōnna hlam ander sik a kha khava kajōna kase sik hei. Anmani’n ahei tik a sukkhōi hêrmak sik intepna kei leh annei sik khana sukkhōi hêrmak jo hei ning.

JEREMIAH 7:7

Nangni’n nanmalung nanthleng inchu, nanpusōn he’n antachen ṭhak sik a kapek jo hei ram shunga kaman omṭhak sik chei.

EZEKIEL 11:17

“Khava jâra Chunghnung Rōngpu ke’n kahri hi manthei hei roh. Ke’n kakathek manchaina ramheia inphut kakhôm mantûp sik hei, khan Israel ram kha kapek male sik hei.

HOSEA 1:11

Judah mi leh Israel mi lahong inchun sik hei. Anmani’n anhlam kakei sik inkhat anla kadei sik, khana vōi khat anmani’n anram shunga lahong kakhang sik hei khana lakahao sik heia kae. Kadik, Jezreel kani kha kani kalentak lahong kachang sik!

HOSEA 11:12

Rōngpu’n ahri, “Israel mihe’n tûn katlung maleisei leh hōnna vâng ankatōm eng, Judah mihe’n a’ntheng leh taksen ka-om Pathen andōi eng.

HOSEA 2:2

Kasahei, ama kanuhmei achangmak jo’num, khana kei apuise kachangmak jo’num, nannu kha hripek ruh. Ajôngna leh anoti changna kha abângna sik jôr ruh.

AMOS 9:15

Ke’n kapek hei ram a khan kamanhmông sik hei, anmani avea inphoisōt mak jo hei ning.” Rōngpu nan-Pathen in ahri jo.

ZECHARIAH 10:6

“Ke’n Judah mihei kamanhrat sik hei; ke’n Israel mihei kahuksōt sik hei. Ke’n anchunga lungsetna kanei sik hei, ankhenga innting kaheiṭhōi male sik hei. Anmani kha ke’n kahlonsōt hêrmak hei kapōa ka-om sik hei. Kei anmani Pathen Rōngpu eng kha kae. Anmani derna kamasôn pek sik jo hei.

ZECHARIAH 2:6

Rōngpu’n amihei hneng ṭong amanthei hei, “Ke’n ram rakip a kachai kathek jo hei. Tâk-kha tûnchu, nangni rehringa anta heisur hei, Babylona inphut heitlânsōt jo ruh, Jerusalema he’nle jo ruh.