JEREMIAH 3:17 - LEKHARABU INTHENG (BSI)

¹⁷ Khava pha kha ahong tlung pha Jerusalem hi ‘Rōngpu len in-ongna’ inti sik, khana jât pumpui in khana khan kei ankamuk sik jo eng. Anmalung kasak leh akaṭhamak in amanse hei kha tlomak jo hei ning.

JEREMIAH 3:17 ပူးပေါင်းရင်းမြစ်များ

A’NPHUTNA 8:21

Inthoina marim khan Rōngpu malung kha katlâi joa abinga, “Mihringhei tloset jâra avea ralei hi hâksêr mak jo ning; ansinlaia inphut anmandonna hei kha ṭhaphung mak ti hi kamanhret. Ke’n tuna katlo kapōa ahei tik a’m akahring hei hi suk manram mak jo ning.

RENGHEI INKHATNA 8:41

“Ramlak mi inkhat, ram kahlatak a aka-om khan narahming inthang leh namihei sik a ṭōn kalen natlona hei kha atheia, khana nang inmuk sik leh ani kader sik a hiva Bek-inna hin ahong pha,

HLAHEI 102:23

Kasinlai Rōngpu’n akatlasama aleisyem eng; kahringkhō amanbongpek eng.

HLAHEI 78:8

Anmani kha anpu anpahei rahe kase leh ṭong kajuimak, Pathen taksenna kahnet hêrmak khana ahnenga taksenthei kachangmak hei kapō kha anchang makna sik a kae.

HLAHEI 87:3

Nachungchânga ṭong inralak ama’n ahri kha Pathen khōpui kalen rangei roh:

ISAIAH 26:8

Keini’n nalungdo kanjui, khana nanga inhōrna kannei; kantamadu heirakip kha nang che kae.

ISAIAH 56:6

Khana ram hlop mihei amihei kâra inveisa jo hei, ama inlungset a asepa katlohei, serning kani kanit hei khana taksen theitak a ama ṭongtep kajuihei hneng Rōngpu’n ati:

ISAIAH 59:19

Nisōa inphut tlaitlâk katlunga mi rakip in ama leh aratha hratna kha anṭit sik jo. Ama kha tuidung alōng inhnak leh thlipui inhnaktak kapōa kajōng sik.

ISAIAH 6:1

Rn Uzziah thi kum a, ke’n Rōngpu kha kaleihmu. Areng in-ongna hmun a kalûrtak a choi ka-ânna le’n ong khana azakkō ret ra-âng khan Bek-inn kha aser manvâr pet a kae.

ISAIAH 66:1

Rōngpu’n ahri, “Marvân kalen in-ongna kae, khana ralei kake man ngamna kae. Nangni’n kei sik a heikhong khova inn mo nantasak tor sik, ka-omna sik kha heikhong khova hmun a mo?

ISAIAH 66:18

Ke’n anmani tamandon leh anṭōntlo kha kamanhret. Jât rakip mi manchunna sik a kajōng sik eng. Anmani anhong inchun pha, kei rathahrat tlotorna kha anhmu sik

ISAIAH 66:20

Anmani’n nansap Israelhei kha jât-hei kâra inphut kei hnenga kutchoi kapōa anta heiṭhōi male sik hei kae. Anmani kha Israel he’n Bek-inna tōk sik hmuchi beklanga a’ntheng atena heia anta heirôn kapōa katlang intheng Jerusalema hin, shakor, shakōrtung, sharîngsei chunga khan chu shakor gâri chunga anta heiṭhōi male sik hei kae.

JEREMIAH 11:8

Tâk-kha anmani’n kaṭong rangei mak hei, khana juimak hei. Khava kanek a, mi rakip anracham kase chet heia ṭhatmak antlo chet jo. Intepna kha anjuina sik a ṭong kaleipek hei, tâk anmani’n hnōm mak hei. Khava jâra intepna shunga karâkna rakip kha anchunga kahei rôn sōt jo kae.”

JEREMIAH 12:15

Tâk-kha ke’n anmani kaṭhōisōt sō hei pha, anchunga kalungset sik hei; khana jât rakip ke’n anram et a kaṭhōi male sik hei.

JEREMIAH 12:16

Anmani’n kamihei bekdân hi anmalung pumpuia anrahlânga, kamihei kha pha khat a Baal rahminga intepna sik a antamanthei hei kapōa, hinga an-intep inchu, ‘Rōngpu ahring jâra,’ khan chu anmani kha’m kamihei kâra ṭhen khat kachang sik hei khana hong kakhangtou sik hei.

JEREMIAH 14:21

Naṭongtep kha mandonsōt roh, donloa adamak roh; nang len in-ongna kalûrtak hmun, Jerusalem chunga hmesetna heirôn mak roh. Keini leh ni’ntepna kha makhōimak roh.

JEREMIAH 16:12

Tâk-kha nangni’n nanpu sōnhei kakhe chet a ṭōnse nantloa kae. Nankhenga nanracham kase khana ṭhamak chei, kaṭong juimak cheia kae.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 17:12

A’nphutbia inphut tlângbung inshâng chunga kangira, ni-Bek-inn hi reng in-ongna kalûrtak inkhat kha ka-anga kae.

JEREMIAH 18:12

Anmani’n anmasôn sik, ‘Ethei mak, heisa mo kantabâng sik? Keini kankhenga racham intak leh akaṭhamak kha kantamadu dungjuia kantlo sik.’”

JEREMIAH 3:19

Rōngpu’n ahri, “Israel, kasa kapōa karahlâng hnōm che, ke’n raleichunga ram kaṭhapen, leh ram kahōipen kha kapek hnōm che. Apa tia nabek sik eng hi kamadu, khana keia inphut aheitik a na-inhesōt mak sik hi kamadu.

JEREMIAH 31:23

Chunghnung Rōngpu, Israelhei Pathen khan ahri, “Ke’n mihei kha anrama kaheiṭhōi male hei pha, Judah ram a leh ankhōpui heia, anmani’n, ‘Rōngpu’n Jerusalem hmebung intheng, a-omna hmun intheng kha mahâmṭhat pek rasoh,’ anti nôk sik.

JEREMIAH 33:9

Jerusalem hi kei sik a, inpâkna, kajana khana inlensakna jōng sōkna kha akachang sik kae; khana Jerusalem mihei chunga ṭōn kaṭha katlohei khana khōpuia kamanhao hei kha anhmu pha raleichunga jât rakip in anṭit sik a kha innok sik hei.”

JEREMIAH 4:2

karahminga ṭong nan-intep sik hi kadik sik. Khan chu jât rakip in vângṭhat anchenna sik a ander sik jo eng khana anmanpâk sik jo eng.

JEREMIAH 7:24

Achang ravâng, anmani’n kaṭong rangei mak hei, anmalung um hlutmak a kae. Jui kanek a, anracham setna leh anmalung ṭhatmak khan tlo sik a amanthei hei jôk kha antloa, akaṭhachet sik hei kanek a akasechet kachang heia kae.

JEREMIAH 9:14

Khava kanek a, anracham kasea anpu anpa he’n Baal limsyem kamukna sik antamanthei hei kha ankamuk jôk a kae.

EZEKIEL 1:26

Phuchung kapō chunga khan sapphir hlung vânga a’nsyem reng in-ongna inkhat kapō ka-om, reng in-ongna chunga a’n-ong kha mihring hme apōa kae

EZEKIEL 43:7

“Akathithei mihring, hinahin kei reng in-ongna ka-om. Hinahin kei Israelhei kâra ka-om sik eng khana ahei tik a anchunga vai karôn sik. Israel mipui leh anreng he’n pathen ralak ankamuk a khana anrenghei kathi kalōng kha hinahin anhre heia kei rahming intheng hi avea hmesetna apek mak jo hei ning.

EZEKIEL 48:35

Khōpui asir manlia bangdung kasei akhenga metre 9,000 kae. Tûna inphut khōpui rahming hi, “Rōngpu hin ka-om!” a’nti sik jo kae.

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

ZECHARIAH 8:8

Jerusalema aka-om sik hei ke’n avea nisō tlaitlâk a inphut kaheiṭhōi male nôk sik hei. Anmani kami kachang sik hei khana kei an-Pathen kachang sik eng khana ke’n anchunga taksen theitak leh kadik a vai karôn sik hei.

MIJAHEI 15:39

Tukpâr hi mandonsōtna kachang sik, nanhmusōt pha leh kaṭong pek nanmandonsōt sik khana nanjui sik; keia inphut sesōt mak tin chei khana madu leh rangeina hlam kha juimak tin chei.

ROMANHEI 1:21

Anmani’n Pathen anmanhret, tâk ama chen, kajana kha pek mak hei, manpâk um manpâk mak hei. Khava kanek a anmalung pui katluk a kamoa, anmandona akarōksai kha inthim in amakhusi jo.

ROMANHEI 6:14

Ajârchu, nangni Dân thōia akahring changmak jo chei, Pathen maritna thōia akahring jo chei kae, setna kha nankapu akachang hêrmak sik kae.

GALATIANHEI 4:26

Tâk-kha marvân Jerusalem khachu masōa ka-om, khana ama kha ninu kae.

DÂNRABU INHNINA 29:29

“Rōngpu ni-Pathen in athup ajing laka-om; tâk a-Dân khachu aphôngsōt jo, eini leh nisōn he’n ahei tik a nijui sik kasōk a kae.

ṬONGKATANHEI 2:19

Tâk-kha hlamkakei kha athisō pha chu, mihei khan hma an-omchen marō tlit a inle nôk hei khana khang marō hei kanek a ṭhachet mak heia kae. Pathen hlop hei anrazena, ankamuk sik, anṭhatmakna masō sik hnōm mak hei.