JEREMIAH 3:13 - LEKHARABU INTHENG (BSI)

¹³ Nang in naṭhe jo khana Rōngpu na-Pathen navadōi jo ti rōk kha hnōm roh. Thingbur in-êm rakip thōia pathen hlop hei hneng nalungsetna kha napek jo hei khana kei ṭongpek juimak jo che ti hi hrisōt roh. Rōngpu ke’n kahri jo kae.

JEREMIAH 3:13 ပူးပေါင်းရင်းမြစ်များ

ṬONGCHÎK-HEI 28:13

Nasetna thupna sik a natlo’nchu nahringkhōa chung sōkna neimak tin, phôngsōt roh khana masō hei roh; kha achang inchu Pathen in nahnenga lungsetna amalâr sik.

ISAIAH 57:5

Nangni thingkung intheng thōia taksa inchun cheia saneina pathen kha nankamuk a kae? Khana tuidung panga hlungkōk a nansahei inthoina nantōk a kae.

JEREMIAH 14:10

Rōngpu’n hiva mihei chungchânga ahri, “Anmani’n kahnenga inphut tlânsōt sik anmadu, khana anmani anbibinga inkhimtor mak hei. Khava jâra anchunga kamalung tlaimak. Antlo ṭhena kha kamandonsōt sik, ansetna chunga karâkna kapek sik hei.”

JEREMIAH 14:20

Rōngpu, nang kadōia setna kantlo jo, kansetna hei leh kanpu kanpahei setna kha insir jo ung.

JEREMIAH 2:20

Chunghnung Rōngpu’n ahri, “Israel, nang in phat kasôttak karatha neina chunga heihnōm mak jo che. kaṭong hi juihnōm mak che khana akamuk hnōm mak che. Tlâng inshâng chung rakip a thingkung ka-êm thōi rakip a, vonchoina pathenhei kha nakamuk joa kae.

JEREMIAH 2:25

Israel, Pathen hlop kahnung jui lelena khan nakadang manchâr mak roh, achangmak leh nake manchâm mak roh. Tâk-kha nang in nati, ‘Changmak! Kei hong inhetor mak jo eng. Ke’n mihlop-hei pathen kamadu jo hei, ankahnung kalajui sik.’”

JEREMIAH 3:2

Hmebung chung heia enroh. Notinu kapōa nachôn makna hmun aka-om mo? Arab he’n nêrdiram a mi that sik a antahlō hei kapōa nang in hlamlen dunga nalungset hei kha nahngâk hei. Na-noti changna khan ram kha namanbōk a kae.

JEREMIAH 3:25

Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 3:6

Reng Josiah’n reng achanglai, Rōngpu’n kahnenga ahri, “Taksenthei kachangmak nuhmei, Israel tatlo hei hi nahmu mo? Amanu kahnenga inphut kasesōt jo, chingbung inshâng heia khana thing bur rakip hnōia noti kachanga kae.

JEREMIAH 7:24

Achang ravâng, anmani’n kaṭong rangei mak hei, anmalung um hlutmak a kae. Jui kanek a, anracham setna leh anmalung ṭhatmak khan tlo sik a amanthei hei jôk kha antloa, akaṭhachet sik hei kanek a akasechet kachang heia kae.

JEREMIAH 7:26

Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

EZEKIEL 16:15

“Tâk-kha nahme ṭhatna leh najai inthang kha hnemna najongpuia akahong rakip najepui hei.

HOSEA 5:15

“Kami he’n ansetna jâra katluk a khōdeng theina aneia kei annihei jongmak kârseng ke’n kadahlon sik hei. Ankhōdeng theina shunga kei annihong jong khâk sik eng.”

DÂNRABU INHNINA 12:2

Nangni’n nanta lo sik ram a khan, tlâng inshâng chunga, hme inshâng chunga, thingkunghei thōia, mipuihei pathen kamukna hmun rakip hei kha suk manhmang hei ruh.