JEREMIAH 27:9 - LEKHARABU INTHENG (BSI)

⁹ Nansân kathemhei achangmak leh hnungṭong kanhrisōt tor kati hei, rahmanga achangmak leh akathi rathla bekna achangmak leh hmitphedôi kantlotor kati hei ṭong kha rangei mak ruh. Anmani ankheng in Babylon rengpa hneng hlutmak ruh anti cheia kae.

JEREMIAH 27:9 ပူးပေါင်းရင်းမြစ်များ

SŌKSŌT 22:18

“Nuhmei dôi kahmang rakip kha that hei ruh.

SŌKSŌT 7:11

Khava pha rengpa’n ami kasinghei leh hmitphedôi kathemhei kha abek heia andôi vâng in-anghrep a anleitlosōt jo.

ṬONGCHÎK-HEI 19:27

Kasapa, inthemchûk kha nabâng pha leh hma nalei manhret seng kha’m inranga donmak jo che ning.

ISAIAH 8:19

Tâk-kha mi he’nchu kutze ka-en hei leh rathla inbekpui hei, tla kasânhei der hei ruh, anti sik chei. Anmani’n anti sik, “Hei-achang inum, mihe’n akahring hei kahlanga, ṭong thangkōi kha rathla leh akathihei hneng antader sik kae.”

JEREMIAH 14:14

Tâk-kha Rōngpu’n amasôn eng, “Sânkathemhei khan karahminga maleisei antahri kae; ke’n tir mak hei eng, anhnenga ṭongpekna heikhat achangmak leh mi hnenga ṭong inkhat avakahri sik pek mak hei eng. Anmani’n hnunga kasōk sik omchen antahrisōt kha kei hnenga inphut changmak, hmangna kase anmandonna kha antahrisōt kae.

JEREMIAH 23:16

Chunghnung Rōngpu’n Jerusalema mihei hneng ahri, “Sânkathemhei ṭonghri kha rangei mak ruh; akadik mak inhōrna vâng anmansip chei. Anmani’n kei tahri kha hrimak hei, anmani tamandon kha anhri pek cheia kae.

JEREMIAH 23:25

Khang khava sânkathem he’n anrahmanga sânsōt ṭong ke’n kajōng pek hei tia karahminga maleisei akahri, sânkathemhei ṭonghri hei kha ke’n kamanhret.

JEREMIAH 23:32

Rōngpu kei ṭonghri hi rangei ruh! Rahmang kanei sânkathemhei, maleisei kasiptak kahri hei kha ke’n kadōihei. Anmani’n khava anrahmang kha anhria, maleisei leh inlensak pum a, kamihei hlamlea anṭhōi manhmak hei. Anmani ke’n tir mak hei eng khana ansena sik a ṭong pek mak hei eng, anmani mipui sik a hnemna kase hei kae. Rōngpu ke’n kahri jo kae.”

JEREMIAH 29:8

Rōngpu, Israel Pathen ke’n gîkna kapek chei kae, nankâra ka-om sânkathem he’n achangmak leh hnungṭong kansânsōt thei kati he’n nangni hōnmathlâk mak chei rasoh. Anmani rahmang heia khan nanmalung pek mak ruh.

EZEKIEL 21:29

Nangni hmangtalâr hmu kha dikmak, khana hnungṭong sânsōt kha maleisei kae. Nangni ṭhamak chei khana nanmalung intheng mak, a’nchaina nanṭong tanna sik kani kha kajōng jo. Chemjâm kha nanrînga jōngkatla sik.

DANIEL 4:7

Khan chu hnungṭong kasânhei, dôi kachoihei, a’nralak katlohei, ârsi lekha kathemhei kha anheiṭhōi hei, khana ke’n karahmang kha kahri pek hei, tâk-kha anmani’n rahmang kha hrimanchên tor mak hei.

MICAH 3:7

Hnungṭong kasânsōt hei kha hnunga hringkhō khan inzakna alapek sik hei. Ankhenga suk manhnem et sik hei kae, ajârchu Pathen in anderna masôn mak jo heia kae.

ZECHARIAH 10:2

Mihe’n limhei leh tla kasânhei hneng ṭong ander hei, tâk-kha masônna antahmu khachu maleisei ṭong leh aje omlo rōk kae. Mi ṭhahrep in rahmanghei anmalesōt, tâk hlamle rōk a anṭhōi chei, anmani lungngamna pekna chei kha heite hnemmak. Khava jâra mipuihei kha kemōng hlam invai kapōa kalôn jo hei. Anmani hlamkakei annei mak jâra inrengna anthōk jo.

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

ṬŌNTLOHEI 8:11

Khava adôi vâng khan pha khaseng kha anhmit aleiphe pek heia anmalung amanhmak pek hei jâra khan aṭong anleijui.

EPHESIANHEI 5:6

Ṭong kadikmak vâng tûte’n hōnmathlak mak chei rasoh; ajârchu Pathen ṭong kajuimak hei chunga ahnuk natna ajōng katlung sik kha khava jâr pena kae.

DÂNRABU INHNINA 13:2

nantalei kamuk phungmak pathen kamukna sik leh razenna sik hrep a. An-intepna kha ahong diktak inum,

DÂNRABU INHNINA 18:14

Khava sōa Moses’n ati, “Nan-omna sik ram a khan, tlâ kasânhei leh kutje ka-en hei mansena mihe’n anjuia kae, tâk Rōngpu nan-Pathen in hivahi hnōm mak.

JOSHUA 13:22

Israelhei tathat hei kâra khan Beor sapa Tlâ-kasânpa Balaam hi’m kae.

ṬONGPHÔNG 18:23

Nashunga hmeivâr indet nôk hêrmak jo ning; hmōipa leh hmōinu rasa inthei nôk hêrmak jo ning. Nang inveina chu vânhnōi raleichunga ratha kaneipen kha kae, khana nadôi choi kadikmak khan vânhnōi ralei mi nahōn mathlâksō joa kae!”

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.

ṬONGPHÔNG 9:21

Khan chu anmithat, andôi choi, ankajông, an-inrûk bângdek mak heia kae.