JEREMIAH 27:15 - LEKHARABU INTHENG (BSI)

¹⁵ Rōngpu atak-khet in anmani kha tir mak hei eng, ama rahminga nanhnenga maleisei antahri kae ati. Khava jâra ama’n nangni ahnong sōt sik chei, khana nangni leh sânkathem khava maleisei kahri hei seng kha anthat sik chei.”

JEREMIAH 27:15 ပူးပေါင်းရင်းမြစ်များ

THUHMINGHEI INHNINA 25:16

Amaziah khan aṭong akhâra, “Heitik khana inphut mo nang hi rengpa mansena kanei sik a kantakadeisōt che? Naṭong hri bâng roh, achangmak inchu kathat sik che kae!” ati. Sânkathem kha kabâng jo, tâk-kha hivahi alahrisōt a kae, “Tûnchu nang in hiva rakip hi natloa khana kei mansena nadonmak jo jâra Pathen in nang manhmangna sik a amantluk jo ti hi kamanhret jo.”

JEREMIAH 14:14

Tâk-kha Rōngpu’n amasôn eng, “Sânkathemhei khan karahminga maleisei antahri kae; ke’n tir mak hei eng, anhnenga ṭongpekna heikhat achangmak leh mi hnenga ṭong inkhat avakahri sik pek mak hei eng. Anmani’n hnunga kasōk sik omchen antahrisōt kha kei hnenga inphut changmak, hmangna kase anmandonna kha antahrisōt kae.

JEREMIAH 20:6

Khana Pashhur nang sik a chu, nang leh na-innshung mi ansur sik cheia kha Babylon ting anṭhōi sik chei. Sova hmun a nang kathi sik che khana anvûm sik che, nang leh naloihei maleisei ṭong hingja nahri pek hei seng leh.”

JEREMIAH 23:15

Khava jâra Akahratpen Rōngpu ke’n, Jerusalema sânkathemhei chungchânga kahri kae: anmani tasâk sik a ramsai kakhatak, leh tûr anta-in sik a kapek sik hei, ajârchu anmani’n ram pumpuia khōvel omchen kha ramtina anmanpung joa kae.”

JEREMIAH 23:21

Rōngpu’n ahri, “Ke’n hiva sânkathemhei hi tir mak hei eng, kha’num anbinga akasesōt hei kae. Ke’n sânsōt sik ṭong pek mak hei eng, kha’num karahminga ṭong anhria kae.

JEREMIAH 23:25

Khang khava sânkathem he’n anrahmanga sânsōt ṭong ke’n kajōng pek hei tia karahminga maleisei akahri, sânkathemhei ṭonghri hei kha ke’n kamanhret.

JEREMIAH 27:10

Anmani’n anhōn chei khana nanrama inphut ram kahlatak a anman ṭhōisōt sik jo cheia kae. Ke’n nangni kahnong sōt sik chei, khana nangni karampet sik jo chei.

JEREMIAH 29:8

Rōngpu, Israel Pathen ke’n gîkna kapek chei kae, nankâra ka-om sânkathem he’n achangmak leh hnungṭong kansânsōt thei kati he’n nangni hōnmathlâk mak chei rasoh. Anmani rahmang heia khan nanmalung pek mak ruh.

JEREMIAH 29:9

Anmani’n kei rahminga nanhnenga maleisei antahri kae. Ke’n anmani heitir mak hei eng. Chunghnung Rōngpu, ke’n kahri jo kae.’

JEREMIAH 38:22

Khana khan Judah innpuia aka-om nuhmeihei ankhenga Babylon rengpa ṭōnkarônhei hneng antakei hei kha kahmu hei. Anmani’n ansepum a antahri ṭong kha rangei roh, ‘Rengpa ṭhōn kaṭhapen he’n ama kha hlam kalet a anṭhōi jo, achunga vai anrôn jo. Khana tûnchu akehei bōnthlōk shunga kahlut jo, ama kha aṭhōn he’n andahlon jo.’”

MATTHEW 15:14

Anmani chunga nanmalung manrim mak ruh! Anmani hmitkachohei hi hmitkachohei hlamkakeihei kae; hmitkacho inkhat in hmitkacho inkhat hlam akei inchu, an-inhnibât a khur kōk a akatla sik hei kae.”

MATTHEW 24:24

Ajârchu Messiah inhlem leh sânkathem inhlem hong kasōk sik hei; khana a-ethei chenna Pathen kadeisōt hei kapha hōn mathlâkna sik det-hla ka-om tak leh ṭōn-inlak antlosōt sik.

ṬONGPHÔNG 19:20

Khava ranhring kha ahmai kunga ṭōntlo inlak katlo sânkathem inhlempa kha leh inṭhōia ansur heia kura ankhum jo hei. (Khava aṭōntlo inlak tlona vâng khan ama’n ranhring limsyem chîknabi kaneihei leh ranhring inmuk hei kha amathlem mathlâk heia kae.) Hmei kângna dîr shunga ranhring leh sânkathem inhlempa kha anhring pum a anhlon manhlut jo hei.