JEREMIAH 26:5 - LEKHARABU INTHENG (BSI)

⁵ kasōk sânkathem kahei tir ṭhak hei ṭonghri chunga nanmalung nantamanhlut a kei hi nantajui nger sik eng kae. Anmani ṭonghri kha juihêr mak hei cheia kae.

JEREMIAH 26:5 ပူးပေါင်းရင်းမြစ်များ

RENGHEI INHNINA 17:13

Rōngpu’n asânkathemhei leh aṭongkarônhei Israel leh Judah hei kagîk sik a ajōngtir, “Nan-omchen kadikmak hlam hro bâng ruh, khana Nanpa-nanpuhei hneng kaleipek Dânrabu shunga aka-om, khava nôk kha kasōk sânkathemhei vânga nanhnenga kajōng mathlung, kaṭong pek kha jui ruh!” ati.

RENGHEI INHNINA 17:23

Achaina chu Rōngpu’n atlo sik seng kha, asōk sânkathemhei vânga aleigîk dek hei kapōa, ahmai kunga inphut ahnong sōt jo hei. Khava jâra Israel mipuihei kha Assyria ting rekahringa ankei jo hei, khana khan tuning katlung laka-om hei.

RENGHEI INHNINA 24:2

Rōngpu’n asōk sânkathemhei hneng atlosōt sik a aleihri hei kha Babylon, Syrian, Moab, Ammon remi rup-hei Jehoiakim kadōia Judah manhmangna sik ahei tir heia kae.

RENGHEI INHNINA 9:7

Nang in nakapu rengpa Ahab sapa kha nathat sik kae, khavakha kei sânkathemhei leh kasōk ralak-hei ankathat Jezebel kha karâkna kapek theina sik a kae.

EZRA 9:11

nang in nasōk sânkathem heia inphut nahei pek ung ṭongpek-hei kha. Anmani’n anleimanthei ung, kantahlō sik ram kha akachok kae, ajârchu khava ram a aleika-om mihei kha ram rakir inkhat a inphut inkhat katlunga mater ka-om hei, omchen kabōk rōk vânga leikasip heia kae.

JEREMIAH 11:7

Ke’n anpu sōnhei Egypt a inphut kaheiṭhōisōt lai hei khan, kaṭong anjuina sik a kaṭhatak a kamanse hei, khana tuning katlung mipuihei kalamanse ṭhak heia kae.

JEREMIAH 29:19

Ke’n kasōk sânkathem heia inphut ṭong kapek ṭhak hei kha anjuimak jâra anchunga hivahi akasōk sik kae. Anmani’n rangei hnōm mak heia kae.

JEREMIAH 32:33

Anmani’n hnung ansungsi eng, ke’n kamanthei ṭhak hei ravâng, anmani’n rangei mak hei, inthem chûkmak hei.

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 35:17

Khava jâra tûnchu, Chunghnung Rōngpu, Israel Pathen ke’n, Judah leh Jerusalem mipuihei chunga ṭongtepna kaneidek jo inhmangna kha kahong masō sik jo kae. Hivahi kamasō sik kae ajârchu, ṭong kahri pha rangei mak chei, khana kabek chei pha amasôn mak cheia kae.”

JEREMIAH 44:4

Ke’n kamater ṭit ka-om ṭōnhei kha nantlo makna sik a ani kahri pek sik a kasōk sânkathem kajōngtir ṭhak hei.

JEREMIAH 7:13

Nangni’n hiva setnahei hi nantlo jo, ke’n ave-avea nanhnenga kahri ravâng nangni’n rangei mak chei. Ke’n kabek chei pha, amasôn mak chei.

JEREMIAH 7:25

Nanpusōn he’n Egypt ram a anheisōk kania inphut tuning katlung, ke’n nanhnenga kasōk-hei, kasân kathemhei, kahei tir ṭhak hei.

EZEKIEL 38:17

Ke’n Israelhei sânkathem, kasōk heia inphut ṭong phôngna kaneilai, pha kasôttak a inphut ke’n ṭong kaleihri kha nang chungchânga kae, khachu akahong sik pha Israel kabuhlu sik tu mo inkhat kaheiṭhōi sik kalei ti jo.” Chunghnung Rōngpu’n ahri jo.

AMOS 3:7

Chunghnung Rōngpu’n asōk sânkathemhei hneng malârna neilo heite inkhat tlohêr mak a kae.

ZECHARIAH 1:6

Kasōk sânkathem heia inphut, nanpu sōnhei hneng ṭongpek leh gîkna kapek jo hei, tâk heitea lomak hei khava kara inrengna kha anthōk joa kae. Khava sōa anmalung anthlenga Chunghnung Rōngpu kei in anmani chenhlam kasōk karâkna kapek hei kae khana tlo sik a ka’ntlukna kha katlo kae ti hi anhong manhret jo.’”

ṬONGPHÔNG 10:7

Achang ravâng ngeva 7 tlukna khan apengkun atum pha, Pathen ṭōnmantluk inthup kha asōk sânkathemhei hnenga aleimanhri hei kapōa hui akatlung sik kae,” ati.

ṬONGPHÔNG 11:18

Jât-hlop hei anhnuk kanasō jo, ajârchu nahnuk natna sik pha kha jōng katlung jo, akathihei ṭong tanna sik pha jōng katlung jo. Nang kaṭit mihei akasin akalen ankhenga, nasōk-hei, sânkathemhei, khana nami rakip tloman pekna sik pha kha jōng katlung jo. Raleichung kasukset hei kha suksetna sik pha jo kae!”