JEREMIAH 26:13 - LEKHARABU INTHENG (BSI)

¹³ Nangni’n tuna nan-omchen khana nanchôn dânhei nantathleng sik kae, Rōngpu nan-Pathen ṭong kha nantajui sik kae. Khanga nantlo’nchu, ama’n nanchunga inhmangna ahei choi sik a aleihri kha, amandonna kha athleng sik kae.

JEREMIAH 26:13 ပူးပေါင်းရင်းမြစ်များ

SŌKSŌT 32:14

Khava jâra Rōngpu’n amalung athlenga amihei chunga ṭōnse tlo sik a maṭhitna aleinei kha tlomak jo.

ISAIAH 1:19

Nangni’n kei ṭong rōk kha nanjui inchu, ram kara kaṭha kha nansâk sik.

ISAIAH 55:7

Mikaṭhamak-hei kha’n anhringkhō hlam kha dahlon hei rasoh, khana anmalung mandon hei kha thlenghei sona. Anmani Rōngpu, ni-Pathen hneng inhe hei rasoh; Ama kha lungsetna pui katluk khana rangei mandamna inrang.

JEREMIAH 11:4

Hivahi anmani hei sik a hmei taro mankâng kapō ram, Egypt a inphut kaheiṭhōisōt lai hei anpu sōnhei leh kaleisyem jo intepna kha kae. Anmani’n kaṭong anjuina sik a khana kaṭong pek rakip antlosōtna sik a kalei manthei hei. Anmani’n kaṭong anjui inchu, anmani kami kachang sik hei, kei an-Pathen kachang sik eng, tia kahri pek hei.

JEREMIAH 18:11

Khava jâra tûnchu, Judah mihei leh Jerusalema ka-om mihei hneng anmani dōina sik a khana karâkna sik a intlukdek jo eng tia hripek hei roh. Anmani anset tlona kha anbângna sik, an-omchen leh anṭōn tlohei kha anthlengna sik a manthei hei roh.

JEREMIAH 18:8

tâk-kha khava jât khan aṭhat makna hlam a inphut anmani an-inhesōt jo’nchu, katlo sik kati kha ke’n tlomak ning.

JEREMIAH 26:19

Reng Hezekiah leh Judah mihe’n Micah kha leithat mak hei. Khava kanek a, Hezekiah’n Rōngpu kha kajana aneia ama lungsetna chenna sik aleitlo. Khana Rōngpu’n anchunga inrengna kamasō sik aleiti kha amalung athleng jo. Tûnchu eini’n nibinga ṭit ka-om tak khōdengthei kha nichunga nihei rôn sōt sik jo kae.” (

JEREMIAH 26:3

Mihei khan ṭong anrangeia an-omchen kaṭhamak kha anhei masō khâk theia kae. Anmani’n khanga antlo’nchu, anṭōntlo ṭhatmak jâra ke’n suk manset sik heia kamantluk kha kamalung kathleng sik.”

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 36:3

Judah mihei chunga ṭōnse masō sik a kamantluk hei hi anmani’n anthei pha, anṭhatmakna hlam heia inphut he’nhesōt thei khet sik heia kae. Khan chu anmani ṭhatmakna hei leh ansetnahei kha karangei mandam sik hei.”

JEREMIAH 38:20

Ke’n kahri, “Anmani kut chunga nang pek sōt mak hei tin. Rōngpu ṭong kha najui sik a kangek che; khan chu heirakip nang sik a akaṭha kachang sik, khana nahringkhō huksōt kachang sik.

JEREMIAH 42:10

‘Nangni hiva ram a hin, hing’hin nan-omthang hnōm inchu; ke’n nangni kasyemsōt sik chei khana keihler mak chei ning; kaling sik chei khana phôisōt mak chei ning. Nanchunga suksetna kalei mathlung kha kamalung inrim hêr.

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

JOEL 2:14

Rōngpu nan-Pathen in amalung ahei thleng sik a kha hmuchi katamtak vânga mahâmṭhatna apekthei chei. Khana nangni’n ju leh hmuchi nantōk tor sik jo.

JONAH 3:9

Pathen in amalung heithleng um aya, ahnuknat kha’m kahai thei, khan chu eini thimak min!”

JONAH 4:2

Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

DÂNRABU INHNINA 32:36

Rōngpu’n anmani ratha katlangsō jo ti kha amanhret a, amihei ahuk sik jo hei. Atlona sik heite neimak jo hei ti ahmu pha, ama inzenhei chunga lungsetna anei sik jo hei.

HEBREWHEI 5:9

Ama pui katluk achang sō pha, ama kataksen rakip sik kumleikō hukmanhringna kung kha kachang jo,

ṬONGKATANHEI 2:18

Rōngpu’n Israel kha hlamkakei apek phatina, ama kha Rōngpu’n athlop a ama hring lai seng mipuihei kha ankadōihei kut a inphut ahuk hei. Rōngpu’n lungset a aleirôn hei, ajârchu Israelhei kha inrengna leh suk manrimna thōia inkōia ka-om heia kae.