JEREMIAH 25:9 - LEKHARABU INTHENG (BSI)

⁹ ‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 25:9 ပူးပေါင်းရင်းမြစ်များ

RENGHEI INHNINA 24:2

Rōngpu’n asōk sânkathemhei hneng atlosōt sik a aleihri hei kha Babylon, Syrian, Moab, Ammon remi rup-hei Jehoiakim kadōia Judah manhmangna sik ahei tir heia kae.

THUHMINGHEI INHNINA 29:8

Hiva jâra hin Rōngpu kha Judah leh Jerusalem chunga ahnuk kana jo, khana anhnenga aheitlo omchen khan mi rakip lung natna leh inpirna amannei jo hei.

THUHMINGHEI INHNINA 36:21

Khava jâra Rōngpu’n Jeremiah sânkathem hnenga ṭong alei manhridek kha hui katlung jo: “Ram hi kum 70 ramhânga ka-om sik, nit loa aleika-om jo Châmhngat kani inhngatna kha nit mathlungna sik a kae.”

ṬONGCHÎK-HEI 21:1

Kavadung tui lōngna hlam Rōngpu’n kabeitak a athleng tor kapōa rengpa malung um ama’n asurpek.

ISAIAH 10:5

Rōngpu’n ahri, “Assyria! Ke’n Assyria hi kahnuk inhnat hei chunga karâkna pekna sik a tingpumbe inkhat kapōa kahmang.

ISAIAH 13:3

Rōngpu’n ahnuk inhnat mihei karâkna sik a a’ntheng re katuk sik a taksenthei remi leh rekahrâng hei kha abek jo hei.

ISAIAH 39:7

Khana nasōn-napâr ṭhahrep he’m anṭhōi sik hei khana Babylon reng inna sepa katlo sik a antaksa antasyem pek sik hei kae.”

ISAIAH 44:28

Ke’n Cyrus hneng kahri, ‘Kei sik a vai karôn sik kha nang che kae; Ke’n kamantlo hnōm che kha nang in natlo sik kae: Jerusalem avea saksōtna sik a khana Bek-inn innhmun kha deng manbukna sik a nang in ṭong namasō sik kae.’”

JEREMIAH 1:14

Ama’n kahnenga ahri, “Hiva ram shunga aka-om rakip chunga suk mansetna kha sak tinga inphut jōng kalōng inhlut sik,

JEREMIAH 1:15

ajârchu ke’n sak tinga aka-om jât-hei seng anjōngna sik a kabek jo hei. Anmani renghei khan Jerusalem sōngkot heia khana kurbang rape kimve heia leh Judah khōpui kimve heia reng in-ongna antamatung sik hei kae.

JEREMIAH 10:22

Rangei ruh! Ṭong kajōng jo! Sak tinga jât inkhat kâra mipui inhângna kalentak ka-om jo; anremihei khan Judah khōpuihei kha ram-uihei omna nêrdiram anmanchang sik jo.”

JEREMIAH 12:14

Rōngpu’n ahri, “Ke’n kami Israel kapek hei ram akasukset, Israel inhnaipui hei hneng hri sik ṭhahrep kanei. Ke’n khava mikaṭhamak-hei kha anram shunga inphut, kahar phoisōt kapōa kalosōt sik hei, khana Judah kha anmania inphut kahuksōt sik a kae.

JEREMIAH 18:16

Anmani’n hiva ram hi ṭit ka-om tak, ahei tik a donmak sik anmanchang jo. Ahneng kahro he’n anhmu pha anmalung kana sik anmandon-hla jâra anlu ankachuk sik a kae.

JEREMIAH 2:15

Shabakkaihei kapōa ahnenga inhrung hei; aram kha nêrdiram anmanchang pek, akhōpuihei inram kachang jo hei, dahlonpet a ka-om jo hei.

JEREMIAH 20:4

Rōngpu khet in ahri, “Ke’n nang nabi binga leh naṭhōnhei ṭit-inpirna kamanchang sik che, khana nang in mi rakip an-indōipui he’n chemjâm vâng antathatsō hei kha nahmu sik. Judah mi rakip Babylonhei ratha neina thōia kada sik hei; ama’n ṭhahrep athat sik hei, ṭhahrep rehringa aramting aṭhōi sik hei kae.

JEREMIAH 24:9

Anchunga inhmangna kamasō sik, khavakha raleichunga jât rakip he’n anṭit a inpir sik hei. Mihe’n sem tlona anhmang heia manuina annei sik hei, anmanuisō sik hei, anmani kaman chek-chaina hei hmun rakip a anrahming kha inhâksêrna inkhat a anhmang sik hei.

JEREMIAH 25:8

“Khava jâra, nangni’n aṭong hri nanrangei pek mak jâra, Chunghnung Rōngpu’n ati,

JEREMIAH 29:18

Anmani kha re, vonṭâm, leh hrise vânga kamanloi sik hei, vânhnōia akahmu jât rakip in ṭit-inpir sik hei. Hmuntina kakathek chai sik hei, anhnenga akasōk omchen kha mihei malung tônna leh inpirna annei sik. Mihe’n anmanuisō sik hei, khana anrahming kha inhâksêrna annei sik.

JEREMIAH 35:11

Tâk-kha reng Nebuchadnezzar in ram a re ahongsō pha Syriahei leh Babylon sepei heia inphut sōksōtna sik a Jerusalema hong sik a intluk ung. Khava jâra kae keini Jerusalema aka-om jo ung hi.”

JEREMIAH 36:2

“Lekha inze inkhat lo roh, khana ke’n Judah leh Israel khana jât-hei chungchânga kahri rakip mazet manhlut roh. Josiah reng achang laia inphut tûn katlung, nahnenga ṭonghri kaphut laia kamanthei seng rakip kha mazet hei roh.

JEREMIAH 36:29

Rōngpu’n rengpa hnenga hri sik a amanthei eng, “Nang in lekha inze kha naro manvâm jo, khana Jeremiah’n heisa mo Babylon rengpa kha kahong sik a kha hiva ram hi asuk manset sik khana amihei leh ranhei athatna sik hei kha amazet, tia ahnenga nader.

JEREMIAH 4:7

Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 40:2

Rehlam kakeipa khan hlampanga aṭhōisōt enga ahri, “Rōngpu, nan-Pathen khan hiva ram hi sukset sik a aleimaṭhit,

JEREMIAH 43:10

Khava sōa hripek hei roh, ti chu Chunghnung Rōngpu, Israel Pathen ke’n, kasōk Babylon Reng Nebuchadnezzar kha hiva hmun a hin kajōngṭhōi sik, khana nang in hlunghei navûmna chunga hin areng in-ongna amatung sik, khana areng pōn-inn kha achunga amazer sik kae.

JEREMIAH 46:20

Egypt kha sehrat pui kaṭhatak sak tinga tûr kanei mathōi in abe kapō kae.

JEREMIAH 49:19

Shabakkai inkhat Jordan panga ratu hmanga inphut a, phidông kekna ahei kasōk kapōa, kei kahong sik eng, khana Edomhei kha anrama inphut sōkphutrōia kamanphut sik hei. Khava pha ke’n hlamkakei inkhat kakadeisōt khan jât-hei chunga vai arôn sik kae. Kei leh tetor sik tu mo aka-om? Tu’n mo kei adōingam sik eng? Vaikarôn tu’n mo kei adōitor sik eng?

JEREMIAH 6:1

Benjamin mihei, nan-inhukna sik a tlân ruh! Jerusalema inphut tlânsōt ruh! Tekoa khan pengkun tum ruh khana Beth Haccherema khan mêrchîkna hmei inkhat syemsōt ruh. Inrengna leh insuksetna sak tinga inphut jōng kasōkbei sik jo.

JEREMIAH 8:16

Nikadōi hei kha Dan khōpuia ka-om jo hei; anshakorhei hnar kakhông rasa eini’n nithei. Anshakorhei anhonghnai jo pha ram pumpui kaṭia innok jo. Nikadōi he’n niram leh ashunga ka-om seng, nikhōpuihei leh amipuihei seng suk mansetsō sik a kahong jo hei.”

EZEKIEL 12:20

Tûna mi siptakna khōpuihei kha suk manhmang sik hei kae, khana ram kha ramhâng manchang sik kae. Khan chu kei hi Rōngpu eng kae tia anmanhret sik jo.”

EZEKIEL 16:40

“Anmani’n nang hlung vânga denghlonna sik a mipui anmathok sik hei, khana anchemjâm vâng ahar-ahak a antuktan sik che.

EZEKIEL 21:11

Chemjâm kha kanôt manvâra, hmang sik joa mantluk jo kae. Hivahi katât manngeia kanôt manvâr jo, mikathat inkhat kut a pek sōt sik jo kae.

EZEKIEL 26:7

Chunghnung Rōngpu’n ahri, “Tyre kabuhlu sik a reng rakip a akalenpen Babylon Reng Nebuchadnezzar kha kaheiṭhōi sik. Ama’n sak tinga inphut remi katamtak leh, shakor leh shakor gâri khana shakor remihei leh kahong sik.

EZEKIEL 36:5

Akimvea aka-om jât-hei dōina chunga Chunghnung Rōngpu ke’n kahnuknat a kahrisōt jo, kakhôk det a Edom chunga kahri kae. Manuisōna leh êngset pum a karam kha anhlōa aramhâng hei kha anta anmanchanga kae.

DANIEL 5:18

“Chunghnung Pathen in napa Nebuchadnezzar kha rengkalen inkhat aleimanchang khana lûrna leh lenna aleipek.

HABAKKUK 1:12

Rōngpu, anphutbia inphut nang chu Pathen che kae. Nang a’ntheng leh kumsôt a ka-Pathen che kae. Rōngpu ka-Pathen kakahrungpa, nang in Babylonhei kha nakadei hei khana keini karâktorna sik a ratha napek hei.

HABAKKUK 1:17

Anmani’n pha rakip a anchemjâm kha antahmang ṭhak sik mo khana lungsetna neiloa jât-hei hi antasuk manram sik jo hei mo?

DÂNRABU INHNINA 28:37

Rōngpu’n akathek manchai sik chei, ram shunga mihe’n nanchunga akasōk omchen jâra anmalung atôn sik; sem tlona leh manuisōna annei sik chei.