JEREMIAH 25:7 - LEKHARABU INTHENG (BSI)

⁷ Tâk-kha Rōngpu khet in, nangni’n aṭong rangei hnōm mak chei ati. Khava kanek a, nanlimhei khan anhnuk nanmannat pek a, nanbing chunga karâkna kha nantamathlung kae ati.

JEREMIAH 25:7 ပူးပေါင်းရင်းမြစ်များ

RENGHEI INHNINA 17:17

Anmani’n ansapa ansanuhei jât-hlop pathen hnenga ro-inthoina annei hei; khana rahmang kasânhei leh tla kasânhei dertōna annei hei, Rōngpu hmit-hmua ṭōnse tlona katluk a inpesōt jo hei, ahnuk anmannat pek jo.

RENGHEI INHNINA 21:15

Kamihei chunga hivahi katlo sik, ajârchu kei dōina setna antlo, khana anpu anpahei phat a Egypt ram a anjōng sōk a inphut hiva pha katlunga kahnuk anmannat ṭhak a kae.”

THUHMINGHEI INHNINA 24:19

Rōngpu’n anmani ahnenga anhong inlena sik a gîkna kapek sik a sânkathem aleitir hei, tâk mipuihei khan rangei hnōm mak heia kae.

NEHEMIAH 9:26

“Tâk-kha namihei khan inphin heia naṭong juimak hei; nadân a khan anmani’n hnung ansungsi jo. Nang hnengting anlei inhena sik a gîkna kanei sânkathemhei kha anmani’n anleithat hei. Pha khakhat leh nang kha inzakna anleipek che,

ṬONGCHÎK-HEI 8:36

Kei ani kachenmak mihei kha anbibinga a’nsukset hei kae; Tu mo inkhat kei ani kahōt kha thina amadu kae.”

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 22:21

Nangni’n nanhōilai Rōngpu’n nanhnenga aleihri jo, tâk-kha nangni’n leirangei mak chei. Nanhringkhō seia nanṭōn tlo kha khavakha kae; nangni’n ahei tik a’m Rōngpu ṭong kha juimak jo tin chei.

JEREMIAH 25:8

“Khava jâra, nangni’n aṭong hri nanrangei pek mak jâra, Chunghnung Rōngpu’n ati,

JEREMIAH 29:19

Ke’n kasōk sânkathem heia inphut ṭong kapek ṭhak hei kha anjuimak jâra anchunga hivahi akasōk sik kae. Anmani’n rangei hnōm mak heia kae.

JEREMIAH 44:7

“Khava jâra Chunghnung Rōngpu, Israel Pathen ke’n tûn nanhnenga ṭongderna kanei chei kae, heisa mo nanbinga khangtuk hrep a ṭōnse nantatlo? Nanmi inkhatbek kahringa a-om makna sik a, pase leh nuhmeihei, sa leh tehei chunga ramna akasōk sik hi nanta madu mo?

JEREMIAH 44:8

Nangni’n nan-omna sik a nanta heijōn Egypt a limhei nankamuk a pathen ralak hnenga inthoina nantōk a heisik a mo kahnuk nanta mannat? Raleichunga jât he’n sem manlonâ sik chei leh nanrahming kha inhâksêrna anhmangna sik chei, nanbibinga insuk inhmangna sik a hivahi nantatlo mo kae?

ZECHARIAH 1:4

Nanpu sōnhei kapō angmak ruh. Tenlaia inphut kaṭong kha sânkathem he’n antamanthei jo hei kae, ṭōnse tlopuma an-om makna sik, setna ṭōntloa anhring nôk makna sik a anmanthei hei. Tâk-kha anmani’n kaṭong arangei mak hei khana ajuimak hei.

DÂNRABU INHNINA 32:21

Antasyem limhei jâra kahnuk anmannat, Pathen changlo pathenhei kha, pathen anphō hei jâra kathang anmanset. Khava jâra anhnuk mannatna sik a jât-hlop antati hei kha kahmang sik hei; akamo jât-hei chunga anthang kamansit sik.