JEREMIAH 25:30 - LEKHARABU INTHENG (BSI)

³⁰ “Jeremiah, nang in kahri rakip hi naphongsōt sik kae. Nang in hiva mihei hneng nahri pek sik hei kae, marvâna inphut Rōngpu kha heika-ông sik, marvân inshânga inphut hei-inhrung sik. Amihei chunga hei-inhrung sik, vomhrui thei ka-ep mi inkhat kapōa heika-ông sik. Raleichunga mi rakip in arasa kha anthei sik,

JEREMIAH 25:30 ပူးပေါင်းရင်းမြစ်များ

SAMUEL INHNINA 15:25

Khava sōa rengpa’n Zadok hneng ati, “Intepna Bôm kha khōpuia rôn male jo ruh. Rōngpu’n kachunga atlai inchu, ni khat chu Intepna Bôm omna hmun a hin aka-en sik a aniheiṭhōi male sik eng.

RENGHEI INKHATNA 9:3

Rōngpu’n ahnenga ati, “Naderna kha kathei jo. Nang in nasaksōt Bek-inn hi ahei tik a kei kamukna sik a kaman thengsōt jo. Ke’n ahei tik a ka-ensui ṭhak sik khana kahrung ṭhak sik.

THUHMINGHEI INHNINA 30:27

Thempu leh Levihei khan mipui sik a mahâmṭhatna Rōngpu hneng anleider. Marvâna a-inna inphut Pathen khan anderna kha athei pek hei khana arahlâng heia kae.

HLAHEI 11:4

Rōngpu kha abek-inn intheng shunga ka-om; marvân chunga alen in-ongna anei. Ama’n hmuntina mihei a-ensui hei khana anmani’n heimo antatlo amanhret.

HLAHEI 132:14

“Kumleikōa ka-omna sik kha hi kae; hinna inphut vaikarôn hnōm.

HLAHEI 46:6

Jât-hei ṭit-inpirna annei, rengramhei innok hei; Rōngpu hong inhrung khana ralei kha kajorsō.

HLAHEI 58:5

mari dôi kachoihei tatum mahring rasa akatheimak, a-emak leh dôi kathemhei ṭongsânna akatheimak ka-ang hei.

HLAHEI 78:65

Achaina pena Rōngpu kha akajea inphut, mi kahrattak ju inruia ahon’sang kapōa hongkathōi jo.

ISAIAH 16:9

Tûn kei Jazer sik a kaleiṭapna kapōa Sibma vomhrui sik a kaṭap eng. Heshbon sik a leh Eleale sik jâra kahmit rathli katla, ajârchu mihei inpâkna sik om mak jo ning.

ISAIAH 33:3

Nang in keini sik re natuk pha, re tuk rasa antheia jât-hei katlân hei.

ISAIAH 42:13

Rōngpu kha rekahrâng inkhat kapōa re katuk a kase jo; ama intlukdek a ka-om khana re katuk sik aratha kahrok a kae. Ama’n hranhla kapenga, re ôngna aneia kae; a’nrepuihei hneng aratha hratna amalâra kae.

JEREMIAH 17:12

A’nphutbia inphut tlângbung inshâng chunga kangira, ni-Bek-inn hi reng in-ongna kalûrtak inkhat kha ka-anga kae.

JEREMIAH 25:38

Shabakkai in akhur adahlon kapōa Rōngpu’n amihei adahlon jo hei. Ṭit ka-om re leh Rōngpu hnuknat khan ram kha nêrdiram amanchang jo.

JEREMIAH 48:33

Moab ram a ralei ṭhatna inphut hōina leh inpâkna kha inlosōt jo. Ke’n vomhrui thei-epna inphut ajōng kalōng theiju kha kamanhai jo; theiju kasyem sik leh inpâk a aka-ông sik tûte om mak jo.

HOSEA 11:10

“Kami kadōihei hneng ke’n shabakkai kapōa ka’nhrung pha, kami he’n kakahnung anjui sik eng. Anmani tlaitlâk tinga inphut kahnenga inranga kahong sik hei.

HOSEA 5:14

Judah leh Israelhei chunga shabakkai kapōa kabuhlu sik hei. Kei khet in anhar anhak a kakeihler heia kadahlon sik hei. Ke’n kakeisôn hei pha tûte’num huk tor mak hei ning.

JOEL 3:16

Zion Tlânga inphut Rōngpu heika-ông; Jerusalema inphut arasa inhnaktak a hei intlir; ralei leh thangvân innok. Tâk amihei chu ahrung sik hei.

AMOS 1:2

Amos in ahri, “Rōngpu’n Zion Tlânga inphut hong inhrung; Jerusalema inphut a-ông rasa hong intlir, phi kekna ramhâng kachâr jo Carmel Tlânga hardông he’m ka-êngsō jo hei.”

AMOS 3:8

Shabakkai a’nhrâm leh tu mo akaṭi mak sik? Chunghnung Rōngpu’n ahri leh ama ṭong tu’n mo aphông mak sik?

ZECHARIAH 2:13

Rōngpu hmaikunga mi rakip sip ti ruh, ajârchu ama kha a-omna hmun inthenga inphut kajōnga kae.

DÂNRABU INHNINA 26:15

Marvâna nahmun inthenga inphut jōng enroh khana nami Israel vâng pek hei roh; kanpu kanpahei hneng ale’ntep che kapōa, nang in napek ung neina leh ram thai omna ram hi’m vâng pek roh.’

ṬONGPHÔNG 19:15

Abeia inphut chemjâm kangeijap inkhat heikasōk, khan vâng ama’n jât-hei ator sik hei. Ama’n anchunga thir khōnghre inkhat vâng vai arôn sik hei, khana Pathen Akahratpen hnuk natna vomhrui thei-epna vâng vomhrui kha a-ep mathlâk sik kae.