JEREMIAH 25:18 - LEKHARABU INTHENG (BSI)

¹⁸ Anmani kha nêrdiram, ṭit ka-om leh hmit ena malung tôn ka-om anchangna sik, tuning katlunga antatlo ṭhak kapōa anrahming kha hâksêrna ṭong inkhat a mihe’n anhmangna sik a Jerusalem leh Judah khōpui rakip, anrenghei leh anhlam kakeihei kha, hiva kōklei hi aman in jo hei.

JEREMIAH 25:18 ပူးပေါင်းရင်းမြစ်များ

RENGHEI INKHATNA 8:24

Kapa David hnenga na-intepna kha nanit; tuning chu ṭongrahme rakip hui katlung jo.

RENGHEI INHNINA 22:19

ke’n heikhong inmo Jerusalem leh amihei karâk sik heia kamaṭhit hei kha nathei pha namalung nathlenga kahma kunga insinsak jo che, napōn nakei hlera kaṭap jo che,

THUHMINGHEI INHNINA 29:8

Hiva jâra hin Rōngpu kha Judah leh Jerusalem chunga ahnuk kana jo, khana anhnenga aheitlo omchen khan mi rakip lung natna leh inpirna amannei jo hei.

EZRA 9:7

Kanpu kanpa heia inphut tûn katlunga, nami keini kaset hêr jo ung. Kanṭhena jâra kanrenghei, kanthempu hei miram renghei kut a leikatla jo hei, keini anleithasōt ung, anleichom ung, khana rehringa anleisur jo ung. Khana tuna kanka-om kapōa hin inzakna katluk set a kanleichen jo.

NEHEMIAH 9:36

Tûnchu keini napek ung ram shunga sōk kachang jo ung, sâk leh in anikape ram kaṭha shunga hin.

HLAHEI 60:3

Namihei kha khōdeng namanthei hêr jo hei; ju inrui kapōa keini kanhek kanhek a kalôn jo ung.

ISAIAH 40:23

Ama’n ratha kaneitak vaikarônhei kha akei mathlâk hei khana heite kaemak a ada hei.

ISAIAH 65:15

Kakadeisōt mihe’n nang rahming kha hâksêrna inkhat a anhmang sik. Chunghnung Rōngpu ke’n, kathat sik che kae. Tâk-kha kaṭong kajuihei khachu ke’n rahming ther kapek sik hei.

JEREMIAH 1:10

Tuning ke’n jât rakip leh rengramhei anrajung kaphôisōt sik, kakei inthlûk sik, akasuk inhmang sik, akahlonsōt sik, akaphunsōt sik leh akasyemsōt sik a ratha kha nang kapek jo che kae.”

JEREMIAH 13:3

Khava pha Rōngpu’n kahnenga ahri nôk a ati,

JEREMIAH 13:9

“Hing’hin Judah inlensakna leh Jerusalem inlensakna pui akatluk jo kha kasukset sik kae.

JEREMIAH 24:9

Anchunga inhmangna kamasō sik, khavakha raleichunga jât rakip he’n anṭit a inpir sik hei. Mihe’n sem tlona anhmang heia manuina annei sik hei, anmanuisō sik hei, anmani kaman chek-chaina hei hmun rakip a anrahming kha inhâksêrna inkhat a anhmang sik hei.

JEREMIAH 25:11

Hiva ram pumpui hi hleiram kachang sik, hmit-enna malung tônna kachang sik, khana ram hnenga ka-om jât he’n kum 70 Babylon rengpa sepa antlo sik.

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 26:6

Nangni’n khanga juiloa nan-om ṭhak inchu, ke’n Shiloa katlo kapōa hiva Bek-inna hin katlo sik kae, raleichunga jât rakip in hiva khōpui rahming hi inhâksêrna inkhat a antahmang sik jo kae.”

JEREMIAH 44:22

Tûnlaitak hin nanram kha inhmanga ka-oma tûte om mak jo hei. Akaṭhamak omchen nantatlo kha Rōngpu’n a-en hnâm tor mak jo jâra, ram kha hmit-enna enngam timak jo khana mihe’n arahming kha inhâksêrna inkhat a anhmang joa kae.

EZEKIEL 30:7

Ram kha raleichunga a’nram pen kachang sik, khana ama khōpuihei kha pui katluk set a sukset a dahlon sik hei kae.

DANIEL 9:12

Nang in kanhnenga leh kanvai karônhei hnenga tlo sik a nahri kha natloa kae. Nang in raleichunga aka-om khōpuihei kanek a Jerusalem kha kakhôk chet a nakarâk a kae.

AMOS 2:5

Achang jâra, Judah hei chunga hmei kajōng mathlâk sik, Jerusalem rekur kakângsō sik.”

AMOS 3:2

“Raleichunga phung rakip kâra kamanhret leh ka-ensui jât kha nangni rōk chei kae. Khava khan nangni setnahei kha ṭit ka-om tak amanchang, khava jâra karâkna kapek sik chei kae.”

MICAH 6:16

Hiseng hi kasōk sik, ajârchu nangni’n Reng Omri leh asapa Ahab omchen kaṭhamak kha nangni’n nanjuia kae. Nangni’n anmani mantlukna hei nantlo manjôna kae, khava sik a nangni kamanhmang sik chei, khana mi rakip in anhnōise sik chei. Hmun rakip a mihe’n mater tak a antlo sik chei.”

JOSHUA 6:18

Tâk-kha nangni’n suk manhmang sik a ka-om neinâk inkhatbek nanta’nlo mak sik kae; kha nantlo’nchu Israel rephōr shunga inrengna leh insuksetna nantaheirôn sik kae.

PETER INKHATNA 4:17

Ṭongtan inphutna sik pha kha kahong jo, hma inkeipena Pathen khet mihei chunga ṭong antan sik kae. Eini chunga ṭongtan a’nphut achang inchu, Pathena inphut Ṭong kaṭha akataksenmak hei inchaina kha heimo akachang sik?