JEREMIAH 25:16 - LEKHARABU INTHENG (BSI)

¹⁶ Ju kha an-in pha anphei anpheia kalôn sik hei khana anmani kadōia re kalei tir hei jâra anmalung kha invai sik jo.”

JEREMIAH 25:16 ပူးပေါင်းရင်းမြစ်များ

JEREMIAH 13:12

Rōngpu Pathen in kahnenga ahri, “Jeremiah, Jube rakip ju anmansip petna sik a Israel mihei kha hripek hei roh. Anmani’n jube rakip ju mansip sik hichu kanmanhret jo tia anmasôn sik che.

JEREMIAH 13:14

Khava pha ke’n anmani inkhat leh inkhat upa leh naipang ṭhenloa, bephu kapōa kavōk-khōi sik hei. Lungsetna, lungkhamna, khana maritna hei khan anmani that manramna kha akhartor mak ning.”

JEREMIAH 25:27

Khava sōa Rōngpu’n kahnenga ati, “Mihei kha hripek hei roh, Chunghnung Rōngpu Israel Pathen ke’n ṭong kapek hei kae, anmani kadōia re kahei tir jo jâra, anmani’n an-inrui leh anmalōksōt mak kârseng ju kha in hei rasoh, anpûr leh anthotor mak lai seng in hei rasoh.

JEREMIAH 45:5

Ahlop mônga nang thlop sik chea na-ena aka-om che mo? Kha tlomak roh. Ke’n mi rakip chunga ṭōnse kajōng masō sik, tâk nang chu khova hmun a nasena hmun rakip a, nahringkhō rōk chu inphesōt tor sik che. Rōngpu ke’n kahri jo kae.”

JEREMIAH 48:26

Rōngpu’n ahri, “Moab kha ju manrui ruh, ajârchu ama’n adōi enga kae. Moab in amalōk chunga inkhōn sik, khana mihe’n anmanui sik.

JEREMIAH 51:39

Anmani akalôp hei mo? Ke’n revei sâktlâng inkhat kamantluk pek sik hei, khana ju kaman rui heia kamanhōi sik hei. Anmani khō manhret loa kaje sik hei, thōimak jo hei ning.

JEREMIAH 51:7

Babylon hi kakut chunga sana kōklei inkhat, vânhnōi ralei ju amanrui hei khava kapō kha kae. Jât he’n aju kha an-ina amanvet hei.

ṬAJAISUINA 3:15

Ama’n kasâk leh ka-in sik a apek eng kha inrengna kakhôktak rōk hi kae jo.

ṬAJAISUINA 4:21

Edom leh Uz mihei manui ruh; nan-inpâk torlai hin inpâk jo ruh nan-inrengna sik pha kha’m kahong jo; nangni’m inzak a pōn leh der kasea laka-om sik chei.

OBADIAH 1:16

Kami he’n katlâng intheng chunga karâkna kōklei akakha kha an-in jo. Tâk akimvea ka-om jât rakip in hiva kanek a akakhadet karâkna kōklei an-in sik; anmani’n an-insō sik khana inhmangpet sik hei.

NAHUM 3:11

Nineveh, nang um ju inrui khō inhret maktak a katlu sik che! Nang um naka-en kada heia inphut inphesōt sik a natlo sik.

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.

ṬONGPHÔNG 14:8

Ngeva 2 tlukna khan hma-inkei kha ahei juia ahri, “Amanu katlu jo! Babylon kalen kha katlu jo! Amanu’n mi rakip aju apek heia aman in hei, ama juhning, hurna ju kha kae!”

ṬONGPHÔNG 18:3

Ajârchu jât rakip in aju kha an-in jo, khavakha ahur leh ajôngna ju kha kae. Raleichung renghei kha’n amanu leh jông leh kîk antlo, khana raleichunga invei katlo he’n amanu hur jâra anhaosō joa kae.”