JEREMIAH 25:11 - LEKHARABU INTHENG (BSI)

¹¹ Hiva ram pumpui hi hleiram kachang sik, hmit-enna malung tônna kachang sik, khana ram hnenga ka-om jât he’n kum 70 Babylon rengpa sepa antlo sik.

JEREMIAH 25:11 ပူးပေါင်းရင်းမြစ်များ

THUHMINGHEI INHNINA 36:20

Ama’n akahring senghei kha Babylona aṭhōi hei, khana khan Persia Rengram ahei sōksōt mak hma seng ama leh asōnhei kha anmani’n sōk kapōa anleirazen hei.

ISAIAH 5:6

Kahar kha kamanbuksi sik. Abâk-hei manhleng mak jo ning, akung um mavurmak jo ning; khava nek a, phibuk leh rahling chap in kabuksi jo rasoh. Sumtuk in achunga khō amansûr sik kapha, kakhâm sik jo.”

JEREMIAH 25:12

Khava sōa Babylon leh arengpa kha ansetna jâra karâkna kapek sik hei. Khava ram kha kasuk manhmang sik khana ahei tik a inhmanga ka-om sik.

JEREMIAH 25:38

Shabakkai in akhur adahlon kapōa Rōngpu’n amihei adahlon jo hei. Ṭit ka-om re leh Rōngpu hnuknat khan ram kha nêrdiram amanchang jo.

JEREMIAH 27:22

Anmani kha Babylona anchoi sik hei, ke’n khavahei sik a kamalung kapek mak kârseng khana khan ka-om sik hei. Khava sō leh hiva hmun a kahei choi nôk heia kada sik hei. Rōngpu ke’n kahri jo kae.”

JEREMIAH 27:7

Jât rakip in ama anrazen sik, ama khet jât-hei nammathlûkna pha kha ahong tlung mak kârseng, anmani’n asahei khana atu hei katlunga anrazen sik hei. Khava sō leh ratha kaneitak jât-hei khana reng kalentak hei kha ama jât he’n anrazen nôk sik hei.

JEREMIAH 28:14

Chunghnung Rōngpu, Israel Pathen in ahri ti chu hiva jât rakip hei hneng thir rîngke aman-or sik hei, anmani’n Babylon Reng Nebuchadnezzar anrazen sik. Rōngpu’n ati, ramshahei kapha’num Nebuchadnezzar sepa antlo sik.”

JEREMIAH 29:10

“Rōngpu’n ahri, ‘Babylona kum 70 atlang pha, ke’n nangni sik kamandon kha kamanhmu sik chei, khana nangni inna kaheiṭhōi nôk sik chei tia ka ṭongtep kha ke’n katlosōt sik kae.

JEREMIAH 4:26

Rōngpu hnuknat a’nhnakrei jâra ram kaṭha kha nêrdiram kachang jo; akhōpuihei kha inhmangsō jo hei. (

JEREMIAH 4:27

Rōngpu’n ati jo khachu, ralei pumpui hi ramthip kachang sik jo, tâk-kha manhmang cherna chu changmak ning.)

JEREMIAH 43:10

Khava sōa hripek hei roh, ti chu Chunghnung Rōngpu, Israel Pathen ke’n, kasōk Babylon Reng Nebuchadnezzar kha hiva hmun a hin kajōngṭhōi sik, khana nang in hlunghei navûmna chunga hin areng in-ongna amatung sik, khana areng pōn-inn kha achunga amazer sik kae.

JEREMIAH 44:22

Tûnlaitak hin nanram kha inhmanga ka-oma tûte om mak jo hei. Akaṭhamak omchen nantatlo kha Rōngpu’n a-en hnâm tor mak jo jâra, ram kha hmit-enna enngam timak jo khana mihe’n arahming kha inhâksêrna inkhat a anhmang joa kae.

EZEKIEL 12:19

Tûn katlunga anram shunga alaka-om hei Jerusalem mipuihei hnenga hivahi Chunghnung Rōngpu ṭong kae tia jât mihei seng hnenga manthei hei roh: thlai ansâk pha a’nnok sik hei kae khana tui an-in pha ṭitpum a a’nthing sik hei kae. Anram kha chom manthengreng sik kae, ajârchu khana aka-om rakip dân kase hei kae.

EZEKIEL 29:11

Khava shunga khan mihring leh sha inkhatbek lônmak ning. Kum 40 khana khan heite om mak ning.

EZEKIEL 6:14

Kadik, kakut karajitsōt sik khana anramhei kasuk manhmang sik hei. Sak tinga nêrdiram a inphut Ribla khōpui katlunga ramhânga kada sik, Israelhei omna hmun rakip inkhatbek ṭhensōt mak ning. Khava sōa mi rakip in kei hi Rōngpu eng kae tia anmanhret sik jo eng.”

DANIEL 9:2

Ama vai rôna kum hmakakeia, sânkathem Jeremiah hneng aleihri, ke’n lekha intheng kateia, Jerusalem in kum 70 a’nhmang sik kha kamandona ka-om eng.

LEVI-DÂN 26:32

Nanram kha pui katluk a kasuk manhmang sik, khava hmun kahlō nan-inrepui he’m suksetna chunga anmalung atôn sik.

MICAH 7:13

Tâk-kha raleichunga aka-om hei malung ṭhatmak jâra, ralei hi nêrdiram hongkachang sik jo.

ZECHARIAH 1:12

Khava sōa ngeva khan ahri, “Chunghnung Rōngpu, nang Jerusalem leh Judah khōpuihei chunga tûn hi kum 70 nahnuk hongkana jo. Anmani chunga lungset maritna narôn sik pha kha heija mo alakasôt sik?”

ZECHARIAH 7:5

Ama’n ati, “Ram a mipuihei leh thempuhei kha manthei hei roh khachu hiva kum 7 shunga thla 5 leh 7na buhngōi leh ṭajai suina kha, kei kajana changmak.