JEREMIAH 24:10 - LEKHARABU INTHENG (BSI)

¹⁰ Anmani kha anpu anpahei leh anmani hnenga kaleipek hei ram a khan mi inkhatbek a’m ahring makna sik a anchunga re, natset khana vonṭâm kamasōpek sik hei.”

JEREMIAH 24:10 ပူးပေါင်းရင်းမြစ်များ

RENGHEI INKHATNA 14:15

Rōngpu’n Israel akarâk sik, amanu hi kava dunga pengkung kapōa innok inthing sik. Hiva anpu sōnhei aleipek ram kahōia inphut anrajung aphuksōt sik, khana Euphrates Tuidung rekhat ting akathek manchai sik hei, ajârchu pathennu Asherah lim ansyema ahnuk anmannat pek joa kae.

ISAIAH 51:19

Inhmangna kop hni nachunga katla jo: naram kha re’n achōn rachi jo, khana namihei vonṭâm ande jo. Nahnenga lungset inlâr sik tûte om mak jo hei.

JEREMIAH 14:12

Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

JEREMIAH 15:2

Anmani’n ansena sik hmun ander che pha, kaṭong hri hi manthei hei roh: Ṭhahrep hrise nat a kathi sik hei khavakha ansena sik hmun a kae! Ṭhen khat rea kathi sik hei khavakha ansena sik hmun a kae! Ṭhahrep khat vonṭâma kathi sik hei khavakha ansena sik hmun a kae! Alak-hei kha khum sik a anṭhōisōt sik hei, khavakha ansena sik hmun a kae.

JEREMIAH 16:4

Anmani ṭit ka-om hrisea kathi sik hei, khana anmani hei sik a tûte inkhat in ṭajai suimak ning, vûmmak hei ning. Ankathi kalōng kha raleia akabōk manbukṭak kapōa inte lele sik hei. Anmani re shunga a-emak leh vonṭâma kathi sik hei, ankalōng hei kha vahei leh ramshahei sâk leh in kachang sik hei.

JEREMIAH 19:7

Hiva hmun a hin Judah leh Jerusalema mihei lungdo kha hui mathlung mak ning. An-indōipui hei kamantor sik hei, khana rehmun a kamanthat sik hei. Ankathi kalōnghei kha ramshahei leh vahei tasâk sik a kapek sik hei.

JEREMIAH 21:9

Tu-tu achanga khōpuia ka-om mi kha rea achangmak leh ṭâm, achangmak leh hrisea akathi sik kae. Tâk-kha tuna re heikatlo Babylonhei hneng avakahlut a a’npek sōt mihei khachu thasōt mak hei ning; anhringkhō rōk chu inhuk sik hei.

JEREMIAH 27:8

“Tâk-kha jât inkhat achangmak leh rengram inkhat in ama vairônna thōia ahlutmak inchu ke’n khavahei kha rea, vonṭâma khana hrise nat a karâkna kapek sik heia kha Nebuchadnezzar in amanrampet mak hei kârseng anthōk sik.

JEREMIAH 29:17

Chunghnung Rōngpu’n ahri, ‘Ke’n anmani chunga re, vonṭâm khana hrise kamathlung sik hei, anmani kha sâk ayamak akaṭop theichang kapō kamanchang sik hei.

JEREMIAH 29:18

Anmani kha re, vonṭâm, leh hrise vânga kamanloi sik hei, vânhnōia akahmu jât rakip in ṭit-inpir sik hei. Hmuntina kakathek chai sik hei, anhnenga akasōk omchen kha mihei malung tônna leh inpirna annei sik. Mihe’n anmanuisō sik hei, khana anrahming kha inhâksêrna annei sik.

JEREMIAH 32:24

“Babylon he’n khōpui kha kekhumna sik a akimvea pi andeng manshânga anbuhlu jo. Re, vonṭâm, khana hrise natse hei khan khōpui kha ankut chunga apek sik kae. Naleihri rakip kha kadiktak a ahong katlung kha nang in nahmu jo.

JEREMIAH 32:25

Kha’num Chunghnung Rōngpu, khōpui hi Babylon he’n anhlō sik tingtak, hlei kha sâkhihei hmaikunga karachôkna sik a ṭong anikapek kha nang che kae.”

JEREMIAH 34:17

Khava jâra tûnchu, Rōngpu ke’n kaṭong juimak chei kati kae; nansōpui Israelhei kha ning leh hnōmpek mak hei chei. Khan chu kaṭha hêr jo, ke’n nangni ning leh hnōmpek jo chei rong: re shunga, hrisea khana vonṭâma thina sik a ning leh hnōm kha pek jo chei rong. Nanchunga katlo hei hin vânhnōia jât rakip kamanpir sik hei.

JEREMIAH 42:17

Egypt a akasea aka-om hnōmseng ankhenga rea, ṭâma, hrisea kathisō sik hei. Tûte inkhatbek akahringa om mak ning, anchunga inrengna kamathlung sik khana inphut tûte’n pesōt tor mak ning.’

JEREMIAH 42:22

Khava jâra tûnchu hivahi mandon ruh: nangni nanse leh nanva om hnōmna ram shunga khan rea, a-emak leh ṭâma, khana natsea akathi sik chei kae.”

JEREMIAH 5:12

Rōngpu mihe’n ama hnōm mak heia anhri, “Ama’n heite tlotor mak ning. Eini chunga inrengna kha tlamak ning; re leh vonṭâm demak min.”

JEREMIAH 9:15

Kha achang inchu, Israel Pathen, Chunghnung Rōngpu ke’n heimo katlo sik hi enroh: ke’n kamihei kha antasâk sik a thing kakha, anta-in sik a tûr kakha kapek sik hei.

JEREMIAH 9:16

Ke’n anpu anpahei leh anmani’n anta leithei phungmak jât-hei kâra khan kachai kathek sik hei, khana ankhenga kaman hmangpet mak hei hma seng ankadōi sik a remi kahei tir sik hei.”

EZEKIEL 33:27

“Kei akahring khet Pathen kachang jâra a’nhmangthâm jo khōpuia aka-om hei kha thatsō sik hei kae tia Chunghnung Rōngpu’n gîkna kapek hei hi manthei hei roh. Ram shunga aka-om hei kha ramsha he’n ansâksō sik hei. Tlâng chunga leh khur shunga a’nthup hei kha hrisea kathi sik hei.

EZEKIEL 6:11

Chunghnung Rōngpu’n ati, “Nakut kathling roh! Nake katet roh! Israel in that mak leh mater ka-om ṭōn rakip antlo jâra malung inrengtak a ông roh. Anmani re tuk a, vonṭâma, khana hrisea kathi sik hei.

EZEKIEL 7:15

Hlamdung heia re intuk sik hei khana innheia nat leh vonṭâm ka-om sik. Aram a inphut akasōksōt mi khan re tuk a kathi sik, khōpui shunga aka-om mi khan nat leh vonṭâma kathi sik.

DÂNRABU INHNINA 28:21

Nanomna sik ram a nangni inkhatbek hringmakna sik a hrise inkhat bâna inkhat ajōngtir sik.

ṬONGPHÔNG 6:8

Khana ke’n ka-ena shakor akadângper inkhat leika-om. Khava shakor chunga kachōngpa rahming kha akathi inti, khana kathikhō he’n akahnung ahei juia kae. Anmani kha raleichung sem manlia sem khat re vâng, ṭâm vâng, natse vâng, khan chu ramsha vâng thatna sik a torna ratha anpek jo hei.