JEREMIAH 23:9 - LEKHARABU INTHENG (BSI)

⁹ Kei kamalung kakōi jo, khana karatha innok jo. Rōngpu jâra aṭong intheng sik jâra, Ju inrui ka-ang jo eng, mi inkhat ju katamtak ka-in kha kapō jo.

JEREMIAH 23:9 ပူးပေါင်းရင်းမြစ်များ

HLAHEI 60:3

Namihei kha khōdeng namanthei hêr jo hei; ju inrui kapōa keini kanhek kanhek a kalôn jo ung.

HLAHEI 69:20

Inzakna antapek eng hin kamalung asukkhōi; khana inhōrna kasea ka-om eng. Lungsetna kachen sik a le’nhōr eng, tâk heite leiom mak; lum lona kachen sik a le’nhōr eng, tâk heite leihmu mak eng.

ISAIAH 28:1

Israel rengram kha inhmang jo: Alûrna kha, ahlam kakei ju-inruihei ta’nkhu reipâr lenlukhu kapōa kachia kaṭōi inthla jo. Anta inlensakpui anlu hei kha thai marim katui inhnam hei, tâk khana khan kaje jo hei, inrui heia kathi jo hei.

ISAIAH 29:9

Nachôndân kha tlo ṭhak ina mikamo chang roh! Tlo ṭhak ina hmit kachoa om roh! Ju rahme khat inloa avet-avaia kalôn-invai chang roh!

ISAIAH 51:21

Nangni Jerusalema khōdeng kathei mihei, ju inrui kapōa akalôn invek nangni.

ISAIAH 6:5

Ke’n kati, “Kei sik a inhōrna om mak! Kei inhmang jo eng ajârchu kabeia ṭong ahei kasōk rakip setna kasip, khana setna kasip ṭongkahri mihei kâra kei ka-om eng. Kha’num Reng Rōngpu Chunghnung kha kahmu jo!!”

JEREMIAH 20:9

Tâk-kha ke’n hinga, “Rōngpu hi kamahngi sik jo arahminga ṭong hri nôk mak jo ning,” kati pha, naṭong hin kashunga hmei kapōa inhnak a akâng ri eng. Torchena sip katia dena sik katlo, tâk-kha akasôt detor mak eng.

JEREMIAH 36:16

Ama’n ateisō pha, anmani inkhat leh inkhat kaṭi jo heia in-entō jo hei khana Baruch hneng anti, “Hiva ṭong hi rengpa hneng nimathlung nger sik kae.”

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 8:18

Kei malung inrim hi dam tor mak ning, Kei kamalunga akana eng kae.

JEREMIAH 9:1

Kalu hi tuikhur aleichanga, kahmit hei hin tuiripût anleichang inchu, kami antatha jo hei sik a, sûn leh jân leikaṭap sik eng.

ṬAJAISUINA 3:15

Ama’n kasâk leh ka-in sik a apek eng kha inrengna kakhôktak rōk hi kae jo.

EZEKIEL 13:3

Chunghnung Rōngpu’n hing’hin ahri: “Hiva akamo sânkathemhei hi inhmang jo hei! Anmani tamadu dungjuia anhrisōt khana anbinga hmangtalâr ansyemsōt.

EZEKIEL 9:4

“Jerusalem khōpui shunga vase roh khana khōpui shunga mater ka-om rakip tlo jâra inrengna leh khōdeng theina akachang hei machea mêrchîkna inkhat et vadapek hei roh.”

EZEKIEL 9:6

Katerhei, retherhei, nuhngâk-hei, nuhei. khana naipanghei vathat hei roh. Tâk-kha anmachea mêrchîkna inzet rakip tûte tônmak hei roh. Kei Bek-inn hinna inphut phut jo roh.” Khava jâra anmani kha Bek-inna akangir hlamkakei heia inphut anphut jo.

DANIEL 8:27

Kei kamalung katlasam hêra kani katamtak leikana eng. Khana kathōi enga rengpa’n anganse eng ṭōn vakatlo sik a kase jo eng, tâk hmangtalâr khan kamalung asuk manbōia heite manhret loa ka-om eng.

HABAKKUK 3:16

Hiseng hi kathei jo, kei innok eng; ṭit jâra karakam innok jo. Kataksa hi innok inthing jo, kake intlunhrek a thontor mak eng. Pathen in keini ani kabuhlu hei akarâkna sik pha kha ahong tlung sik kha sip katia kanhngâk sik.

ROMANHEI 7:9

Kei khet um vōi khat chu Dân omloa leikahring eng, tâk ṭongpek kha ahong hlut pha setna kha hong kahringsōt jo,