JEREMIAH 23:8 - LEKHARABU INTHENG (BSI)

⁸ Khava kanek a, anmani’n sak ting ram a leh kalei manchek chaina ram ralak rakip a inphut Israel mihei anhei kaṭhōisōt akahring Pathen tia karahminga intep sik jo hei. Khava sō leh anmani’n anrama ka-om sik jo hei.”

JEREMIAH 23:8 ပူးပေါင်းရင်းမြစ်များ

ISAIAH 11:11

Khava kani ajōng tlung pha, Rōngpu’n aratha hratna ahmang nôk sik, Assyria ram leh Egypt ram a dahlona ka-om amihei seng, khana Pathros, Ethiopia, Elam, Babylon khana Hamath khan chu tuipui panga ram leh tuipui kekhum ramheia amihei seng an-ina aheiṭhōi male nôk sik hei.

ISAIAH 14:1

Rōngpu’n ami Israelhei avea vōi khat alungset nôk sik hei khana ata kachang sik a akadei sik hei. Ama’n anrama ka-om sik a aheiṭhōi male nôk sik hei, ram hlop mihei leh anmani ka-omsap sik a kahong sik hei.

JEREMIAH 16:14

Rōngpu’n ahri, “Israel mihei Egypt a inphut anhei kaṭhōisōt akahring Pathen, kei rahming pan a mipui he’n ṭong an-intep makna sik pha kha kajōng jo.

JEREMIAH 16:15

Khava kanek a, sak ting ram a inphut a leh kalei kathek manchaina ram rakip heia inphut Israel mipuihei anhei kaṭhōisōt akahring Pathen, kei panna anmani ṭong intep sik jo hei. Ke’n anpu anpahei kaleipek jo anrama hin kaheiṭhōi male nôk sik hei. Rōngpu ke’n kahri jo kae.”

JEREMIAH 23:3

Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 29:14

Ôk, ke’n kahri kae, nangni’n nanhmu sik eng, khana ke’n nanrama kaman om nôk sik chei. Ke’n kahnong manchekna chei ram leh hmun rakip a inphut kakhôm manchun sik chei, khana ke’n nangni katirsōtna ramheia inphut kaheiṭhōi male nôk sik chei. Rōngpu, ke’n kahri jo kae.’

JEREMIAH 30:10

“Kamihei, ṭimak ruh; Israel mihei, inpir mak ruh. Khava ram kahlatak a inphut kurkhum a nan-omna inphut kahuksōt sik chei. Nangni inna hong inle sik cheia kha kamōnga ka-om sik chei; nangni inhuk sik chei tûte’n maṭhitmak chei ning.

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 31:8

Ke’n anmani sak tinga inphut kaheiṭhōi sik hei ralei inchaina heia inphut kamantûp sik hei. Hmitkacho leh ke katlek hei leh kahongsap sik hei, chung kahrik hei leh nai kanei sik jo he’m kahong sik hei. Anmani jât kalentak inkhat a he’nle sik hei.

JEREMIAH 32:37

Ke’n ram rakip a kamihei, kahnuknat leh kahnuk inthak jâra kavor kachek hei seng kha hiva hmun a hin kakhôm manchun sik hei, khana anmani hiva hmun a hin kaheiṭhōi male heia inhuktak a kaman om sik hei.

JEREMIAH 8:3

Hiva jât kaṭhamak mi alakahring hei hi, ke’n kakathek manchaina hmun a alaka-om hei hi, kahringa anka-om sik kanek a kathi hnōm chet sik heia kae. Chunghnung Rōngpu ke’n kahri jo kae.”

EZEKIEL 28:25

Rōngpu’n ati, “Ke’n Israelhei akimvea jât-hei hneng kachai kathekna heia inphut kaheiṭhōi male sik hei, khana jât rakip in kei hi Chunghnung Rōngpu eng kae ti hi anmanhret sik eng.”

EZEKIEL 34:13

Mihei ram a inphut kaheiṭhōisōt sik hei, kamantûp sik hei, anrama kaheiṭhōi male nôk sik hei. Israel tlânghei leh kavadung heia kaheiṭhōi male sik hei khana ramhânga kavei mankhop sik hei.

EZEKIEL 36:24

Ke’n jât-hlop heia leh ramlak heia inphut kalosōt sik chei khana nanrama kaheiṭhōi male sik chei.

EZEKIEL 36:35

Hiva ram, ramhânga aleika-om hi heikhonga mo Eden rahōn kapōa ahong kae jo, khōpui akakōisō jo, chomsō jo, suksetsōa aka-om jo hei hi tûnchu mi ka-om heia, rekur anmankur pet jo hei, tia mi rakip in anhri sik.

EZEKIEL 37:25

Kasōkpa Jacob hnenga kapeksa, anpu anpahei leiomna ram a ka-om sik hei. Ahei tik a khan ka-om sik hei, khana khan ansōn anpârhei ka-om sik hei. Kasōk David kapō inkhat in ahei tik a vai arôn sik hei.

EZEKIEL 39:28

Khava sōa kami he’n kei hi Rōngpu an-Pathen eng kae tia anmanhret sik jo eng. Anmani’n hivahi anmanhret sik, ajârchu ke’n anmani rehring sura kamanse hei kae khana tûnchu inkhatbek dahlon loa anram khet a kaheiṭhōi male nôk jo hei.

JOEL 3:7

Nangni’n natajōrna heia inphut tûn kei in kaheiṭhōi male sik hei. Nangni’n anmani hneng nanta leitlo kapōa nangni hneng ke’n katlo sik kae.

MICAH 7:15

Egypt a inphut naheiṭhōisōt ung laia naleitlo kapōa keini sik a ṭōn-inlak kha tlo roh, Rōngpu.

ZEPHANIAH 3:20

Apha kha kahong jo! Inchai kathek a ka-om nanmihei, inna kaheiṭhōi sik hei. Vânhnōia hin rahming inthang kamanchang sik chei khana nangni vōi khat kaman khang sōt hi sik chei.” Rōngpu’n ati jo.