JEREMIAH 23:5 - LEKHARABU INTHENG (BSI)

⁵ Rōngpu’n ahri, “David sōn mikadik inkhat reng sik a kakadeina sik pha kha kahong jo. Khava reng khan ram pumpui chunga kasing tak a akaṭha leh akadik vânga vai arôn sik kae.

JEREMIAH 23:5 ပူးပေါင်းရင်းမြစ်များ

SAMUEL INHNINA 23:3

Israel Pathen khan ṭong ahri; Israelhei kahrungpa khan kahnenga ati: “Ṭongdik a vaikarôn rengpa kha, Pathen ṭong kajuia vaikarôn kae,

HLAHEI 45:4

Ṭong kadik leh ṭong intlun hrungna sik a Kalûrtak a retorna kha chōng jo roh! narathahrat khan retorna kalentak amannei sik che!

HLAHEI 80:15

Hiva vomhrui kadông, kahnettak, namankek hei hi, hiva vomhrui naling hei hi hong ina vahuk roh.

HLAHEI 99:4

Ratha kanei Reng, akadik kha namadu; Israelhei chunga ṭongdik naphunsōt; nang in akadik akaṭha kha nahong rôn sōt.

ISAIAH 33:5

Rōngpu kha heituk-hrep a akalen jo mo? Ama’n heirakip chunga vai arôn. Ama’n Jerusalem kha kadik a inrônna leh malung inrena khan amansip sik,

ISAIAH 4:2

Rōngpu’n ram shung thingkung rakip pui katluk a amankekna leh anhme amanṭhatna sik pha kha lakahong sik. Alakahring Israel mipui seng anramthlai kara chunga inpâk sik hei khana inlensak sik hei.

ISAIAH 42:6

“Rōngpu ke’n nangni kabek chei kae khana ratha kapek jo chei kae, raleichunga akadik intlo ti kha hmusōtna sik a. Nangnia inphut mi rakip leh intepna inkhat kasyem sik; nangnia inphut jât-hei hneng vâr kajōng rôn sik.

ISAIAH 45:24

“Anmani’n anhri sik, kei hneng rōk a retorna leh hratna ratha kha inhmu sik; tâk-kha kei ani ka-en kada rakip kha masetna anchen sik.

ISAIAH 52:13

Rōngpu’n ahri, “Kasōkpa kha aṭōn tlona khan hme asō sik; ama kha inshângtak a kajana achen sik.

ISAIAH 53:10

Rōngpu’n ati, “Ama inrim sik kha kei lungdo kae; ama thina khan rangei mandam heirônsōtna sik a inthoina kha kae. Kha achang jâra ama’n asōn leh apâr ahmu sik hei; ama ahringkhō kasei sik, khana ama a inphut kei ṭōn mantlukna kha hme asō sik kae.

ISAIAH 53:2

Hivahi Rōngpu lungdo kae khachu asōkpa kha ralei kachâra rajung kathō thingkung kapōa kakek sik. Ama’n kaja theina leh hmeṭhatna heite neimak eini’n ama nimanhret theina sik om mak. Ama hnenga malung keiman hlutna a’nhret heite neimak, ama nisor hnōmna sik rahōi kasōk heite neimak.

ISAIAH 9:5

Re kakōn hei kekōk leh thi kakop pōnsi derkei seng hmei vâng ro manvâm kachang sik.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

JEREMIAH 22:15

Cedar thing vânga innhei nasak inchu, mihlop-hei kanek a inn kaṭhachet nasak jâra khava khan akaṭhachet reng amanchang che mo? Napa’n hringkhō pui katluktak kha ahmang. Ama chu ahei tik a akadik leh akaṭha atlo, khana atlona rakip a khangsōtna aleinei.

JEREMIAH 22:3

“Rōngpu, ke’n akadik leh a’ntlun kha nantlona sik ṭong kapek chei. Mi tahōn mathlâk inkhat kha akahōn inthlâkpa inphut huksōt ruh. Miram mihei, nu leh pa kaneimak hei, renghmeihei kha êngset a tlomak hei ruh; khana hiva hmun inthenga hin ṭhena kaneimak hei kha that mak hei ruh.

JEREMIAH 22:30

“Hiva mi hi asahei inhmangna sik katlunga, chung sōkna aneihêr mak sik a maset a’npek jo kae. David kahlanga Judah ram a vai karôn sik sōn leh pâr neimak ning. Rōngpu ke’n kahri jo.”

JEREMIAH 23:6

Ama rengchang pha, Judah mihei kha inhuk sik hei, Israel mihei kha kamōng tak a ka-om sik hei. Ama kha ‘Eini Huk manhringna Rōngpu’ inti sik.

JEREMIAH 29:11

Nangni sik a kei mantlukna, inrengna sik changloa khangsōtna sik ṭōnmantluk khana hnunga sik nan-inhōrna mantlukna hei kha kei rōk in kamanhret.

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 30:9

Khava kanek a, ke’n reng inkhat a kamatung sik David sōn leh pâr he’n, Rōngpu an-Pathen, kei hi anrazen sik jo eng.

JEREMIAH 31:27

“Rōngpu ke’n kahri kae, Judah ram leh Israel ram kha mi leh sha kamansip phetna sik pha kha kahong sik.

EZEKIEL 21:27

Inhmangna, inhmangna! Kadik, ke’n khōpui kha kamanhmang sik. Tâk-kha ke’n kakadeisōt inkhat kha hiva khōpui karâkna sik a ajōng mak hma seng hivahi sōk mak ning. Khava sōa hivahi ahnenga kapek sōt sik.

EZEKIEL 34:16

“A’nhmanghei kha kajongsōt sik hei, akalôn lele hei kha kaheiṭhōi male sik hei, an-intônbi hei kha kakatōm pek sik hei, akanahei kha kaman dam sik hei; tâk-kha khava akathai leh ratha kaneihei kha kamanhmang sik hei, ajârchu kei akadik katlo kemōng kakhem eng kae.

EZEKIEL 34:29

Ram thai ka-om hleipuk kapek sik hei, khana ram shunga vonṭâm kamanbâng sik jo. Jât-hlop he’n avea hnōise mak jo hei ning.

EZEKIEL 45:8

Hiva ram rajei hi Israel ram shunga vaikarôn rengsa inkhat in achen sik, hivahi ama’n mipuihei akachok makna sik hei, khana ram alakseng kha Israel phung he’n anchen theina sik a kae.

DANIEL 9:24

“Namihei leh nakhōpui intheng kha setna leh akaṭhamak inphut masōsōtna sik Pathen in kum 70 et kha vōi 7 kasôt aṭhensōt a ada jo. Ṭongsân leh hmangtalâr kha hui atlungna sik, khana a’ntheng Bek-inn avea manther sōtna sik a, setna rangei mandam sik khana kumleikōa dikna kha matungsōt sik kae.

HOSEA 1:11

Judah mi leh Israel mi lahong inchun sik hei. Anmani’n anhlam kakei sik inkhat anla kadei sik, khana vōi khat anmani’n anram shunga lahong kakhang sik hei khana lakahao sik heia kae. Kadik, Jezreel kani kha kani kalentak lahong kachang sik!

HOSEA 3:5

Tâk-kha Israel mihe’n Rōngpu an-Pathen hneng, anrengpa David sōn hnenga avea anhei inhena pha kha anlanei sik. Khava pha Rōngpu kha anṭit sik jo,

AMOS 9:11

Rōngpu’n ahri, “David rengram inn inset kapōa akatlu kha syem manṭhatna sik kani lakahong sik. Abanghei kasyem manther sik khana kamatung manther sik. Kasyem nôk sik, hmalaia kapōa kasyem nôk sik.

MICAH 5:3

Khava jâra sa kanei sik nuhmei khan asa kha aneimak hma seng Rōngpu’n amihei kha a-inrepuihei kut a adahlon sik heia kae. Khana rehring sura miram a aka-om Israelhei seng kha vōi khat anmihei leh inchun nôk sik jo hei.

ZECHARIAH 3:8

Khana rangei roh, Joshua, Thempu Kalen nang; khana ama asap changpui thempuhei, hnung kakhôr pha sik a mêrchîkna kaṭha akachang loi nangni, rangei ruh: Kasōk inkhat, Thing bâk tia anphō kha kamalârsōt sik jo kae!

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

MATTHEW 2:2

ander hei, “Jehudihei Reng sik a naidông inte kha khon mo aka-om? Keini’n nisōtinga ama ârsi ahong kasōk kha kanhmu, ama inmuk sik a akahong ung kae,” anti.

JOHN 1:45

Philip in Nathanael ahmua ahnenga, “Ama chungchânga Moses’n Dânrabu a amazet leh sânkathemhei talei mazet mipa kha keini’n kanhmu jo; ama kha Nazareth a Jesu, Joseph sapa kha kae,” ati.

JOHN 1:49

Nathanael in ahnenga amasôn, “Rabbi, nang Pathen Sapa che kae. Israelhei Rengpa che kae.”

CORINTHIANHEI INKHATNA 1:30

Tâk-kha nangni chu Pathen in Christa Jesua inchunna shunga aṭhōi manhlut jo chei, khana Pathen in Christa kha eini singna amanchang joa kae. Ama jâra Pathen leh kadik a adasap jo me, eini Pathen mi intheng kachang jo me, khana eini ning leh hnōma amasō jo me kae.

HEBREWHEI 8:8

Tâk-kha Pathen in amihei ṭhena kha ahmu pha hinga ahri: “Kanihei kha jōng katlung jo, Rōngpu’n ati, ke’n Israel mihei leh Judah phunghei intep puina ather inkhat kasyem sik.

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.