JEREMIAH 23:40 - LEKHARABU INTHENG (BSI)

⁴⁰ Anchunga ahei tik chenna mahngi theimak sik inzakna leh hmaimôkna kamathlung sik kae.”

JEREMIAH 23:40 ပူးပေါင်းရင်းမြစ်များ

JEREMIAH 20:11

Tâk-kha Rōngpu, nang chu kei langa ka-om che, akalen leh akahrat che kae, kei kasuk inrim hei chu katlu sik hei. Anmani ahei tik a hmaimôkna anchen sik, ajârchu anmani’n chung sōkna nei tor mak hei. Anmani nuisō chen kha mahngi thei chang hêrmak ning.

JEREMIAH 24:9

Anchunga inhmangna kamasō sik, khavakha raleichunga jât rakip he’n anṭit a inpir sik hei. Mihe’n sem tlona anhmang heia manuina annei sik hei, anmanuisō sik hei, anmani kaman chek-chaina hei hmun rakip a anrahming kha inhâksêrna inkhat a anhmang sik hei.

JEREMIAH 42:18

“Rōngpu, Israel Pathen khan ahri, ‘Jerusalem mihei chunga kahnuk natna leh kahnuk inthakna kajōngsun mathlâk kapōa, nangni Egypt ram a nanse’nchu, nangni chunga kahnuk natna kajōngsun mathlâk sik kae. Nangni, mihring hmit ena mi inrimnatak kachang sik chei; mihe’n sem anmanlo sik chei khana nanrahming kha inhâksêrna anhmang sik jo. Nangni hiva hmun hi hmu nôk mak jo tin chei.’”

EZEKIEL 16:52

Tûnchu nang in inzakna kha nade sik jo kae. Nasetna kha nasōpuihei kanek a ṭhachet mak jo khana nang kanek a chu ṭhena kaneimak ka-ang jo hei. Tûnchu na’nzakna kha inlâr senga rôn jo roh, ajârchu nang in nasōpuihei kha a’nthengseng naman-ang jo heia kae.”

DANIEL 12:2

Aleikathi hei kâra mi katamtak kahring nôk sik hei, khana ṭhahrep chu kumleikōa hmaimôkna kha anchen sik jo.

DANIEL 9:16

Nang in keini hmalai khan naleihrung jo ung, khava jâra Jerusalem chunga nahnuk mannat mak jo roh. Hivahi nakhōpui, a’ntheng nahmebung kae. Keini setna leh kanpu sōnhei ṭhatmak jâra sir leh panga ram he’n Jerusalem leh namihei chunga anhmu masi heia kae.

HOSEA 4:7

“Thempu nantam chenna kei dōina setna nantlochet, khava jâra nanlûrna kha inzakna kamanchang pek sik jo chei.

DÂNRABU INHNINA 28:37

Rōngpu’n akathek manchai sik chei, ram shunga mihe’n nanchunga akasōk omchen jâra anmalung atôn sik; sem tlona leh manuisōna annei sik chei.