JEREMIAH 23:4 - LEKHARABU INTHENG (BSI)

⁴ Anmani ka-ensui sik vaikarôn kakadei pek sik hei. Kamihei kha ṭit leh inpirna neimak jo hei ning, khana avea karâkna pemak jo hei ning. Rōngpu ke’n kahri jo kae.”

JEREMIAH 23:4 ပူးပေါင်းရင်းမြစ်များ

ISAIAH 11:11

Khava kani ajōng tlung pha, Rōngpu’n aratha hratna ahmang nôk sik, Assyria ram leh Egypt ram a dahlona ka-om amihei seng, khana Pathros, Ethiopia, Elam, Babylon khana Hamath khan chu tuipui panga ram leh tuipui kekhum ramheia amihei seng an-ina aheiṭhōi male nôk sik hei.

JEREMIAH 30:10

“Kamihei, ṭimak ruh; Israel mihei, inpir mak ruh. Khava ram kahlatak a inphut kurkhum a nan-omna inphut kahuksōt sik chei. Nangni inna hong inle sik cheia kha kamōnga ka-om sik chei; nangni inhuk sik chei tûte’n maṭhitmak chei ning.

JEREMIAH 31:10

Rōngpu’n ahri, “Jât-hei, kaṭong hri hi rangei ruh khana kaṭonghei hi akahlatak tui-ôngpui pang heia vahri manthang ruh. Ke’n kamihei kaleichai kathek hei, tâk-kha ke’n kamantûp nôk sik hei, kemōng kakhem inkhat in ankemōnghei akhem kapōa kakhem sik hei.

JEREMIAH 33:26

Khana khavahei kha sôilo jen a katlosōt kapōa, kasōk Jacob sōn leh pârhei hneng khana kasōk David hnenga ka ṭongtep kha kamathlung nger sik kae. Ke’n Abraham, Isaac khana Jacob sōn leh pârhei chunga vai karôn sik David sōna inphut mi inkhat kakadei sik kae. Ke’n kamihei chunga lungset maritna kanei sik khana akanei akahao kamanchang nôk sik heia kae.”

EZEKIEL 36:11

Mihring leh ranhei kamanpung sik hei. Hmalaia kanek a nanmi katam sik chei, sa katamtak nannei sik. Hmalaia nanlei ka-om kapōa khana khan ka-om sik chei, hmalaia kanek a kamanhao sik jo chei. Khava sōa nangni’n kei hi Rōngpu eng kae tia nanmanhret sik jo eng.

LEVI-DÂN 26:9

Vâng kapek sik chei, sa leh nai katamtak kapek sik chei; ke’n nanhnenga kaṭong leitepna kha kanit sik.

MICAH 4:4

Mi rakip ama ama vomhrui thei rahōn leh theichang kunghei kâra kamōnga ka-om sik hei khana ama kha tûte’n maṭhitna pek mak hei ning. Chunghnung Rōngpu’n hivahi atep jo kae.

MICAH 5:2

Rōngpu’n ahri, “Bethlehem Ephrathah, nang Judah shunga khōpui akasinpen hei kâra inkhat che kae, tâk nanga inphut Israel sik a, hmalaia inphut innshung hrui kanei, vaikarôn inkhat kahei majōr sik.”

MICAH 7:14

Namihei, nakadeisōt jo hei kemōng kakhempa inkhat kha chang roh, Rōngpu. Ramhânga an-inchai kathek a an-om inum ankimvea ram thai omna, ram kaṭha ka-om hei. Tenlaia kapōa, Bashan leh Gilead phidông kekna ramlena sehei sona invei hei rasoh.

ZEPHANIAH 3:13

Alakahringa ka-om Israel mihei khan tûte inkhat hnenga dikmak tlomak hei ning, maleisei um hrimak hei ning, mihōnna’m tlomak hei ning. Anmani kakhangsōt sik hei, inhukna annei sik, tûte ṭitmak jo hei ning.”

MIJAHEI 31:49

ṭong anva mathlung jo, “Apu, kanhlam keina thōia remihei kha kantei jo hei, inkhatbek ṭhemak ung.

JOHN 17:12

Ke’n anmani ka-ompuilai hei napek eng rahming, narahming ratha neina vâng khan anmani kahrunghei. Ke’n kahrungsōt heia, ṭong intheng huitlungna a’nhmang sikpa rōk kha tei loa, inkhatbek inhmang mak hei.

JOHN 18:9

(Ama’n hiva ahrina jârchu: “Apa, nang in napek eng hei seng inkhatbek manhmang mak eng,” aleiti kha hui atlungna sik a kae.)

PETER INKHATNA 1:5

Khahei kha, pha inchai ning malâr sik a a’ntluk hukmanhringna kha akachen sik a Pathen rathla’n nantaksenna jâra ahrunga ada jo chei nangnihei sik a kae.