JEREMIAH 23:3 - LEKHARABU INTHENG (BSI)

³ Ke’n kami ralak-hei, kakathek manchaina hei ram a inphut, kabek mantûp sik hei, anmani innrama kaṭhōi male sik hei. Sa katamtak annei sik, kapung sik hei.

JEREMIAH 23:3 ပူးပေါင်းရင်းမြစ်များ

HLAHEI 106:47

O Rōngpu, kan-Pathen, ahuk roh, jât-hlop hei kâra inphut keini aṭhōi male nôk roh, keini’n narahming kha kanchoi ka-ân theina sik leh kanmanpâk theina sik che.

JEREMIAH 16:15

Khava kanek a, sak ting ram a inphut a leh kalei kathek manchaina ram rakip heia inphut Israel mipuihei anhei kaṭhōisōt akahring Pathen, kei panna anmani ṭong intep sik jo hei. Ke’n anpu anpahei kaleipek jo anrama hin kaheiṭhōi male nôk sik hei. Rōngpu ke’n kahri jo kae.”

JEREMIAH 29:14

Ôk, ke’n kahri kae, nangni’n nanhmu sik eng, khana ke’n nanrama kaman om nôk sik chei. Ke’n kahnong manchekna chei ram leh hmun rakip a inphut kakhôm manchun sik chei, khana ke’n nangni katirsōtna ramheia inphut kaheiṭhōi male nôk sik chei. Rōngpu, ke’n kahri jo kae.’

JEREMIAH 30:10

“Kamihei, ṭimak ruh; Israel mihei, inpir mak ruh. Khava ram kahlatak a inphut kurkhum a nan-omna inphut kahuksōt sik chei. Nangni inna hong inle sik cheia kha kamōnga ka-om sik chei; nangni inhuk sik chei tûte’n maṭhitmak chei ning.

JEREMIAH 30:3

ajârchu kami Judah leh Israelhei kalo manhlutna sik pha kha kahong jo. Anpu anpahei hneng kaleipek ram a kaheiṭhōi male sik hei khana anmani’n avea anchen nôk sik. Rōngpu ke’n kahri jo kae.”

JEREMIAH 31:7

Rōngpu’n ahri, “Jât-hei kâra akalenpen, Israel sik a inpâkna hla sak ruh. Nanmanpâkna hla kha, ‘Rōngpu’n amihei ahuk jo hei; ama’n dahlona ka-om hei seng kha asansōt jo hei,’ tia sak ruh.

JEREMIAH 31:8

Ke’n anmani sak tinga inphut kaheiṭhōi sik hei ralei inchaina heia inphut kamantûp sik hei. Hmitkacho leh ke katlek hei leh kahongsap sik hei, chung kahrik hei leh nai kanei sik jo he’m kahong sik hei. Anmani jât kalentak inkhat a he’nle sik hei.

JEREMIAH 32:37

Ke’n ram rakip a kamihei, kahnuknat leh kahnuk inthak jâra kavor kachek hei seng kha hiva hmun a hin kakhôm manchun sik hei, khana anmani hiva hmun a hin kaheiṭhōi male heia inhuktak a kaman om sik hei.

JEREMIAH 46:27

“Kamihei ṭitmak ruh, Israel mihei inpir mak ruh. Nangni khuma nan-omna ram a inphut, khava ram kahlatak a inphut ke’n nangni kahuk sik chei. Nangni inna hong inle sik chei khana kamōng tak a ka-om sik chei. Nangni inhuktak a ka-om sik chei, tûte inkhat in maṭhitmak chei ning.

JEREMIAH 50:19

Ke’n Israelhei anram kamanhlō nôk sik hei. Anmani’n Carmel Tlânga kakek, khana Bashan tinga bu leh thlai ansâk sik khana Ephraim leh Gilead ram a akakek sachi hmuchi rakip antamadu chen a ansâk sik.

JEREMIAH 8:3

Hiva jât kaṭhamak mi alakahring hei hi, ke’n kakathek manchaina hmun a alaka-om hei hi, kahringa anka-om sik kanek a kathi hnōm chet sik heia kae. Chunghnung Rōngpu ke’n kahri jo kae.”

EZEKIEL 11:17

“Khava jâra Chunghnung Rōngpu ke’n kahri hi manthei hei roh. Ke’n kakathek manchaina ramheia inphut kakhôm mantûp sik hei, khan Israel ram kha kapek male sik hei.

EZEKIEL 36:11

Mihring leh ranhei kamanpung sik hei. Hmalaia kanek a nanmi katam sik chei, sa katamtak nannei sik. Hmalaia nanlei ka-om kapōa khana khan ka-om sik chei, hmalaia kanek a kamanhao sik jo chei. Khava sōa nangni’n kei hi Rōngpu eng kae tia nanmanhret sik jo eng.

EZEKIEL 36:24

Ke’n jât-hlop heia leh ramlak heia inphut kalosōt sik chei khana nanrama kaheiṭhōi male sik chei.

EZEKIEL 36:37

Chunghnung Rōngpu’n ahri, “Israel he’n inthōpuina sik a kahnenga derna vōi khat chu kalamannei sik hei khana kemōng rup-hei kapōa anja kamanpung sik hei.

LEVI-DÂN 26:9

Vâng kapek sik chei, sa leh nai katamtak kapek sik chei; ke’n nanhnenga kaṭong leitepna kha kanit sik.

MICAH 2:12

“Tâk-kha nangni dahlona ka-om Israel mi seng, ke’n kakhôm manchun hi sik chei. Kemōng in anrōnga anhong inle kapōa ke’n nangni kaheiṭhōi manchun sik chei. Kemōng khemna hmun a kemōng kasip tlit kapōa, nanram hi vōi khat mi kasip tlit sik hei.”

MICAH 7:12

Namihei aram aram a inphut hong inle sik jo hei, nisōtinga Assyria inphut, thlang tinga Egypt a inphut, Euphrates ramkeia inphut, tui-ôngpui hmun kahla leh tlâng kahla tatak a inphut a kahong sik hei.