JEREMIAH 23:27 - LEKHARABU INTHENG (BSI)

²⁷ Anpa he’n kei anmahngi enga, Baal kahnung antajui kapōa khan, anmani’n anrahmang antahri pek hei vânga khan kami he’n kei anmahngi tor sik eng tia anmandona kae.

JEREMIAH 23:27 ပူးပေါင်းရင်းမြစ်များ

ṬONGKATANHEI 3:7

Israel he’n Rōngpu an-Pathen kha anmahngi jo; ama dōina ṭōnse antlo khana Baal leh Asherah limhei ankamuk jo.

ṬŌNTLOHEI 13:8

Tâk-kha Elimas (Greek ṭonga Bar-Jesu intipa rahming) inti dôi kachoipa khan aleihōt a khava ram a vaikarôn in taksen hnōmna malung aheineina inphut keisōt sik aleirei.

JEREMIAH 29:8

Rōngpu, Israel Pathen ke’n gîkna kapek chei kae, nankâra ka-om sânkathem he’n achangmak leh hnungṭong kansânsōt thei kati he’n nangni hōnmathlâk mak chei rasoh. Anmani rahmang heia khan nanmalung pek mak ruh.

RENGHEI INHNINA 21:3

Apa Hezekiah in atasuk manhmang limsyem kamukna hei kha ama’n asak nôk heia kae; Baal kamukna maichâm asyem hei khana Ahab taleitlo kapōa Asherah, intinu lim inkhat um aleisyem. Manasseh’n marvân ârsihei um aleikamuk a kae.

ṬONGKATANHEI 10:6

Israel he’n Rōngpu kadōia setna antlo nôk jo. Baal leh Astarte, khana Syria, Sidon, Moab, Ammon khana Philistihei pathen limhei ankamuk joa kae.

JEREMIAH 9:14

Khava kanek a, anracham kasea anpu anpa he’n Baal limsyem kamukna sik antamanthei hei kha ankamuk jôk a kae.

DÂNRABU INHNINA 8:11

“Rōngpu nan-Pathen kha mahngi hêrmakna sik tlo ruh; tuninga kapek chei adânhei hi juiloa om mak ruh.

DÂNRABU INHNINA 8:14

nan-inlensak makna sik khana nansōk changna Egypt a inphut nankahuksōt Rōngpu nan-Pathen kha mahngi makna sik intluk ruh.

DÂNRABU INHNINA 8:18

Nangni haona sik rathahrat nankapek khachu Rōngpu nan-Pathen kae ti hi mandon ruh. Ama’n hivahi atlopek chei ajârchu nanpu-nanpahei leh ale’ntepna kha tuning katlung ajuia kae.

JEREMIAH 2:32

Nuhngâk inkhat in aret rangkachek achangmak leh hmōi inkhat in luhôngna ret amahngi tor mo? Tâk-kha kami he’nchu tei torlo kania inphut anhei mahngi jo eng.