JEREMIAH 23:24 - LEKHARABU INTHENG (BSI)

²⁴ Kahmu tor makna sik hmun a tûte’n inthup tor mak ning. Marvân leh ralei hmun rakip a ka-om eng ti hi amanhret mak chei mo?

JEREMIAH 23:24 ပူးပေါင်းရင်းမြစ်များ

A’NPHUTNA 16:13

Hagar abinga indera, “Ke’n Pathen kha kahmu khet mo khana khava akahrisōt sik a alakahring eng mo?” ati. Ama’n a’nbekpui Rōngpu kha, “Akahmu sōt Pathen,” atia kae.

RENGHEI INKHATNA 8:27

“Tâk, Eh Pathen, nang raleichunga hin aka-om tor khet che mo? Marvân rakip innum akentor mak che kae, khan chu hiva Bek-inn kasak a hin heikhonga mo akatluk tor sik?

THUHMINGHEI INHNINA 2:6

Kha’num tûte inkhat in Pathen sik a bek-inn akatluk hrep sak tor mak ning, ajârchu marvân hmun karōk bek hinum ama chu kentor mak ning. Kha achang inchu heikhong inmo ke’n Pathen hnenga bero ro mankhutna hrep sik kakhea bek-inn kasak tor sik?

THUHMINGHEI INHNINA 6:18

“Tâk-kha, Eh Pathen, nang kadiktak a raleia hin pase leh nuhmeihei kâra aka-om tor sik che mo? Marvân pumpui inum nang chu aken mak tin, khan chu heikhong inmo hiva kei tasak Bek-inn hin aken sik che?

JOB LEKHARABU 34:21

Eini kethon rakip kha ama’n a-en ravet.

JOB LEKHARABU 34:22

Pathena inphut setkarôn inkhat a’nthupna sik ama sik a chu inthim kha inthimdek mak a kae.

HLAHEI 10:11

Mikaṭhamak he’n anbinga anti, “Pathen in heite donmak! Ahmit akathim jo, ahmu hêrmak jo ning.”

HLAHEI 139:7

Nanga inphut inphesōtna sik khon mo akase sik eng? Nahmai kunga inphut khon mo akatlânsōt sik eng?

HLAHEI 139:8

Marvân chungting kake’num, khan nang leika-om sik che; kathirama khan kava je’num, khan nang leika-om sik che.

HLAHEI 148:13

Ankhenga Rōngpu rahming kha choi ka-ân hei rasoh! Arahming kha heirakip nek a kalen jôk; alûrna kha marvân leh ralei kanek a inshâng jôk.

HLAHEI 90:8

Kansetna hei nahmai kunga nada a marûk a kanset tlohei hi nahmuthei pet hei.

ṬONGCHÎK-HEI 15:3

Hmun rakip a heimo kasōk Rōngpu’n amanhret; akaṭha leh akase nitlona chunga ama’n a-ensui ṭhak me.

ISAIAH 29:15

Anṭōn mantluk Rōngpu hneng akathup hei kha inhmang jo hei! Anmani’n anṭōn kha tûte’n manhret mak, hmumak hei tia, anṭōn mantluk kha marûk a antlosōt a kae.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 66:1

Rōngpu’n ahri, “Marvân kalen in-ongna kae, khana ralei kake man ngamna kae. Nangni’n kei sik a heikhong khova inn mo nantasak tor sik, ka-omna sik kha heikhong khova hmun a mo?

JEREMIAH 16:17

Ke’n anmani tatlo rakip kahmu sō. Kei hnenga inphut heite inthup theimak, ansetnahei kahmit hmua inphut tlânsōt tor mak.

JEREMIAH 32:19

Nang in kasing tak a ṭōn namantluk khana ṭōn kalentak natlosōt hei; mihei ṭōntlo rakip nahmu sō, khana anṭōntlo dungjuia tloman napek hei.

JEREMIAH 49:10

Tâk-kha kei chu, Esau sōn leh pârhei khachu kamajuireng sik hei, khana an-inthup tor makna sik a, an-inthupna kapha’m kahliksōt pek sik hei. Edom mi rakip suk manhmanga ka-om sik hei. Inkhatbek um inṭhen mak ning.

EZEKIEL 8:12

Pathen in ader eng, “Akathithei mihring, Israel hlamkakei he’n marûk katia antatlosōt hi nahmu mo? Anmani ankhenga lim kasiptak innden shunga kamukna anneia kae. Anmani manṭhatna khachu: ‘Rōngpu’n eini ṭōntlo hi ahmu mak! Ama’n ram hi adahlon jo kae,’ anti.”

EZEKIEL 9:9

Pathen in amasôn eng, “Israel leh Judah mihei ṭit ka-om tak setna ṭhena kha antlo jo. Ram pumpui shunga mi anthat jo khana Jerusalem hi tloṭhena vâng rōk a anmansip jo. Rōngpu ke’n anram kadahlon pek heia, anmani hmumak jo hei eng tia anmani’n anti.

DANIEL 2:22

Ama’n ṭong inri leh in-ip aphôngsōt; inthima a’nthup kha amanhret, ama khet kha vâr in akatōmbit a kae.

DANIEL 4:35

Ama’n ralei mihei heite kaemak kapōa a-en hei; marvâna ngevahei leh raleia mihringhei ama ratha neina thōia ka-om hei. Tûte inkhat in ama lungtup chunga inrepui tor mak hei. a-emak leh ama ṭōntlo chunga ṭongder nei tor mak hei.

EPHESIANHEI 1:23

Bekrup hi Christa taksa kae, hmun rakip a heirakip pui intluk ama khet kha apuitlukna kha kae.

HEBREWHEI 4:13

Pathen hnenga a’nthup tor sik heite om mak; akutsyem rakip ahmai kunga inlârpet a inhlangsō pet a ka-om. Khana eini nibing et tintana kha Pathen hneng nilapek nger hi sik kae.